kaappan-mobile kaappan-large
  • September
    18
    Wednesday

Main Area

manikkodimohan's blog
பேனருக்கு பதிலாக ஹெல்மெட்: அசத்திய சூர்யா ரசிகர்கள்!

காப்பான் திரைப்படம் வெளியாகவுள்ள நிலையில் பேனர் வைப்பதற்குப் பதிலாக பொது மக்களுக்கு 150 ஹெல்மெட்டுகளை சூர்யா ரசிகர்கள் வழங்கியுள்ளனர். 

helmet

சென்னை பள்ளிக்கரணையில் சாலையின் நடுவே வைக்கப்பட்டிருந்த பேனர் சரிந்து விழுந்ததில் சுபஸ்ரீ என்ற இளம்பெண் உயிரிழந்தார். இந்த சம்பவத்தால்  அரசியல் கட்சிகள் மற்றும் நடிகர்களும்   எந்த நிகழ்ச்சிகளுக்கும் பேனர் வைக்கக் கூடாது என்று வேண்டுகோள் விடுத்துள்ளனர். 
குறிப்பாகக் காப்பான் திரைப்பட விழாவில் பேசிய நடிகர் சூர்யா, பேனர், கட் அவுட்டுகள் வைக்க வேண்டாம் என ரசிகர்களுக்கு வலியுறுத்தியிருந்தார்.

helmet

இந்நிலையில்  திருவள்ளூர் மாவட்டம், திருத்தணி சூர்யா ரசிகர் மன்றம் சார்பில் பொது மக்களுக்கு 150 ஹெல்மெட்டுகளை இலவசமாக வழங்கினர். மேலும் திருத்தணி அடுத்த முருக்கம்பட்டு தொடக்கப்பள்ளியில் பயிலும் 150 மாணவ, மாணவிகளுக்கு இலவச புத்தக பை வழங்கினர். மேலும் இனிவரும் காலங்களில்  பேனர் அடிக்காமல்  மக்களுக்குப் பயன்படும் வகையில் உதவிசெய்வோம் என்று சூர்யா ரசிகர்கள் நம்பிக்கை தெரிவித்துள்ளனர். 

manikkodimohan Wed, 09/18/2019 - 14:47
Surya Helmets Kaappan Surya Fans ஹெல்மெட் தமிழகம் சினிமா

English Title

surya fans free gift 150 helmets to public for kaappan celebration

News Order

0

Ticker

0 
நீட் தேர்வில் ஆள்மாறாட்டம்: போலீசில் புகார் அளித்த மருத்துவக் கல்லூரி!

தேனி: நீட் தேர்வில் மாணவர் ஒருவர் ஆள்மாறாட்டம் செய்ததாகத் தேனி மருத்துவக் கல்லூரி சார்பில் டீன் காவல்நிலையத்தில் புகார் அளித்துள்ளார்

நீட் தேர்வில் ஆள்மாறாட்டம் செய்து ஒரு மாணவர் தேனி மருத்துவக் கல்லூரியில் படித்து வருவதாகச் 
 செய்தி வெளியானது. அதில் மாணவரின்  ஹால் டிக்கெட் புகைப்படமும், மாணவரின் புகைப்படமும்  வித்தியாசமாக இருந்துள்ளது.  இதனால் சர்ச்சை கிளம்பியது. 

exam

இந்நிலையில்,இதுகுறித்து கருத்து  தெரிவித்துள்ள  தேனி மருத்துவக் கல்லூரி டீன் ராஜேந்திரன், ஆள்மாறாட்டம் குறித்து  இ-மெயில் மூலம் புகார் வந்தது. இதனால் மருத்துவத்துறை இயக்ககத்திற்கு ஆவணங்களை அனுப்பியுள்ளேன். புகார் எழுந்த அடுத்த நாள் முதல் சம்மந்தப்பட்ட மாணவர் கல்லூரிக்கு வருவதில்லை. இதுகுறித்து காவல்நிலையத்தில் புகார் அளிக்கப்பட்டுள்ளது' என்றார்.

neet

இந்த ஆள்மாறாட்டம்  மும்பையில் நுழைவுத் தேர்வு எழுதியபோது நடைபெற்றதா என்ற சந்தேகம் எழுந்துள்ளது. மேலும் சம்மந்தப்பட்ட மாணவர் ஏற்கனவே நீட் தேர்வை இரு முறை எழுதித் தோல்வியடைந்துள்ளது குறிப்பிடத்தக்கது. 

