kaappan-mobile kaappan-large
  • September
    17
    Tuesday

Main Area

admin's blog
 
மாணவி

கல்லூரி மாணவிகளுக்கு செக்ஸ் தொல்லை! பாஜக தலைவருக்கு எதிராக 43 வீடியோ ஆதாரங்கள்! அதிர்ச்சியில் டெல்லி வட்டாரம்!

பாஜக தலைவர்களும், தொண்டர்களும் அதிகளவில் செக்ஸ் புகார்களில் சிக்கி வருவதாகவும், சட்டம் ஒழுங்கை சீர்குலைப்பதிலும் இவர்களின் பங்கு அதிகளவில் இருப்பதாகவும் நாடு முழுவதும் சமீபமாய் ஒரு...

வியட்நாம் ஓபன் பேட்மிண்டன்: சாம்பியன் பட்டம் வென்ற இந்திய வீரர்!!

வியட்நாம் ஓபன் பேட்மின்டன் போட்டியில் ஆடவர் ஒற்றையர் பிரிவில் இந்திய வீரர் சவுரவ் சர்மா சீன வீரரை வீழ்த்தி சாம்பியன் பட்டம் வென்று அசத்தியுள்ளார்.

வியட்நாமில் உள்ள ஹோசிமின் சிட்டியில் வியட்நாம் ஓபன் பிடபிள்யூஎப் டூர் சூப்பர் 100 பாட்மிண்டன் தொடர் நடைபெற்று வருகிறது. இதில் ஆடவருக்கான ஒற்றையர் பிரிவில் பங்கேற்ற இந்திய வீரர் சவுரவ் சர்மா அபாரமாக ஆடி இறுதிப் போட்டி வரை முன்னேறினார். இறுதிப் போட்டியில் சீன வீரரான சுன் பெய் ஜியங்கை எதிர்கொண்டார்.

sourabh sharma

விறுவிறுப்பாக நடந்த இறுதிப் போட்டியில் முதல் செட்டில் சர்மா 21-12 என சீன வீரரை எளிதாக வீழ்த்தி முன்னிலை பெற்றார். ஆனால் இரண்டாவது சுற்றில் கணித்து ஆடிய சீன வீரர் சுன் பெய் ஜியங் 21-17 என சவுரவ் சர்மாவை வீழ்த்தி சமன் செய்தார். 

மூன்றாவது சுற்றில் அதிரடியாக ஆடத் துவங்கிய சர்மா சீன வீரரை துவக்கம் முதலே ஆதிக்கம் செலுத்தி 21-14 என இறுதிப் போட்டியை கைப்பற்றி சாம்பியன் பட்டத்தையும் வென்றார்.

இந்த ஆண்டு பேட்மிட்டன் தொடர்களில் சர்மா வெல்லும் மூன்றாவது சாம்பியன் பட்டம் இதுவாகும். இதற்கு முன்னர் ஹைதராபாத் ஓபன், ஸ்லோவேனியன் ஓபன் என இரண்டு தொடர்களிலும் சாம்பியன் பட்டம் வென்றுள்ளார். 

sourabh

வியட்நாம் ஓபன் பேட்மிண்டன் தொடரை வென்ற பிறகு பேசிய சர்மா கூறியதாவது, இறுதிப்போட்டி சற்று கடினமாக இருந்தது. வென்றதில் பெருமகிழ்ச்சி அடைகிறேன். முதல் மூன்று சுற்றுகளில் கடினமான வீரர்களை எதிர்கொண்டது இறுதிப்போட்டியில் என்னை மேலும் பலமான வீரனாக மாற்றியது. அடுத்து வரும் தொடர்களிலும் இந்தியாவிற்காக சாம்பியன் பட்டம் வெல்ல காத்திருக்கிறேன் என்றார்.

admin Mon, 09/16/2019 - 11:07
sourabh sharma badminton tournament  சவுரவ் சர்மா விளையாட்டு

English Title

Vietnam Open Badminton: Indian wins champion title

News Order

0

Ticker

0 ஆஷஸ்: ஆர்ச்சர் அபாரம்.. தொடரை சமன் செய்தது இங்கிலாந்து!!

ஆஸ்திரேலியாவுக்கு எதிரான 5வது டெஸ்ட் போட்டியை வென்று ஆஷஸ் தொடரை 2-2 என சமன் செய்தது இங்கிலாந்து அணி.

ஐந்து டெஸ்ட் போட்டிகள் கொண்ட ஆஷஸ் தொடர் இங்கிலாந்தில் நடைபெற்று வருகிறது. 4 டெஸ்ட் போட்டிகளின் முடிவில் 2-1 என ஆஸ்திரேலிய அணி முன்னிலை பெற்றிருந்தது. 

aus vs eng

இந்நிலையில் 5-வது டெஸ்ட் போட்டி லண்டனில் உள்ள ஓவல் மைதானத்தில் நடைபெற்றது. டாஸ் வென்ற ஆஸ்திரேலிய அணி பந்துவீச்சை தேர்வு செய்தது. முதல் இன்னிங்சில் இங்கிலாந்து அணி 294 ரன்கள் எடுத்திருந்தது. ரூட் மற்றும் பட்லர் இருவரும் அரைசதம் கண்டனர். ஆஸ்திரேலிய அணிக்கு மிச்சல் மார்ஸ் 5 விக்கெட்டுகளை வீழ்த்தி இருந்தார். 

