பாதி வயிறு உணவு, கால் வயிறு நீர், கால் வயிறு காற்று..!

உணவு உண்ணும் விஷயத்தில் நம்மில் பலருக்கு ஒழுக்கம் இல்லாததால்தான் பல்வேறு நோய்களில் சிக்கித் தவிக்கிறோம். நொறுங்கத்தின்றால் நூறு வயது என்பார்கள். ஆனால், நம்மில் பலர் நொறுக்குத்தீனிகளையே சாப்பிட்டுக் கொண்டிருக்கிறோம். அதுவும் தொலைக்காட்சிகளைப் பார்த்தபடி கையில் கிடைத்த தீனிகளை உண்டு கொண்டிருக்கிறோம். இப்படிச் சாப்பிடும்போது வரைமுறையின்றி சாப்பிடுகிறோம். இதனால்தான் இன்றைய குழந்தைகள் உடல் பருத்து சிறுவயதிலேயே நோய்களின் பிடியில் சிக்கித் தவிக்கிறார்கள்.

உமிழ்நீர்:
உணவு உண்ணும்போது நம் கவனம் வேறு எதிலும் போகக்கூடாதவாறு பார்த்துக்கொள்ள வேண்டியது அவசியம். ஆனால், நம்மில் பலர் டி.வி பார்த்தபடி உண்பதையே வழக்கமாகக் கொண்டிருக்கிறோம். நாம் ஒரு உணவை உண்பதற்காக தயாராகும்போது அது நம் மூளைக்குச் சென்று சேர்வதற்கே சில நிமிடங்கள் பிடிக்கும். ஆகவே, நின்று நிதானித்து சாப்பிடப் பழகவேண்டும். நாவில் உணவை வைத்ததும் சுவை அரும்புகள் சுவைக்கத் தொடங்கும். அந்தநேரத்தில் உமிழ்நீர் சுரக்கும். இப்படி பல செயல்பாடுகள் இயற்கையாக நிகழும் என்பதை மனதில் கொள்ள வேண்டும்.

உணவு உண்ணும்போது எவ்வளவுக்கு எவ்வளவு உமிழ்நீர் சுரக்கிறதோ அப்போதுதான் உண்ட உணவுகள் செரிமானமாகும். அவசர உலகம், போட்டி என்பதுபோன்ற பல்வேறு காரணங்களைச் சொல்லிக்கொண்டு வேகவேகமாக சாப்பிடுகிறோம். உமிழ்நீர் சரியாக சுரப்பதற்குமுன்பே, சுவை அரும்புகள் சுவைப்பதற்கு முன்பே, உணவு பற்றிய தகவல் மூளைக்குச் செல்வதற்குமுன்பே சாப்பிட்டு முடித்துவிடுகிறோம். இப்படிச் சாப்பிடுவதால் உடலியக்கம் என்னவாகும் என்பதை சிந்தித்துப் பார்க்கவேண்டும்.

தியானம்:
சாப்பிடும்போது நம் கவனம் முழுவதும் உணவில்தான் இருக்க வேண்டும். இது ஒருவகை தியானம் எனப்படுகிறது. இப்படிச் செய்தால் உணவு நன்றாக செரிமானமாவதுடன் நம் உடலுக்கு அதிக சக்தி கிடைக்கும். எனவே, இதுவிஷயத்தில் நாம் கவனம் செலுத்துவோம். உண்ணுதல் என்பது சாதாரணமானதல்ல. அதற்கென சில வழிமுறைகள் உள்ளன. அவற்றைப் பார்ப்போம்.

கை கழுவிய பிறகே சாப்பிட வேண்டும். அதேபோல் நாம் உணவு அருந்தும் இடம் அமைதியாக, தூய்மையானதாக இருக்க வேண்டும். சாப்பிடுவதற்குமுன் மனதை ஒருநிலைப்படுத்த வேண்டும். அவரவர் தெய்வங்களை வழிபடுவது கூடுதல் சிறப்பு. சாப்பிடும்போது பேசக்கூடாது. குடும்பமாக உட்கார்ந்து சாப்பிடும்போது சிரித்துப் பேசி சாப்பிடுவதையே வழக்கமாகக் கொண்டிருக்கிறோம். அதுவும்கூட தவறுதான். வாயை மூடி பேசவும் என்று வேடிக்கையாகச் சொல்வார்கள். அதுபோல வாயை மூடிக்கொண்டு சாப்பிட வேண்டும்.