manikkodimohan Wed, 09/18/2019 - 13:18
Neet Medical College NEET exam fraud  நீட் தமிழகம்

English Title

theni medical college filed police complaint for neet exam fraud

News Order

0

Ticker

0 
2 பெண் குழந்தைகளை ஆற்றில் வீசிய தந்தை: அதிர வைக்கும் பின்னணி! ​ ​ ​

கும்பகோணம்: குடிபோதையிலிருந்த ஒருவர் தனது இரு மகள்களை ஆற்றில் வீசிய சம்பவம் அதிர்ச்சியை ஏற்படுத்தியுள்ளது. 

தஞ்சை மாவட்டம் கும்பகோணம் பத்தடி பாலத்தைச் சேர்ந்தவர் பாண்டி. இவருக்கு   ரேணுகாதேவி என்ற மனைவியும், ஷோபனா(13), லாவண்யா(11), ஹரீஸ்(9), ஸ்ரீமதி(7), குணசேகரன்(5) ஆகிய 5 குழந்தைகள் உள்ளனர். 

கூலி தொழிலாளியான பாண்டிக்கு குடிப்பழக்கம் உள்ளதால் அவரது மனைவி ரேணுகாவுக்கும் அவருக்கும் அடிக்கடி தகராறு ஏற்பாடு வந்துள்ளது. இதனால் கணவன் மனைவி இருவரும் கடந்த ஓராண்டாகப் பிரிந்து வாழந்து வருகின்றனர். 

harassment

இந்நிலையில் நேற்று ரேணுகாதேவியின் சகோதரர்  குழந்தைகளைக் கவனிக்காமல் பொறுப்பில்லாமல் இருக்கிறாயே என பாண்டியிடம் நியாயம் கேட்டுள்ளார். இதனால் குடிபோதையிலிருந்த பாண்டி மகள்கள்  லாவண்யா மற்றும் ஸ்ரீமதியை அழைத்துக் கொண்டு போய் அப்பகுதியில் உள்ள அரசலாற்றில் தூக்கி வீசி உள்ளார். இதைப் பார்த்த அந்த பகுதியைச் சேர்ந்தவர்கள் ஆற்றில் குதித்து லாவண்யாவை மட்டும் மீட்டு கரை சேர்த்தனர். இதையடுத்து வீட்டிற்குச் சென்ற பாண்டி மகள்களை  ஆற்றில் வீசி விட்டேன் என்று மனைவியிடம் கூற அதிர்ச்சி அடைந்த ரேணுகாதேவி ஆற்றங்கரைக்கு ஓட லாவண்யா மட்டும் மீட்கப்பட்டு இருந்தார். ஆனால் மற்றொரு மகள் ஸ்ரீமதியை கண்டுபிடிக்க முடியவில்லை.இதனிடையே பாண்டியை  பொதுமக்கள் அவரை சரமாரியாகத் தாக்கினர். இதுகுறித்து தகவலறிந்து வந்த போலீசார், படுகாயமடைந்த பாண்டியை மீட்டு  கும்பகோணம் அரசு மருத்துவமனையில் சிகிச்சைக்காக அனுமதித்தனர். அவருக்கு சிகிச்சையளிக்கப்பட்டு வருகிறது. 

river

இதை தொடர்ந்து ஸ்ரீமதியை  தீயணைப்பு துறையினர், போலீசார் மற்றும் அப்பகுதியைச்  சேர்ந்த பொதுமக்கள் ஆகியோர் தேடி வருகின்றனர். இந்த சம்பவம் அப்பகுதியில் பரபரப்பைக் கிளப்பியுள்ளது. 

manikkodimohan Wed, 09/18/2019 - 12:27
kumbakonam Father daughter killed லாவண்யா-ஸ்ரீமதி தமிழகம்

English Title

Family dispute in Kumbakonam Worker who threw 2 girls

News Order

0

Ticker

0 கவினிடம் சண்டை போட்ட தர்ஷன்: அதிர்ச்சியான சாண்டி


பிக் பாஸ் 3 தமிழ் இன்றைய நிகழ்ச்சிக்கான இரண்டாவது  புரொமோ  வீடியோ வெளியாகியுள்ளது.

