Home மாவட்டங்கள் தஞ்சாவூர் 63 பஞ்சாயத்துகளுக்கு பொது நிதி ஒதுக்காததால் தஞ்சாவூர் ஒன்றியத்தில் முடங்கிய அத்தியாவசிய பணிகள்

63 பஞ்சாயத்துகளுக்கு பொது நிதி ஒதுக்காததால் தஞ்சாவூர் ஒன்றியத்தில் முடங்கிய அத்தியாவசிய பணிகள்

தஞ்சை ஒன்றியத்தில் 63 பஞ்சாயத்துகள் உள்ளன. கடந்த 9 மாதங்களாக பொது நிதி ஒதுக்கப்படவில்லை. இதன் காரணமாக கிராமப்புறங்களில் செய்யப்படவேண்டிய குடிநீர் வசதி சாலை விளக்குகள் மற்றும் சாலை பராமரிப்பு பணிகள் செய்ய முடியாமல் முடங்கிய நிலையில் உள்ளது. பஞ்சாயத்து தலைவர்கள் பொது மக்களுக்கு அத்தியாவசிய பணிகளை செய்து கொடுக்க முடியாத சூழ்நிலையில் உள்ளனர்.

இதுகுறித்து தஞ்சை ஒன்றியம் பஞ்சாயத்து தலைவர்களின் கூட்டமைப்பின் தலைவர் தலைவர் கோப்பெருந்தேவி, ‘’ பஞ்சாயத்து தலைவராக பொறுப்பேற்று 9 மாதங்கள் ஆகிவிட்டது. பஞ்சாயத்துக்கு வரவேண்டிய அரசின் நிதி உதவி இதுவரை வரவில்லை. இதன் காரணமாக பொது மக்களுக்கு செய்ய வேண்டிய அத்தியாவசிய பணிகளான குடிநீர் பராமரிப்பு, சாலை மின் விளக்குகள் பராமரிப்பு மற்றும் சாலை பராமரிப்பு பணிகள் உள்ளிட்ட எந்த பணியும் செய்ய முடியாத நிலையில் உள்ளனர்.

அரசிடம் பலமுறை வேண்டுகோள் விடுத்தும் இதுவரை நிதி வழங்கவில்லை. பொதுமக்களிடம் பதில் சொல்லும் நிலையில் பஞ்சாயத்து தலைவர்கள் உள்ளனர்.

பொதுமக்களால் பஞ்சாயத்து தலைவரிடம் வைக்கப்படும் கோரிக்கைகளை நிறைவேற்ற முடியாத சூழல் ஏற்பட்டு உள்ளது. எனவே தமிழக அரசு உடனடியாக பஞ்சாயத்துகளுக்கு வழங்க வேண்டிய நிதியை விடுவிக்க வேண்டும்’’ என ஊடகங்கள் மூலமாக கோரிக்கை விடுத்திருக்கிறார்.

மாவட்ட செய்திகள்

Most Popular

சிறுமி பாலியல் பலாத்காரம் செய்யப்பட்டதை பஞ்சாப் அரசு மறுக்கவில்லை… பா.ஜ.க.வுக்கு பதிலடி கொடுத்த ராகுல்

உத்தர பிரதேச அரசு போலல்லாமல், பஞ்சாப், ராஜஸ்தான் காங்கிரஸ் அரசுகள் சிறுமி பாலியல் பலாத்காரம் செய்யப்பட்டதை மறுக்கவில்லை என பா.ஜ.க.வுக்கு ராகுல் காந்தி பதிலடி கொடுத்துள்ளார்.

பணிவு குறித்து புரியாததால் அவர்கள் நான் மக்கள் முன் தலை வணங்குவதை மண்டியிடுவதாக கூறுகிறார்கள்.. சிவ்ராஜ்

பணிவு குறித்து புரியாததால் கமல் நாத்தும், திக்விஜய சிங்கும் நான் மக்கள் முன் தலை வணங்குவதை மண்டியிடுவதாக கூறுகிறார்கள் என்று சிவ்ராஜ் சிங் சவுகான் தெரிவித்தார்.

பா.ஜ.க.விலிருந்து பலர் வெளியேற விரும்புகின்றனர்…. ஏக்நாத் கட்சே தகவல்

பா.ஜ.க.விலிருந்து பலர் வெளியேற விரும்புகின்றனர் என அந்த கட்சியிலிருந்து தேசியவாத காங்கிரஸ் கட்சிக்கு தாவிய ஏக்நாத் கட்சே தெரிவித்தார். மகாராஷ்டிராவில் பா.ஜ.க.வில் 30 ஆண்டுகளுக்கு மேலாக...

எம்.எல்.ஏ.வாக தேர்ந்தெடுக்கபடாமலே 12க்கும் மேற்பட்டோர் அமைச்சர்களாக இருக்கின்றனர்… பா.ஜ.க.வை சாடிய பாகேல்

மத்திய பிரதேசத்தில்தான் நாட்டிலே முதல் முறையாக 12க்கும் மேற்பட்டவர்கள் தேர்தலை சந்திக்காமல் அமைச்சர்களாக உள்ளனர் என மத்திய பிரதேச பா.ஜ.க. அரசை சத்தீஸ்கர் முதல்வர் பூபேஷ் பாகேல் குற்றம் சாட்டினார்.
Do NOT follow this link or you will be banned from the site!