எந்த வயதிலிருந்து குழந்தைக்கு முட்டை சாப்பிட கொடுக்கலாம்?

 

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

குழந்தை வளர்ப்பில் முக்கியமானது எந்த வயதில் சில உணவுப் பொருளைக் கொடுக்கலாம்… எந்த உணவுப்பொருளைக் கொடுக்கக்கூடாது என்பதைத் தெரிந்து வைத்துக்கொள்வதும்தான். ஏனெனில், சில பொருள்களை சின்ன வயதில் பழக்கப்படுத்த விட்டால், பெரியவராக ஆனபிறகும் சாப்பிடுவதைத் தவிர்ப்பார்கள்.

’குழந்தை சரியாகவே சாப்பிட மாட்டேங்கிறான்… உடலுக்கு ஏதாவது சத்துள்ள உணவை தரணும் என நினைக்கிறேன்.’ இப்படி நினைக்காத பெற்றோரே இருக்க மாட்டார்கள்.

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

பெரும்பாலும் காய்கறி, கீரை, பருப்பு தொடர்பான உணவுகளைக் கொடுப்பார்கள். அவற்றைப் பெரும்பாலும் குழந்தைகள் சாப்பிட மறுத்துவிடுவார்கள் அல்லது அம்மாவின் மிரட்டுக்குப் பயந்து கொஞ்சமாய் சாப்பிடுவார்கள். அதுவும் இல்லையென்றால் பிடிவாதமாக மறுத்து விடுவார்கள்.

குழந்தைகள் சரியாகச் சாப்பிடாமல் இருப்பதாலும் அவர்களின் உடல்வளர்ச்சி பாதிக்கப்படும். அதனால் விளையாட ஆர்வமின்றி, சோம்பலாக இருப்பார்கள். எனவே, உணவு என்பது குழந்தைகளின் வளர்ச்சிக்கு முக்கியமான பங்களிப்பைச் செலுத்துகிறது.

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

முட்டையைப் பெரும்பாலான குழந்தைகள் விரும்பிச் சாப்பிடுவார்கள். முட்டையை அவித்து, ஆஃபாயில், ஆம்லேட், பொறியல் எனப் பலவகைகள் செய்ய முடியும். அவற்றில் ஒரு வகை நிச்சயம் உங்கள் குழந்தைக்கு பிடித்துவிடும். அதனால்தான் பள்ளிகளில் சத்துணவிலும் முட்டையைச் சேர்த்தார்கள்.

சரி, எந்த வயதில் குழந்தைக்கு முட்டையைச் சாப்பிட கொடுக்கலாம் என்ற கேள்வி எழுவது மிக இயல்பானதுதான்.

ஒரு வயது முடிவடைந்த குழந்தைகளுக்கு முட்டையைச் சாப்பிட கொடுக்கலாம் என்பதே உணவியல் நிபுணர்களின் வழிகாட்டல்.

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

குழந்தைகளுக்கு அவித்த முட்டையைக் கையால் நன்கு மசித்து கொடுப்பது நல்லது. கொஞ்சம் கொஞ்சமாகப் பழக்க வேண்டும் என்பதால் முதல் நாளிலேயே முழு முட்டையைத் திணித்துவிடக் கூடாது. மேலும் சின்ன குழந்தைகளுக்கு முட்டை செரிமானமாக நேரம் பிடிக்கும் என்பதால் உடனே வேறு உணவுகளைத் தருவதைத் தவிர்க்கலாம்.

ஒன்று முதல் ஐந்து வயது வரை குழந்தைகளுக்கு அரை முட்டை கொடுத்தால் கூட போதுமானது. வாரத்திற்கு மூன்று முட்டைகள் போதும்.

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

ஆறு முதல் 10 வயதுக்குழந்தைக்கு வாரத்திற்கு நான்கு முட்டைகள் கொடுக்கலாம். அதற்கும் மேற்பட்ட குழந்தைகளுக்கு வாரத்திற்கு ஐந்து முட்டைகள் வரை கொடுக்கலாம் எனக் கூறுகின்றனர் உணவியல் நிபுணர்கள்.

முட்டையை சமைக்காமல் அப்படியே சாப்பிடுவதைத் தவிர்க்க வேண்டும். அவித்து, ஆம்லேட் போன்ற வகைகளில் சமைத்து சாப்பிடுவதே சரியானது.

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

பயன்கள்: கால்சியம்,வைட்டமின் பி12, மெக்னிசியம் உள்ளிட்ட சத்துகள் முட்டையில் உள்ளன. வளரும் குழந்தைகளுக்கு தயங்காமல் முட்டை கொடுக்கலாம்.

பள்ளிக்குக் கொடுத்தனுப்பும் லஞ்ச் பாக்ஸின் முட்டையைச் சேர்க்கலாம். அவிழ்த்த முட்டை என்றால், அதை அழகாக நறுக்கி பார்த்தவுடனே ஈர்க்கும் விதமாக டிசைன் செய்து வைக்கலாம்.

முட்டை கொடுக்கும்போதெல்லாம் இப்படி டிஸைன் செய்தால், ஆர்வத்துடன் லஞ்ச் பாக்ஸைப் பிரிப்பதும் சாப்பிடுவது இருக்கும்.

எந்த வயதிலிருந்து குழந்தைக்கு முட்டை சாப்பிட கொடுக்கலாம்?

முட்டையை கடையிலிருந்து வாங்கி வந்ததும், பத்திரமாக வைப்பதைப்போல, சமைக்கும்போது அது கெட்டுப்போகவில்லை என்பதை உறுதிப்படுத்திக்கொள்ளுங்கள்.

பிரிட்ஜ் இருக்கிறதே என்று, முட்டையை டஜன் கணக்கில் வாங்கி நீண்ட நாள்களுக்கு ஸ்டாக் வைத்துக்கொள்ளாதீர்கள். மூன்று நாட்களுக்குள் முட்டையைப் பயன்படுத்துவது நல்லது.

உங்கள் குழந்தை முட்டை சாப்பிடுவதால் அலர்ஜி போன்ற சின்ன மாறுதல் தென்பட்டால் உடனே குழந்தை நல மருத்துவரிடன் செல்ல தாமதம் செய்யாதீர்கள்.

ஏனெனில் சில நல்ல உணவுகள் கூட, சில குழந்தைகளுக்கு ஒத்துக்கொள்ளாமல் போவதற்குக்கூட வாய்ப்பிருக்கிறது.