விஜய் தொலைக்காட்சியில் ஒளிபரப்பாகும் பிக்பாஸ் நிகழ்ச்சி இறுதிக்கட்டத்தை நெருங்கியுள்ளது. இதனால் டிக்கெட் டூ பினாலே  டாஸ்க் ஆரம்பமாகியுள்ளது. முதல் கட்டமாக நடந்த நான்கு டாஸ்க்குகளில் தனி நபராக தர்ஷனும், இரண்டாவது டாஸ்கில் குழுவாக தர்ஷன், ஷெரின், கவின் ஆகிய மூவரும் வென்றனர். மூன்றாவது டாஸ்க்கில் ஷெரினும், நான்காவது டாஸ்க்கில் முகினும்  வெற்றி பெற்றார்கள்.

bb

அதன்படி பிக் பாஸ் போட்டியில் இன்று, வட்டத்துக்குள் ஓடி கொண்டு மற்ற ஹவுஸ்மேட்ஸ் கோணிப்பையில் உள்ள தெர்மாகோலை வெளியேற்றவேண்டும் என்ற போட்டி நடைபெறுகிறது. அதன் தொடர்ச்சியாக தற்போது இரண்டாவது  புரொமோ  வீடியோ வெளியாகியுள்ளது. அதில், தர்ஷன் கவினிடம், நீ ஓட்டையை பிடிச்சி  பெருசாக்கிட்டு புரிதான்னு கேட்குற என்று கோபப்பட அதற்கு கவின் அவரை சமாதானம் செய்ய முயல்கிறார். ஆனால்  தர்ஷனோ, முதல் ரவுண்டு யாரும் பேக்கை பிடிச்சு இழுக்கல. என் ஸ்பீடுக்கு என்னால ஓடமுடியலன்னா, என் முன்னாடி ஷெரின் ஓடிட்டு இருந்தா. அந்த நேரம் பார்த்து பேக்கை  பிடிச்சி இழுத்தா எனக்கு கோபம் தான் வரும்' என்று மல்லுக்கட்டுகிறார். 

 

பிக் பாஸ் வீட்டுக்குள் நண்பர்களாக வலம்வந்த கவினும் தர்ஷனும் முதல்முறையாக முட்டிக்கொள்வது போட்டியின் சுவாரஸ்யத்தைக் கூட்டுவதாக  உள்ளது. 

 

manikkodimohan Wed, 09/18/2019 - 11:56
Bigg Boss 3 Tamil tharshan kavin  பிக் பாஸ் தமிழகம் சினிமா

English Title

bigg boss 3 Tamil: tharshan and kavin fight

News Order

0

Ticker

0 காதலர் பிறந்தநாளை கொண்டாடிய லேடி சூப்பர் ஸ்டார் நயன்!

இயக்குநர் விக்னேஷ் சிவன் இன்று தனது 34 வது பிறந்தநாளை நடிகை நயன்தாராவுடன் கேக் வெட்டி கொண்டாடினார்.

nayan

நடிகை நயன்தாரா தமிழ் சினிமாவில் முன்னணி நடிகையாக வலம்வருகிறார். இவருக்கும் இயக்குநர் விக்னேஷ் சிவனுக்கும் 'நானும் ரௌடி தான்' படத்தின் மூலம் காதல் மலர்ந்தது. அதையடுத்து நயன்தாராவின் பிறந்தநாள், காதலர் தினம் என முக்கியமான தினங்களில் விக்னேஷ் சிவன் வாழ்த்து தெரிவிப்பதை வழக்கமாக கொண்டுள்ளார். சமீபத்தில் நயன்தாராவின் பிறந்தநாளன்று  லேடி சூப்பர் ஸ்டார் என்று எழுதப்பட்ட கேக் மற்றும் அலங்கார விளக்குகள் என அமர்க்களப்படுத்தினார். 

nayan


இந்நிலையல் இயக்குநரும்  நயனின் காதலருமான விக்னேஷ் சிவன் இன்று தனது 34 வது பிறந்தநாளை நடிகை நயன்தாராவுடன் கேக் வெட்டி கொண்டாடுகிறார். அவருக்காக நயன்தாரா பார்ட்டி ஒன்றை ஏற்பாடு செய்ததுடன் கேக் வெட்டி கொண்டாடினார். மேலும் இருவரும் கருப்பு நிற ஆடையில் அழகாக தோற்றமளித்துள்ளனர். இந்த பிறந்த நாள் கொண்டாட்டத்தில் இசையமைப்பாளர் அனிருத் கலந்து கொண்டுள்ளார். இந்த புகைப்படங்கள் தற்போது வைரலாகி வருகிறது. 

