தமிழக அரசின் தலைமை செயலாளர் சண்முகத்தின் பதவிக்காலம் நீட்டிப்பு!
Jun 3, 2020, 17:49 IST1591186745000
தமிழக தலைமை செயலாளராக உள்ள கிரிஜா வைத்தியநாதன் கடந்த 2019 ஆம் ஆண்டு ஓய்வு பெற்றார். இதையடுத்து புதிய தலைமை செயலராக மூத்த ஐ.ஏ.எஸ். அதிகாரி சண்முகம் நியமிக்கப்பட்டார்.
இந்நிலையில் தமிழக அரசின் தலைமை செயலாளர் சண்முகத்தின் பதவிக்காலம் மூன்று மாதங்களுக்கு நீட்டிக்கப்பட்டுள்ளது. ஜூலை மாத இறுதியில் ஓய்வு பெற இருந்த நிலையில் அக்டோபர் மாதம் வரை பதவிக்காலம் நீட்டிக்கப்பட்டுள்ளது. தமிழக அரசின் கோரிக்கையை ஏற்று 3 மாதகாலம் தமிழக அரசு நீட்டித்தது. கொரோனா காலத்தில் புதிய அதிகாரியை நியமிப்பதற்குப் பதிலாகச் சண்முகத்தின் பதவிக்காலம் நீட்டிக்கப்படலாம் என அரசு வட்டாரங்களில் கூறப்பட்ட நிலையில் இந்த பதவி நீட்டிப்பு அறிவிப்பு வெளியாகியுள்ளது.