Home இந்தியா புதுச்சேரியில் 31ம் தேதி முதல் செப் 6 வரை முழு ஊரடங்கு அமுல்!

புதுச்சேரியில் 31ம் தேதி முதல் செப் 6 வரை முழு ஊரடங்கு அமுல்!

இந்தியாவில் கொரோனா பாதிப்பு அதிகரித்து வரும் அதே வேளையில் புதுச்சேரியிலும் கொரோனா தொற்று வேகமாக பரவி வருகிறது. இதனை கட்டுப்படுத்தும் நோக்கில் பல்வேறு நடவடிக்கைகளை எடுத்து வரும் அரசு, செவ்வாய் கிழமை தோறும் முழுபொதுமுடக்கத்தை அமல்படுத்தி வருகிறது. இதனிடையே மத்திய அரசின் அறிவுறுத்தலின் படி, புதுச்சேரிக்கு செல்ல இபாஸ் தேவையில்லை என அறிவிக்கப்பட்டது. இதன் காரணமாக கடந்த சில நாட்களாகவே புதுச்சேரியில் கொரோனா பாதிப்பு நாளொன்றுக்கு 500க்கும் மேற்பட்டோருக்கு பரவி வருகிறது.

இந்நிலையில் புதுச்சேரியில் கொரோனா பரவல் அதிகமிருப்பதாக கண்டறியப்பட்டுள்ள 32 பகுதிகளில் வரும் 31ம் தேதி முதல் செப் 6 வரை முழு ஊரடங்கு அமுல்படுத்தப்படும் என மாவட்ட ஆட்சியர் அருண் தெரிவித்துள்ளார். அதன்படி, சண்முகாபுரம், தட்டாஞ்சாவடி, குண்டுப்பாளையம், திலாஸ்பேட், தென்றல் நகர்,ஐயப்பன் நகர், சக்தி நகர், அனிதா நகர்,அய்யனார் கோயில் தெரு(ஓ.கே பாளையம்), புதுச்சேரி சட்டப்பேரவை, தியாகு முதலியார் நகர், முல்லை நகர், பெரியார் நகர்,கங்கையம்மன் கோயில் வீதி,குறிஞ்சி நகர்,மடுவுபேட்,பெத்துச்செட்டிப்பேட்,தில்லை நகர் முதல் வசந்தம் நகர் வரை, புதுநகர், கணுவாப்பேட்டை சாலை சந்திப்பு, ஆர்.கே நகர், பிச்சவீரன்பேட், வாய்க்கால் தெருக்கள் 1, 2, 3, 4, ஜெ.ஜெ.நகர், ரெயின்போ நகர், குமரகுருபள்ளம், கோவிந்தசாலை, செந்தாமரை நகர், சோலை நகர், வைத்திக்குப்பம், முத்தியால்பேட்டை நகரப் பகுதி, முத்தைய முதலியார் தெரு, புனித ரொசாரியோ தெரு, காட்டாமணிக்குப்பம் தெரு, உளவாய்க்கால், தர்மாபுரி & பெருமாள் கோயில் வீதி, பொறையூர் பேட் – புதுநகர், பங்கூர்பேட். ஆகிய பகுதிகளில் முழு ஊரடங்கு கடைபிடிக்கப்படவுள்ளது.

ஊரடங்கு அமலில் உள்ள பகுதிகளில் அரசு மருத்துவமனைகள், அரசு அலுவலகங்கள், மருந்தகங்கள், பாலகங்கள் போன்றவை வழக்கம் போல செயல்படும் என்றும் அத்யாவசிய தேவைகளுக்காக மளிகைக் கடைகள் மற்றும் காய்கறிக் கடைகள் காலை 6 மணி முதல் மதியம் 12 மணி வரை திறந்திருக்கும் என்றும் தெரிவிக்கப்பட்டு உள்ளது.

மாவட்ட செய்திகள்

தேர்தல் வீடியோஸ்

- Advertisment -
TopTamilNews