kaappan-mobile kaappan-large
  • September
    19
    Thursday

Main Area

Main

kaappan-mobile kaappan-large


சிதம்பரத்தில் வெடிகுண்டு வீசி அரிவாளால் ரவுடிவெட்டிக் கொலை!

ரவுடி கோழி பாண்டியன்
ரவுடி கோழி பாண்டியன்
Loading...

சிதம்பரத்தில், நாட்டு வெடி குண்டு வீசி பிரபல ரவுடியை மர்ம நபர்கள் கொலை செய்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது. சிதம்பரம் , அண்ணாமலை நகர் கலுங்குமேடு பகுதியை சேர்ந்தவர் பிரபல ரவுடி கோழி பாண்டியன்  வயது 40. இவர் மீது 10க்கும் மேற்பட்ட குற்ற வழக்குகள் நிலுவையில் உள்ளன.

pandiyan

இவர் நேற்றிரவு ராஜா முத்தையா மருத்துவக் கல்லூரி அருகே உள்ள ஒரு ஹோட்டலில், சாப்பிட்டு கொண்டிருந்த போது அங்கு மோட்டார் சைக்கிளில் வந்த மர்ம ஆசாமிகள் கோழி பாண்டியனை  அரிவாளால் வெட்ட முயற்சித்துள்ளனர். அப்போது கோழி பாண்டியன் தப்ப முயன்றதால் மர்ம நபர்கள் அவர் மீது நாட்டு வெடிகுண்டு வீசி, அவரை கொல்ல முயற்சித்தனர். பின் அரிவாளால்வெட்டி படுகொலை செய்து விட்டு தப்பி ஓடி விட்டனர். இதில் கோழி பாண்டியன் சம்பவ இடத்திலேயே உயிரிழந்தார். தகவலறிந்து சம்பவ இடத்திற்கு வந்த போலீசார் , வெடிகுண்டு நிபுணர்கள் கொண்டு அங்கு ஆய்வு நடத்தி வெடிக்காத மற்றொரு நாட்டு வெடிகுண்டை கைப்பற்றினர்.  கடலூர் மாவட்ட போலீஸ் எஸ்பி அபிநவ் சிதம்பரம் சரக போலீஸ் டிஎஸ்பி கார்த்திகேயன் மற்றும் அண்ணாமலை நகர் போலீஸார் பார்வையிட்டு கொலை செய்யப்பட்டு இறந்து போன கோழி பாண்டியனின் உடலைக் கைப்பற்றி மேலும் விசாரணை நடத்தி வருகின்றனர்.

police

தப்பி சென்ற கொலையாளிகளை பிடிக்க 4 தனிப்படைகள் அமைக்கப்பட்டிருப்பதாக சிதம்பரம் டிஎஸ்பி கார்த்திகேயன் தெரிவித்தார். இந்த படுகொலை காரணமாக சிதம்பரம் அண்ணாமலை நகர் பகுதியில் பதட்டம் ஏற்பட்டுள்ளதால் போலீசார் குவிக்கப்பட்டு உள்ளனர்.

2018 TopTamilNews. All rights reserved.