Home அரசியல் சசிகலாவைச் சுற்றி மாஸ்க் அணியாத அத்தனை பேரா? - புது சர்ச்சை!

சசிகலாவைச் சுற்றி மாஸ்க் அணியாத அத்தனை பேரா? – புது சர்ச்சை!

சசிகலா உடல்நிலை பற்றிய செய்திகளின் அப்டேட்கள் வந்தவண்ணம் உள்ளன. ஜெயலலிதா சசிகலா உள்ளிட்ட 4 பேர் மீதான தீர்ப்பு வெளிவந்த போது ஜெயலலிதா உயிரோடு இல்லை. அதனால் சசிகலா உள்ளிட்ட மூவர் சிறை தண்டனை அனுபவித்து வருகிறார்கள். இவர்களின் விடுதலை தேதி ஜனவரி 27. சசிகலாவை வரவேற்க தினகரன் உள்ளிட்டோர் பெரும் ஏற்பாடுகளைச் செய்துவந்தனர்.

நேற்று திடீரென்று சசிகலாவுக்கு உடல் நிலை சரியில்லாமல் போய்விட்டது. உடனே அருகில் சிவாஜி சாலையில் உள்ள அரசு மருத்துவமனையில் அவர் அனுமதிக்கப்பட்டார். ஆனால், அங்கு நவீன உபகரணங்கள் இல்லாததால் இன்று பெங்களூர் விக்டோரியா மருத்துவமனைக்கு அழைத்துச் செல்லப்பட்டார்.

சசிகலாவுக்கு ஆக்சிஜன் அளவு குறைவாக இருப்பதாக சொல்லப்படுகிறது. மேலும் கொரோனோ பரிசோதனை செய்யப்பட்டது நெகட்டிவ் என்றே வந்திருப்பதாக தகவல்கள் சொல்கின்றன.

முதலில் அனுமதிக்கப்பட்ட சிவாஜி சாலை மருத்துவமனையிலிருந்து விக்டோரியா மருத்துவமனைக்கு அவர் செல்லும்போது சக்கர நாற்காலியில் அமர வைத்து வெளியே அழைத்து வரப்பட்டார் சசிகலா. அப்போது தொண்டர்களைப் பார்த்து சசிகலா கையை அசைத்தார். அப்போது சசிகலாவுக்கு மாஸ்க் அணிவிக்கப்பட வில்லை.

அவருக்கு மட்டுமல்லாமல் அவரை சுற்றி கிட்டத்தட்ட ஒரு பதினைந்து பேருக்கு மேல் நின்று இருந்தார்கள். அவர்களில் செவிலியர்கள் மருத்துவர்கள் காவலர்கள் உள்ளிட்ட பலரும் இருந்தனர். அவர்களில் ஓரிருவரைத் தவிர மற்றவர்கள் மாஸ்கை ஒழுங்காக அணியவில்லை. பெரும்பாலும் போட்டோக்கு போஸ் கொடுப்பது போல முகம் நன்கு தெரியும்படி மாஸ்க்கை இறக்கி கழகத்தில் போட்டிருந்தார்கள்.

கொரோனா காலச் சிக்கல்கள் இன்னும் முடிவடையாத நிலையில் அனைவரையும் மாஸ்க் அணிந்தே வெளியே செல்ல வேண்டும் என்று அறிவுறுத்தலை மத்திய மாநில அரசுகள் கொடுத்து வருகின்றன. ஆக்சிஜன் அளவு குறைவாக இருக்கிறது என்ற சிக்கல் உள்ள சசிகலாவுக்கு மாஸ்க் அணியாமல் கொண்டுவந்ததும், சுற்றி இருந்தவர்கள் மாஸ்கைச் சரியாக அணியாதததும் சர்ச்சையைக் கிளப்பியுள்ளது.

இது தெரியாமல் நடந்ததா…. இல்லை வேண்டும் என்றே அவ்வாறு அழைத்து செல்லப்பட்டாரா என்கின்ற கேள்வியும் பலருக்குள்ளும் எழுந்திருக்கிறது. இது இதுகுறித்து மருத்துவமனை தரப்பில் காவல்துறை தரப்பில் விளக்கம் ஏதும் இதுவரை அளிக்கப்படவில்லை.

மாவட்ட செய்திகள்

Most Popular

குடிநீர் தொட்டிக்குள் குதித்து அக்கா, தம்பி தற்கொலை… உருக்கமான கடிதம் சிக்கியது…

கோவை கோவை அருகே மனநிலை பாதிக்கப்பட்ட சகோதரியுடன், மென் பொறியாளர் தண்ணீர் தொட்டிக்குள் விழுந்து தற்கொலை செய்து கொண்டார். கோவை மாவட்டம்...

“சட்டசபைக்குள்..பாஜக எம்.எல்.ஏ ஒருத்தர் வந்தால் கூட ஆபத்து”

தமிழக சட்டமன்றத் தேர்தலுக்கான தொகுதி பங்கீடு பணியில் தீவிரமாக ஈடுபட்டிருக்கும் திமுக, பெரும்பாலான கூட்டணி கட்சிகளுக்கு தொகுதிகளை பிரித்து வழங்கிவிட்டது. இன்னும் ஒரு சில கட்சிகளுக்கு மட்டுமே கொடுக்க வேண்டியிருக்கிறது....

திமுக வசம் 180 : த.வா.க, கொ.ம.தே கட்சிக்கு அழைப்பு!

கூட்டணிக் கட்சிகளுக்கு ஒதுக்கியது போக திமுகவிடம் தற்போது 180 தொகுதிகள் உள்ளன. தமிழக சட்டப்பேரவை தேர்தல் நெருங்கி வரும்...

திமுக கெடுபிடி : 6 தொகுதிக்கு ஓகே சொன்ன மார்க்சிஸ்ட் கட்சி!

தமிழக சட்டப்பேரவைக்கான தேர்தல் பணியில் தீவிரமாக ஈடுபட்டிருக்கும் திமுக, தொகுதி பங்கீடு பணியில் பிஸியாக இருக்கிறது. கடந்த முறை தேர்தல்களிலெல்லாம் கூட்டணி கட்சிகள் கேட்ட தொகுதிகளை வழங்கியது. ஆனால், இந்த...
TopTamilNews