Home க்ரைம் வங்கியில் கவரிங் நகைகளுக்கு தங்க கடன் : கோடிக்கணக்கில் மோசடி செய்தவர் கைது!

வங்கியில் கவரிங் நகைகளுக்கு தங்க கடன் : கோடிக்கணக்கில் மோசடி செய்தவர் கைது!

போலி நகைகளை வைத்து 101 முறை தங்க கடன் வழங்கிய நகை மதிப்பீட்டாளரை போலீசார் கைது செய்துள்ளனர்.

சென்னை நந்தனம் அண்ணா சாலையில் இயங்கி வரும் சிண்டிகேட் வங்கியில் நகை மதிப்பீட்டாளராக திருவல்லிக்கேணியை சேர்ந்த முரளி என்பவர் வேலை செய்து வந்துள்ளார். இவர் கவரிங் நகைகளை வைத்து வங்கியில் நகை கடன் மோசடி செய்து வந்தது சிண்டிகேட் வங்கியின் மேலாளர் பிரவீன்குமாரால் கண்டுபிடிக்கப்பட்டது.

அதாவது நகைக் கடனுக்காக வங்கிக்கு வந்த நபரின் மீது வங்கி மேலாளர் பிரவீன்குமார் சந்தேகித்து நகைகளை சரி பார்த்த போது இந்த ஒட்டுமொத்த மோசடி பின்னணியில் முரளி இருப்பது தெரியவந்துள்ளது.

நகை மதிப்பீட்டாளர் முரளி தனது நண்பர்கள் மற்றும் உறவினர்களின் உதவியுடன் அவர்களை வாடிக்கையாளர்கள் போல் சித்தரித்து கவரிங் நகைகளுக்கு தங்க கடன் வழங்கியுள்ளார். மேலும் தங்க நகைகளை மற்ற பணியாளர்கள் பார்த்திராத வண்ணம் அதனை உடனே வாங்கி சென்று லாக்கரில் வைத்து விடுவது வழக்கமாம். அப்படி இதுவரை 101 முறை போலி கணக்குகளை தொடங்கி நகை கடன் மூலம் ரூபாய் ஒரு கோடியே 2 லட்சத்து 36 ஆயிரம் பணத்தை அவர் மோசடி செய்திருப்பது கண்டுபிடிக்கப்பட்டது. நண்பர்கள் மற்றும் உறவினர்களுக்கு நகை கடன் தொகையில் இருந்து சிறிது தொகையை கொடுத்து விட்டு மீதித் தொகையை முரளி தன்வசப்படுத்தி வந்து உள்ளார் .

இந்த வழக்கில் நகை மதிப்பீட்டாளரான முரளி, அவருக்கு உதவியாக இருந்த போலீஸ்காரரின் மனைவியான சாந்தியையும் சென்னை மத்திய குற்றப்பிரிவு போலீசார் கைது செய்து விசாரித்து வருகின்றனர். இந்த மெகா மோசடி போலீஸாரையே அதிர்ச்சியில் ஆழ்த்தியுள்ளது.

மாவட்ட செய்திகள்

Most Popular

அரசுப்பேருந்து சாலையில் கவிழ்ந்து விபத்து; 30-க்கும் மேற்பட்டோர் காயம்

ஈரோடு ஈரோடு மாவட்டம் பெருந்துறை அருகே தேசிய நெடுஞ்சாலையில் அரசுப் பேருந்து கவிழ்ந்த விபத்திற்கு உள்ளானதில் 35 பேர் படுகாயமடைந்தனர்.

சாலையை சீரமைக்க கோரி காங்கிரஸ் கட்சியினர் போராட்டம்

திருப்பத்தூர் ஜோலார்பேட்டையில் குண்டும் குழியுமாக காணப்படும் சாலையை சீரமைக்கக் கோரி காங்கிரஸ் கட்சி சார்பில் சத்தியாகிரக போராட்டம் நடைபெற்றது.

திமுக பிரமுகர் கொலை வழக்கில் கைதான 4 பேர், குண்டர் சட்டத்தில் அடைப்பு

திண்டுக்கல் திண்டுக்கல்லில் திமுக பிரமுகர் வெட்டிகொல்லப்பட்ட வழக்கில் கைதான 4 பேர், குண்டர் சட்டத்தின் கீழ் சிறையில் அடைக்கப்பட்டனர். கடந்த அக்டோபர் 22ஆம் தேதி திண்டுக்கல்...
Do NOT follow this link or you will be banned from the site!