Home லைப்ஸ்டைல் ஆரோக்கியம் வீக்கம், கட்டி, புரையோடிய புண்களைக் குணப்படுத்தலாம்!

வீக்கம், கட்டி, புரையோடிய புண்களைக் குணப்படுத்தலாம்!

வீக்கம்… மட்டுமல்ல கட்டி, புண் என அதைத்தொடர்ந்து ஏற்படும் பாதிப்புகள் மனிதர்களைப் பாடாய்ப்படுத்திவிடும். வீக்கம்தானே, கட்டிகள்தானே என்று அலட்சியப்படுத்தினால் அது பிற்காலத்தில் பெரிய பாதிப்புகளை ஏற்படுத்தலாம். எனவே தொடக்கநிலையிலேயே அவற்றை சரி செய்தால் பேராபத்துகளிலிருந்து காத்துக்கொள்ளலாம்.

நன்னாரி வேர்:
மிகச் சாதாரண வீக்கத்துக்கும், கட்டிக்கும் மாசிக்காயை உரசிப் போட்டாலே போதும். ஒரேநாளில் குணமாகிவிடாது; தொடர்ந்து போட்டு வந்தால் பெரிய செலவு ஏற்படாமல் பார்த்துக் கொள்ளலாம். நீண்டகால வீக்கங்களுக்கும், நீர் வடியும் புண்களுக்கும் நன்னாரி வேரை நீர் விட்டு களிம்புபோல் அரைத்துப் பூசலாம். நன்னாரி வேரை அரைத்து நீர் சேர்த்தோ அல்லது நீர் விட்டு கொதிக்க வைத்தோ புண்களின்மீது ஊற்றினாலும் புண் ஆறும்.

கோவை இலையை அரைத்து வீக்கம், கட்டிகளின்மீது வைத்து கட்டி வந்தால் பிரச்சினை சரியாகும். முருங்கை இலை அல்லது நொச்சி இலையை அரைத்தோ, வதக்கியோ வீக்கத்தின்மீது போட்டு வந்தால் சரியாகும். வேலிப்பருத்தி இலைச்சாறுடன் சுக்கு பெருங்காயம் சேர்த்துக் காய்ச்சி இளஞ்சூட்டில் பற்று போட்டால் வீக்கம் மட்டுமல்ல வாதவலியும் சரியாகும்.

மூலிகைகள்:
காட்டாமணக்கு இலைகளுடன் விளக்கெண்ணெய் சேர்த்து வதக்கி வலி, வீக்கம் உள்ள இடங்களில் வைத்துக் கட்டி வந்தால் பிரச்சினைகள் சரியாகும். தொடர்ந்து செய்து வந்தால் வீக்கம் கரைவதுடன் புண்களும் ஆறும். மூட்டு வலிக்கும் மிகச் சிறந்த மருந்து என்பதால் வலி உள்ள இடங்களில் விளக்கெண்ணெய் விட்டு வதக்கிய காட்டாமணக்கு இலையை ஒத்தடம் கொடுக்கலாம்.

பிரமத்தண்டு என்ற மூலிகையின் தண்டினை உடைத்தால் மஞ்சள் நிற பால் வெளிப்படும். இதை சீழ் பிடித்த ரணங்களின்மீது தடவி வந்தால் மிக எளிதில் குணமாகும். வெட்டுக்காயங்களுக்கும்கூட இதைப் பூசலாம். புளியுடன் உப்பு சேர்த்து நீர் விட்டுக் கட்டியாகக் கரைத்து சூடாக்கி பொறுக்கும் சூட்டில் அடிபட்ட வீக்கத்தின்மீது பற்று போட்டால் சரியாகும்.

பிரண்டை:
பிரண்டை என்ற மூலிகை பற்றி உங்களில் பலருக்குத் தெரிந்திருக்கும். பிரண்டையுடன் புளி, உப்பு சேர்த்து அரைத்து ஒரு கரண்டியில் வைத்துச் சூடாக்க வேண்டும். இதை அடிபட்ட வீக்கம், சுளுக்கு, கட்டி உள்ள இடங்களில் பற்று போட்டால் சரியாகும். இதேபோல் எலும்பு முறிவு ஏற்பட்ட இடங்களில் பூசி வந்தாலும் சரியாகும்.

மாவட்ட செய்திகள்

Most Popular

இனிமேல் இந்த ஹெல்மெட் மட்டுமே அணிய அனுமதி! மத்திய அரசின் திடீர் அறிவிப்பு

உச்சநீதிமன்றத்தின் உத்தரவுப்படி இந்தியாவின் வெப்பநிலைக்கு ஏற்ப எடை குறைந்த ஹெல்மெட்டுகள் தயாரிப்பது தொடர்பாக உருவாக்கப்பட்ட கமிட்டி கடந்த 2018ம் ஆண்டு விரிவான அறிக்கையை தாக்கல் செய்தது. மத்திய அரசு அந்த...

மாஸ்டர் தியேட்டரில்தான் ரிலீஸ்- மாஸ்டர் தயாரிப்பு நிறுவனத்தின் அறிக்கை

லோகேஷ் இயக்கத்தில் விஜய் நடிப்பில் உருவாகியுள்ள படம் மாஸ்டர்.சேவியர் பிரிட்டோ தயாரித்துள்ள இந்த படத்தின் ஒட்ட்மொட்த உரிமையையும் லலித் கைப்பற்றியுள்ளார். கொரோனா பரவல் காரணமாக மாஸ்டர் திரைப்படம் திரையரங்கில் வெளியாவது...

“ஹெல்மெட் இல்லை என்றால் பெட்ரோல் இல்லை ” என்ற வாசகங்களுடன் கூடிய பலகை வையுங்கள்!

"ஹெல்மெட் இல்லை என்றால் பெட்ரோல் இல்லை " என்ற வாசகங்கள் அடங்கிய பலகைகளை சென்னையில் உள்ள பெட்ரோல் பங்குகளில் காட்சிப்படுத்த வேண்டுமென போக்குவரத்து போலீசாருக்கு உத்தரவு பிறப்பிக்கப்பட்டுள்ளது.

5 பேருக்கு ஒரு ராணுவ வீரர்; காஷ்மீரை மிஞ்சிவிட்டது தமிழீழம்… கொளத்தூர் மணி

இலங்கை இறுதி யுத்தம் முடிந்து 11 ஆண்டுகள் ஆகின்றன. இப்போது அங்கு வாழும் ஈழத்தமிழர்களின் நிலை என்ன? என்பது பற்றி ஈழத்தமிழர் வாழ்வுரிமை கூட்டமைப்பின் ஒருங்கிணைப்பாளர் கொளத்தூர் மணி கவலை...
Do NOT follow this link or you will be banned from the site!