Home தமிழகம் "மன அழுத்தத்தில் காவலர்கள் தவறு செய்துவிட்டனர்" : நீதிபதியை தரக்குறைவாக பேசியது குறித்து அரசு தரப்பில் விளக்கம்!

“மன அழுத்தத்தில் காவலர்கள் தவறு செய்துவிட்டனர்” : நீதிபதியை தரக்குறைவாக பேசியது குறித்து அரசு தரப்பில் விளக்கம்!

அரசியல் கட்சிகள் முதல் பொதுமக்கள் வரை கொரோனா காலக்கட்டத்திலும் போராட்டத்தில் குதித்தனர்.

தூத்துக்குடி மாவட்டம், சாத்தான்குளம் காவல் நிலையத்துக்கு விசாரணைக்காக அழைத்துச் செல்லப்பட்ட வியாபாரி ஜெயராஜ், அவரின் மகன் பென்னிக்ஸ் ஆகியோர் கோவில்பட்டி சிறையில் அடைக்கப்பட்டனர். உடல் நலம் பாதிக்கப்பட்ட இருவரும் கோவில்பட்டி அரசு மருத்துவமனையில் அனுமதிக்கப்பட்டு சிகிச்சை பலனின்றி முதலில் பென்னிக்ஸ் இறந்தார். மறுநாள் ஜெயராஜ் உயிரிழந்தார். அடுத்தடுத்து தந்தை, மகன் இறந்த சம்பவத்துக்கு சாத்தான்குளம் போலீசார்தான் காரணம் எனக்கூறி வியாபாரிகள் தமிழகம் முழுவதும் கடைகளை அடைத்தனர். காவல்துறையினர் மீது கொலை வழக்கு பதிவு செய்ய வேண்டும் என்று வலியுறுத்தி அரசியல் கட்சிகள் முதல் பொதுமக்கள் வரை கொரோனா காலக்கட்டத்திலும் போராட்டத்தில் குதித்தனர்.

இதற்கிடையில் தந்தை, மகன் உயிரிழந்த சம்பவத்தை சிபிஐக்கு மாற்ற அனுமதிக்கக்கோரி தமிழக அரசு உயர்நீதிமன்ற மதுரைக்கிளையில் முறையீடு செய்தது. அரசின் கொள்கை முடிவுக்கு நீதிமன்ற அனுமதி தேவையில்லை என உயர்நீதிமன்றம் பதிலளித்தது. நெல்லை மருத்துவக் கல்லூரி மருத்துவமனை டீன் உயிரிழந்தவர்களின் பிரேத பரிசோதனை அறிக்கையை தாக்கல் செய்திருக்கிறார்.

நேற்று கோவில்பட்டி கிளைச்சிறையில் நடைபெற்ற விசாரணையின் போது மாஜிஸ்திரேட்டை ஒருமையில் பேசியதாக தூத்துக்குடி ஏ.எஸ்.பி குமார், டி.எஸ்.பி பிரதாபன்,காவலர் மகாராஜன் ஆகிய 3 பேர் மீது அவமதிப்பு வழக்குப் பதிவு செய்யப்பட்டது. மேலும், அவர்கள் இன்று மதுரை உயர்நீதிமன்றக்கிளையில் ஆஜராக வேண்டும் என்றும் உத்தரவிடப்பட்டது. இதனிடையே நீதிபதியை அவமதித்து பேசிய காவலர் மகாராஜன் மட்டும் பணிநீக்கம் செய்யப்பட்டார். இந்த நிலையில், இன்று நீதிபதியை ஒருமையில் பேசிய வழக்கில் காவலர்கள் 3 பேரும் நீதிமன்றத்தில் ஆஜராகினர்.

இந்நிலையில் தந்தை, மகன் உயிரிழப்பு விவகாரம் தொடர்பாக சாத்தான்குளம் காவல்துறையினர் மீது வழக்குப் பதிவு செய்ய முகாந்திரம் உள்ளது என உயர்நீதிமன்ற மதுரை கிளை தெரிவித்துள்ளது. முதல் தகவல் அறிக்கை மற்றும் சிசிடிவி கேமரா காட்சிகளின் முரண்பாடு இருக்கிறது. உடலில் மோசமான காயங்கள் இருந்தது பிரேத பரிசோதனை அறிக்கையில் தெரியவந்துள்ளது. எனவே பிரேத பரிசோதனை அறிக்கையின் அடிப்படையில் வழக்குப்பதிவு செய்ய முகாந்திரம் உள்ளது என்று கூறியுள்ள உயர்நீதி மன்ற மதுரைகிளை சிபிஐ விசாரணை தொடங்கும் வரை நெல்லை டிஐஜி அல்லது சிபிசிஐடி விசாரிக்க இயலுமா என கேள்வி எழுப்பியுள்ளது.

மேலும் உயர்நீதிமன்ற மதுரை கிளை மாஜிஸ்திரேட்டிடம் காவலர்கள் அவமரியாதையாக நடந்தது அதிர்ச்சி அளிக்கிறது என்று தெரிவித்தது. இது குறித்து விளக்கமளித்த அரசு தரப்போ , மன அழுத்தத்தில் காவலர்கள் தவறு செய்துவிட்டதாக உயர்நீதிமன்ற கிளையில் விளக்கம் அளித்தனர்.

மாவட்ட செய்திகள்

Most Popular

குடியரசு தின விழா- திருப்பத்தூர் ஆட்சியர் தேசிய கொடியை ஏற்றி மரியாதை

திருப்பத்தூர் திருப்பத்தூர் மாவட்டத்தில் குடியரசு தின விழாவையொட்டி, மாவட்ட ஆட்சியர் தேசிய கொடியை ஏற்றிவைத்து, காவல்துறையினரின் அணிவகுப்பு மரியாதையை ஏற்றுக்கொண்டார். திருப்பத்தூர்...

மதுரைக்காரன் பாசக்காரன்; ரோஷக்காரன்; எதையுமே வித்தியாசமாக செய்பவன் – அமைச்சர் செல்லூர் ராஜூ

மறைந்த முன்னாள் முதலமைச்சர் ஜெயலலிதா உடல் சென்னை மெரினா கடற்கரையில் அமைந்துள்ள எம்.ஜி.ஆர். நினைவிட வளாகத்தில் அடக்கம் செய்யப்பட்டுள்ளது. அங்கு ஜெயலலிதாவுக்கு நினைவு மண்டபம் அமைக்க தமிழக அரசு முடிவு...

திருச்சியில் 2 சிறுமிகளுக்கு நடைபெற இருந்த திருமணம் தடுத்து நிறுத்தம்

திருச்சி திருச்சி மாவட்டத்தில் இருவேறு இடங்களில் நடைபெற இருந்த குழந்தை திருமணங்களை போலீசார் தடுத்து நிறுத்தி, சிறுமிகளை மீட்டனர். திருச்சி மாவட்டம்...

திமுகவிற்கு தாவிய அதிமுக, தேமுதிக நிர்வாகிகள்

தேமுதிக, அதிமுகவில் முக்கிய பொறுப்பிலிருக்கும் நிர்வாகிகள் சிலர் திமுகவில் தங்களை இணைத்துக்கொண்டனர். திமுக தலைவர் முக ஸ்டாலின் முன்னிலையில் அண்ணா அறிவாலயத்தில் உள்ள கழக அலுவலகத்தில்,...
Do NOT follow this link or you will be banned from the site!