kaappan-mobile kaappan-large
  • September
    21
    Saturday

Main Area

Main

kaappan-mobile kaappan-large


ஒரு கள்ளக்காதல் கதை சொல்லட்டுமா சார்!

Loading...

சங்கர்லால். யாரு இந்த துப்பறியும் சங்கர்லாலுங்களா? இல்லை, இவர் சென்னை மடிப்பாக்கம் காந்திநகரைச் சேர்ந்தவர், சிதம்பரம் பகுதியில் ரவுடியிசம் செய்துவந்தவர், ஸ்ரீபெரும்புதூர் ராஜிவ்காந்தி நினைவிடம் அருகே மூன்று நாட்களுக்கு முன்பு வெட்டி கொலை செய்யப்பட்டவர். ராஜா, ஒத்த கை ராஜா. இவர் யார்? சங்கர்லாலால் ஒத்த கை ராஜா என பெயர் வாங்கியவர், அதாவது ராஜாவின் ஒத்த கையை வெட்டப்பட்டு, மிச்சம் ஒரே ஒரு கையோடு திருப்பூருக்கு ஓடிவந்து தொழிலை தொடர்ந்தவர். ஆசை நாயகி! யாருக்கு? அட பெயரே அதாங்க. மரகதவள்ளி அலேஸ் மேகி மாதிரி ஆசை நாயகி அலேஸ் அருணா. ஆசைநாயகிக்கும், சங்கர்லால், ஒத்த கை ராஜாவுக்கும் என்ன சம்பந்தம்? முக்கோண கள்ளக்காதல்.

சிதம்பரத்தில் இருக்கும் ஆசை நாயகிக்கும் சங்கர்லாலுக்கும் தொடர்பு. சங்கர் லால் தொழில் நிமித்தமாக சிறைசென்று மீண்டு வரும்வரையில் ஆசை நாயகிக்கும் ராஜாவுக்கும் தொடர்பு. கோபாவேசத்தோடு சிறையிலிருந்து மீண்டுவந்த சங்கர்லால், ராஜாவை, ஒத்த கை ராஜாவாக்கினார். வெட்டப்பட்ட ஒத்தகையோடு திருப்பூரில் அரசியல் தஞ்சமடைந்தார் ஒத்த கை ராஜா. திரும்பவும் சங்கர்லாலும் ஆசை நாயகியும் உறவை புதுப்பிக்கின்றனர். சங்கர்லால் வீட்டில் தோட்டக்காரர், சமையல்காரர் என நிறைய வேலையாட்கள் போல, ஆசை நாயகிக்கும் சங்கர்லாலுக்குமான மனஸ்தாபத்தில் விஷம் குடித்து மருத்துவமனையில் அனுமதிக்கப்பட்டார் ஆசை நாயகி. தன் கை வெட்டுப்பட்டபோதுகூட வெள்ளைக்கொடி பறக்கவிட்டு ரத்த பூமியைவிட்டு வெளியேறிய ஒத்த கை ராஜாவுக்கு, ஆசை நாயகி விஷம் குடித்த தகவல் தெரியவருகிறது. நியாயம் கேட்க 5 பேரோடு சென்னைக்கு வந்த ஒத்தகை ராஜா, சண்டையில் சங்கர்லாலை அமரராக்குகிறார். மூன்று நாட்கள் கழித்து ஒரத்தநாடு நீதிமன்றத்தில் ஆறு பேரும் சரணடைந்தனர்.

2018 TopTamilNews. All rights reserved.