”அடிக்கடி கை கழுவ நினைவுப்படுத்தும் பிட்னஸ் டிராக்கர்” – சாம்சங் அறிமுகம் !

அடிக்கடி கைகளை கழுவ நினைவுப்படுத்தும் வாட்டர் புரூப் பிட்னஸ் பேண்ட் ஒன்றை சாம்சங் நிறுவனம் அறிமுகப்படுத்தி உள்ளது.

சாம்சங் கேலக்ஸி பிட் 2 என்ற பெயரில் அறிமுகமாகி உள்ள இந்த பிட்னஸ் டிராக்கர் ஏராளமான சிறப்பம்சங்களுடன் வந்துள்ளது. 1.1 இன்ச் அமோலெட் திரை 15 நாட்கள் தாக்கு பிடிக்கும் பேட்டரி திறன், வாட்டர் புரூப், முன்புற தொடுதிரை பட்டன், மிக சிறப்பான பிரைட்நஸ் மற்றும் சுலபமாக பயன்படுத்தும் வகையில் நேவிகேஷன் பட்டன் என பல்வேறு சிறப்பம்சங்களை கொண்டுள்ளது.

இதில் மேலும் பல சிறப்பம்சங்கள் உள்ளன. இதை அணிபவர் சரியான அளவுக்கு தினமும் தூங்குகிறாரா என்பதை கண்காணித்து, நான்கு விதங்களில் தங்களின் தூக்க குறைபாட்டை தங்களுக்கு தெரியப்படுத்துமாம். அதேப்போல தங்களின் மன அழுத்தம் எந்தளவு உள்ளது என்பதையும் கண்டறிந்து அதிக மன அழுத்தம் உள்ளபோது, அதை குறைக்க, சுவாச பயிற்சி மேற்கொள்ளவும் அறிவுறுத்துமாம்.

இதேப்போல இதில் மற்றொரு முக்கியமான சிறப்பம்சம் உள்ளது. அது தான் ஹேண்ட் வாஷ் ஃபீச்சர் ஆகும். அதன்படி இந்த பிட்னஸ் பேண்டை அணிபவரின் கைகளை கழுவ அடிக்கடி நினைவுப்படுத்துமாம். தற்போதையை தொற்று பரவல் காலக்கட்டத்தில் இந்த வசதி மிக முக்கிய அம்சமாக பார்க்கப்படுகிறது. இரண்டு விதமான வண்ணங்களில் கிடைக்கும் இந்த பிட்னஸ் டிராக்கர், அமேசான், சாம்சங் ஆன்லைன் ஸ்டோர் உள்ளிட்ட தளங்களில் விற்பனைக்கு கிடைக்கிறது. இதன் விலை 3,999 ரூபாய் ஆகும்.

• எஸ். முத்துக்குமார்