வாயை மூடி…
உணவை வாய்க்குள் செலுத்தியதும் வாயை மூடி நன்றாக உமிழ்நீரைச் சுரந்து கடித்துச் சுவைத்து அரவை மெஷினில் அரைப்பதுபோல அரைத்துச் சாப்பிட வேண்டும். பெரும்பாலும் திட உணவுகளை அரைத்துக் கூழாக்கி சாப்பிட வேண்டும். அப்படியானால்தான் அவற்றில் உள்ள சத்துகள் நம் உடலில் சேரும். வாய்க்குள் சென்றபிறகு அது உருமாற்றப்பட வேண்டும். இல்லையென்றால் கேடுதான் என்பதை புரிந்துகொள்ள வேண்டும்.

நாம் என்ன சாப்பிடுகிறோம் என்பதை மனதின்முன் கொண்டுவர வேண்டும். ஒவ்வொரு பருக்கையையும் ரசித்து ருசித்துச் சாப்பிட வேண்டும். பசி எடுத்தால் மட்டுமே சாப்பிட வேண்டும். எவ்வளவு முடியுமோ அவ்வளவு சாப்பிட்டால்போதும். பாதி வயிறு உணவு, கால் வயிறு நீர், கால் வயிறு காற்று இருக்க வேண்டும். இதுதான் சரியான முறை.

சாப்பிட்டு முடித்ததும் வாய் கொப்பளிக்க வேண்டும். பல் இடுக்குகளில் ஒட்டிக்கொண்டிருக்கும் உணவு… குறிப்பாக இறைச்சித்துண்டுகளை அகற்ற வேண்டும். சாப்பிட்டு முடித்ததும் சுமார் 20 நிமிடங்கள் ஓய்வெடுக்க வேண்டும். அதன்பிறகே சில நிமிடங்கள் கழித்தே படுக்கைக்கு செல்ல வேண்டும். சாப்பிட்டவுடனே எத்தகைய கடினமான வேலையையும் செய்யக்கூடாது. இத்தகைய வழிமுறைகளை சரியாகப் பின்பற்றினால் நோய்கள் எதுவும் நம்மை நெருங்காது என்பதை மனதில்கொண்டு செயல்படுவோம்.

Most Popular

எந்த ராசிக்காரர்களுக்கெல்லாம் மதிப்பும், மரியாதையும் கூடும்!

இன்றைய ராசிபலன்கள் 06-07-2020  (திங்கட்கிழமை) நல்லநேரம் காலை 6.15 முதல் 7.15 வரை மாலை 4.45 முதல் 5.45 வரை ராகுகாலம் காலை 7.30 முதல் 9 வரை எமகண்டம் காலை 10.30 முதல் 12 வரை மேஷம் பணவரவு அதிகரிக்கும். வீட்டில் உள்ள பெரியவர்களின் ஆதரவும்...

அடுத்தடுத்து திருப்பங்கள். பா.ஜ.க. தலைவர் நட்டாவை சந்திக்கும் சச்சின் பைலட்…பெரும்பான்மையை இழக்கும் காங்கிரஸ்

ராஜஸ்தானில் முதல்வர் அசோக் கெலாட் தலைமையிலான காங்கிரஸ் ஆட்சி நடைபெற்று வருகிறது. முதல்வர் அசோக் கெலாட்டுக்கும், துணை முதல்வர் சச்சின் பைலட்டுக்கும் இடையே நீண்ட நாட்களாக மன கசப்பு இருந்து வந்தது. தற்போது...

மத்திய பிரதேசத்தில் காலியாகும் காங்கிரஸ் கூடாரம்… காங்கிரஸ் எம்.எல்.ஏ. பிரதியுமான் லோதி பா.ஜ.க.வில் ஐக்கியம்..

மத்திய பிரதேசத்தில் காங்கிரஸ் கட்சிக்கு நேரம் சரியில்லை என்றே தெரிகிறது. காங்கிரஸ் கட்சிக்குள் நடந்த உட்கட்சி சண்டையால், 18 ஆண்டுகளாக அந்த கட்சியின் தீவிர விசுவாசியாக இருந்த ஜோதிராதித்ய சிந்தியா அந்த கட்சியிலிருந்து...

மேற்கு வங்கத்தில் பா.ஜ.க. எம்.பி., எம்.எல்.ஏ. மீது டி.எம்.சி. குண்டர்கள் தாக்குதல்… பா.ஜ.க. எம்.பி. சவுமித்ரா குற்றச்சாட்டு

மேற்கு வங்கத்தில் முதல்வர் மம்தா பானர்ஜி தலைமையில் திரிணாமுல் காங்கிரஸ் ஆட்சி நடைபெற்று வருகிறது. அந்த மாநிலத்தில் அசைக்க முடியாத சக்தியாக விளங்கிய கம்யூனிஸ்ட் கட்சிகளின் ஆதிக்கத்தை முடிவுக்கு கொண்டு வந்தார். தொடர்ந்து...
Open

ttn

Close