manikkodimohan Wed, 09/18/2019 - 11:34
vignesh shivan nayanthara vignesh shivn birthday விக்னேஷ் சிவன்- நயன்தாரா சினிமா

English Title

Nayanthara throws birthday party for Vignesh Shivn

News Order

0

Ticker

0 

மு.க.ஸ்டாலின்

சுபஸ்ரீ குடும்பத்தை நேரில் சந்தித்து ஆறுதல் கூறிய ஸ்டாலின்

துயர சம்பவத்திலிருந்து மீளாமல் இருக்கும் சுபஸ்ரீயின் பெற்றோரை அரசியல் கட்சி சார்பில் பலரும் நேரில் சந்தித்து ஆறுதல் கூறி வருகின்றனர்

'நான் பாஜக ஆதரவாளர் என்று பச்சை குத்துகிறார்கள்': ரஜினிகாந்த் வேதனை!?

சென்னை:  பாஜகவுடன் தன்னை தொடர்புப்படுத்தி வெளியாகும் செய்திகளால் தன் மீது பாஜக ஆதரவாளர் என்ற முத்திரை குத்தப்படுவதாக மன்ற நிர்வாகிகளிடம் ரஜினிகாந்த் வேதனை தெரிவித்ததாகத் தெரிகிறது.

கடந்த 2017ம் ஆண்டு அரசியல்  வருகையை உறுதி செய்த ரஜினிகாந்த் அதன் பிறகு எந்த ஒரு அறிவிப்பையும் வெளியிடவில்லை. அவ்வப்போது சில விவகாரங்கள் குறித்து பேட்டியளித்த வரும் அவர், படங்களில் நடிப்பதில் அக்கறை காட்டி வருகிறார். குறிப்பாக  மக்களவை தேர்தலில் அவரது நண்பரும், மக்கள் நீதி மய்யத்தின்  தலைவருமான தலைவருமான கமல் ஹாசன் களம்கண்ட நிலையிலும், தன்னுடைய இலக்கு சட்டமன்ற தேர்தல் தான் என்றார். அவ்வப்போது ரஜினி சில சர்ச்சை கருத்துக்கள் அவர் மீது  பாஜக ஆதரவாளர் என்ற முத்திரையைப் பதித்துள்ளது. 

rajini

இந்நிலையில் தர்பார் படப்பிடிப்பு முடிந்து ஓய்வில் இருக்கும் ரஜினிகாந்த், தனது வீட்டில் மக்கள் மன்ற நிர்வாகிகளைச் சந்தித்து ஆலோசனை நடத்தியதாகத் தெரிகிறது.  இதுதொடர்பாக பிரபல நாளிதழ் வெளியிட்டுள்ள செய்தி குறிப்பில், 'குடிநீர் பற்றாக்குறையின் போது மக்கள் மன்றத்தின் பணிகள், அடுத்த ஆண்டு இயக்கம் சார்பில் மாநாடு நடத்தத் திட்டம் போன்றவை குறித்து ஆலோசனை நடத்தியதாகக் கூறப்பட்டுள்ளது. 

rajini

மேலும் தான் ஆன்மீக பாதையில் செல்வேன்.பாஜகவுடன்  என்னை தொடர்புப்படுத்தி சிலர் செய்தி வெளியிடுகின்றனர். இது சிறுபான்மையினரிடம்  என்னை பிரிப்பதற்காக நடக்கும் சதித்திட்டம் என்று வேதனை தெரிவித்திருப்பதாகவும், தனிக்கட்சி தொடங்கும் முடிவிலிருந்து தான் பின்வாங்கப்போவதில்லை என்று உறுதி கூறியதாகவும் அச்செய்தியில் குறிப்பிடப்பட்டுள்ளது. 
 

manikkodimohan Wed, 09/18/2019 - 09:55
Rajnikanth Bjp rajinikanth Makkal Mandram ரஜினிகாந்த் அரசியல் தமிழகம்

English Title

ator rajnikanth meets his makkal mandram office bearers

News Order

0

Ticker

0
2018 TopTamilNews. All rights reserved.