Home இந்தியா லாக்டவுனை தளர்த்தியும் ஜி.எஸ்.டி. வருவாய் உயரவில்லை... ஜூலையில் ரூ.87,422 கோடி மட்டுமே வசூலானது...

லாக்டவுனை தளர்த்தியும் ஜி.எஸ்.டி. வருவாய் உயரவில்லை… ஜூலையில் ரூ.87,422 கோடி மட்டுமே வசூலானது…

பொதுவாக ஜி.எஸ்.டி. வாயிலாக, மாதந்தோறும் சராசரியாக ரூ.1 லட்சம் கோடி வருவாய் அரசுக்கு வந்து கொண்டு இருந்தது. இந்த சூழ்நிலையில் கொரோனா வைரஸ் பரவுவதை தடுக்க மத்திய அரசு கடந்த மார்ச் இறுதியில் நாடு தழுவிய லாக்டவுனை அமல்படுத்தியது. இதனால் நாடு முழுவதும் பொருளாதார நடவடிக்கைகள் முடங்கின. இதனால் ஜி.எஸ்.டி. வருவாய் நினைத்து பார்க்காத அளவுக்கு அதாள பாதாளத்தில் வீழ்ந்தது. கடந்த ஏப்ரல் மாதத்தில் ஜி.எஸ்.டி. வாயிலாக ரூ.32,294 கோடி மட்டுமே அரசுக்கு கிடைத்தது.

லாக்டவுன் தளர்வு

இந்நிலையில், கடந்த மே மாதத்தில் லாக்டவுன் விதிமுறைகளை மத்திய அரசு சிறிது தளர்த்தியது. இதனால் நாட்டின் பல பகுதிகளில் பொருளாதார நடவடிக்கைகள் வேகம் எடுத்தன. இதனால் கடந்த மே மாதத்தில் ஜி.எஸ்.டி. வசூல் ரூ.62,009 கோடியாக உயர்ந்தது. கடந்த ஜூன் மாதத்தில் மத்திய அரசு அன்லாக் 1.0 அறிவித்தது. இதனால் கடந்த ஜூன் மாதத்தில் ஜி.எஸ்.டி. வாயிலாக ரூ.90,917 கோடி வசூலானது. கொரோனா வைரஸ் நெருக்கடிக்கு மத்தியில் கடந்த மாதத்தில் இந்த அளவுக்கு ஜி.எஸ்.டி. வசூலானது மத்திய அரசுக்கு பெரிய ஆறுதலாக இருந்தது.

ஜி.எஸ்.டி.

சரி இனி அடுத்து வரும் மாதங்களில் ஜி.எஸ்.டி. வாயிலான வருவாய் ரூ.1 லட்சம் கோடிக்கு குறைவில்லாமல் வந்து விடும் என்று எதிர்பார்த்த நிலையில் கடந்த ஜூலையில் ஜி.எஸ்.டி. வாயிலாக ரூ.87,422 கோடி மட்டுமே கிடைத்தது. லாக்டவுனை விதிமுறைகளை தளர்த்திய பிறகும் ஜி.எஸ்.டி. வசூல் குறைந்திருப்பது மத்திய அரசுக்கு பெரும் கவலை அளித்துள்ளது. நாடு முழுவதும் ஒரே மாதிரியான வரி அமைப்பு, வரி விகிதத்தை செயல்படுத்தும் நோக்கில் 2017 ஜூலை மாதத்தில் சரக்குகள் மற்றும் சேவைகள் (ஜி.எஸ்.டி.) வரியை மத்திய அரசு அறிமுகம் செய்தது.

மாவட்ட செய்திகள்

Most Popular

சசிகலாவைச் சுற்றி மாஸ்க் அணியாத அத்தனை பேரா? – புது சர்ச்சை!

சசிகலா உடல்நிலை பற்றிய செய்திகளின் அப்டேட்கள் வந்தவண்ணம் உள்ளன. ஜெயலலிதா சசிகலா உள்ளிட்ட 4 பேர் மீதான தீர்ப்பு வெளிவந்த போது ஜெயலலிதா உயிரோடு இல்லை. அதனால் சசிகலா உள்ளிட்ட...

“பயிர் சேதம் குறித்து, ஜன. 29-க்குள் அறிக்கை தர உத்தரவு” – ககன்தீப் சிங் பேடி

தஞ்சாவூர் பயிர் சேதம் குறித்த அறிக்கையை ஜனவரி 29-க்குள் உயர் அதிகாரிகளிடம் வழங்க, அரசு உத்தரவிட்டு உள்ளதாக, வேளாண் துறை முதன்மை செயலாளர் ககன்தீப் சிங்...

உயிரிழந்த 4 மீனவர்களின் குடும்பங்களுக்கு தலா ரூ.10 லட்சம் நிதியுதவி!

இலங்கை கடற்படை தாக்குதலில் உயிரிழந்ததாக கூறப்படும் 4 மீனவர்களின் குடும்பங்களுக்கு தலா ரூ.10 லட்சம் வழங்கப்படும் என முதல்வர் பழனிசாமி அறிவித்துள்ளார். கடந்த 18ம் தேதி...

கொரோனா தடுப்பூசியில் 1 லட்சத்தைக் கடந்த மாநிலம் இதுதான்!

கொரோனா வைரஸ் தொற்றைக் கட்டுப்படுத்த கொரோனா தடுப்பூசிப் போடும் பணிகளில் பல நாடுகள் களம் இறங்கி விட்டன. இந்தியாவிலும் ஜனவரி 16-ம் தேதி முதல் கொரோனா தடுப்பூசி போடப்பட்டு வருகிறது.
Do NOT follow this link or you will be banned from the site!