தமிழகத்தில் 4 மாவட்டங்களில் கனமழை ;18 மாவட்டங்களில் மிதமான மழை பெய்யுமாம்!

ராமநாதபுரம், விருதுநகர், சிவகங்கை, புதுக்கோட்டை மாவட்டங்களில் இடியுடன் கூடிய கன மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

தென் தமிழகத்தில் நிலவும் கீழடுக்கு சுழற்சி, வெப்ப சலனம் காரணமாக கடலூர், விழுப்புரம், அரியலூர், பெரம்பலூர், கரூர் உள்ளிட்ட 18 மாவட்டங்களில் லேசான மழை பெய்யும் எனவும் அறிவிக்கப்பட்டுள்ளது.

சென்னை மற்றும் அதன் புறநகரில் வானம் மேகமூட்டத்துடன் காணப்படும் என்றும் ஒருசில இடங்களில் மழை பெய்யும் என்றும் வானிலை ஆய்வு மையம் தெரிவித்துள்ளது.