இதைத் தொடர்ந்து முதல் இன்னிங்சை தொடர்ந்த ஆஸ்திரேலியா அணி 10 விக்கெட் இழப்பிற்கு 225 ரன்கள் மட்டுமே எடுத்தது. வழக்கம்போல, ஸ்மித் (80) மட்டுமே அணிக்கு கைகொடுத்தார். மற்ற வீரர்கள் குறைந்த ரன்களே எடுத்து ஆட்டம் இழந்தனர். ஜோப்ரா ஆர்ச்சர் அபாரமாக பந்து வீசி 6 விக்கெட்டுகளை வீழ்த்தினார்.

smith

69 ரன்கள் முன்னிலையுடன் 2-வது இன்னிங்சை தொடர்ந்த இங்கிலாந்து அணி நிதானமாக ஆடி ரன் குவிப்பில் ஈடுபட்டது. இம்முறை துவக்க வீரர் டென்லி மற்றும் ஆல்ரவுண்டர் ஸ்டோக்ஸ் இருவரும் அணிக்காக ரன் சேர்த்தனர். டென்லி 94 ரன்களும் ஸ்டோக்ஸ் 57 ரன்களும் எடுத்து அணியை நல்ல நிலைக்கு எடுத்துச் சென்றனர். 10 விக்கெட் இழப்புக்கு 329 ரன்கள் எடுத்திருந்த இங்கிலாந்து அணி ஆஸ்திரேலிய அணிக்கு 399 ரன்களை இலக்காக வைத்தது. 

சற்று கடினமான இலக்குடன் களமிறங்கிய ஆஸ்திரேலிய அணிக்கு இம்முறை ஸ்மித் கைகொடுக்கவில்லை. ஆனால் அனுபவ வீரர் வேட் சதம் அடித்து அசத்தினார். அவர் ஒருவர் மட்டுமே அணையில் அரைசதம் கடந்த வீரராக இருந்தார். இறுதியில் 263 ரன்கள் மட்டுமே எடுத்து 135 ரன்கள் வித்தியாசத்தில் 5-வது டெஸ்ட் போட்டியை இங்கிலாந்து அணியிடம் பறிகொடுத்தது. 

இங்கிலாந்து அணி இந்த வெற்றியின் மூலம் ஆஷஸ் தொடரை 2 - 2 என சமன் செய்தது. 

ஆட்ட நாயகனாக ஜோப்ரா ஆர்ச்சர் தேர்வு செய்யப்பட்டார். தொடர் நாயகன் விருது ஸ்மித் மற்றும் ஸ்டோக்ஸ் இருவருக்கும் பகிர்ந்து கொடுக்கப்பட்டது.

admin Mon, 09/16/2019 - 10:55
australia vs england ashes test ஆஷஸ் விளையாட்டு

English Title

Ashes: Archer's fine .. England equalize series

News Order

0

Ticker

0 119 பிளாஸ்டிக் பைகளில் 44 பேர் துண்டு துண்டாக வெட்டிக் கொலை! கிணற்றில் வீசிய கொடூரம்!

வன்முறை சம்பவங்கள் உலகம் முழுவதுமே அதிகரித்து வருகின்றது. தொழில் நுட்பமும், அறிவியலின் வளர்ச்சியும் உலகம் முழுக்கவே அதிகரித்து வரும் நிலையில், வன்முறை சம்பவங்களும், கொலை, கொள்ளைகளும் அதே விகிதத்தில் அதிகரித்து அதிர்ச்சியைத் தருகிறது. இளம் வயதிலேயே சிறுவர்கள் போதைப் பழக்கங்களுக்கு அடிமையாகி குற்றச் செயல்களில் ஈடுபடுகிறார்கள். மெக்சிகோவின் மேற்கு பகுதியில் உள்ள ஜாலிஸ்கோ மாகாணம் போதைப் பொருள் கும்பல்களின் வன்முறை களமாக நீண்ட நாட்களாகவே இருந்து வருகிறது. 

dead body

இந்த நகரில், தொழில் போட்டி காரணமாக போதைப் பொருட்களைக் கடத்தும் கும்பல்கள் அடிக்கடி மோதிக் கொள்வார்கள். இவர்களின் மோதல்களினால் இந்த நகரில் பலர் கொன்று குவிக்கப்படுகின்றனர். இந்நிலையில் அந்த நகரில் உள்ள பாழுங்கிணற்றில் இருந்து கடும் துர்நாற்றம் வீசியதையடுத்து, கிணற்றில் சோதனை செய்த போலீசாருக்கு பெரும் அதிர்ச்சி காத்திருந்தது. கிணற்றுக்குள் கிடந்த பிளாஸ்டிக் பைகளில் வெட்டப்பட்ட மனித உடல் பாகங்கள் இருப்பதை கண்டு போலீசார் அதிர்ந்து போனார்கள். 

mexico

மனித உடல் பாகங்கள் இருந்த 119 பிளாஸ்டிக் பைகள் கிணற்றில் இருந்து எடுக்கப்பட்டன. முதற்கட்ட விசாரணையில் 44 பேரை கொலை செய்து அவர்களது உடல் பாகங்களை துண்டு துண்டாக்கி, பிளாஸ்டிக் பைகளில் அடைத்து கிணற்றுக்குள் வீசியது தெரியவந்துள்ளது. கொலை செய்யப்பட்ட 44 பேரை அடையாளம் காணும் பணியில் தடயவியல் வல்லுனர்கள் தற்போது மும்முரமாக ஈடுபட்டு உள்ளனர்.

admin Mon, 09/16/2019 - 10:45
mexico people killed மெக்சிகோ உலகம் க்ரைம்

English Title

44 killed in 119 plastic bags Horror at the well!

News Order

0

Ticker

0
2018 TopTamilNews. All rights reserved.