சின்ன மாரியம்மன் கோயில் கும்பாபிஷேகம் – திரளான பக்தர்கள் வழிபாடு

ஈரோடு

ஈரோடு மாவட்டம் கருங்கல்பாளையம் சின்ன மாரியம்மன் கோயிலில் இன்று கும்பாபிஷேக விழா விமரிசையாக நடைபெற்றது. 12 ஆண்டுகளுக்கு பின் நடைபெற்ற இந்த கும்பாபிஷேக கடந்த 3 நாட்களுக்கு முன்பு தொடங்கி, யாக கால பூஜைகள் நடைபெற்று வந்தன. இன்று யாக சாலைகள் வைக்கப்பட்டு, தீர்த்த கலசங்கள் ஊர்வலமாக எடுத்துச்செல்லப்பட்டு, கோவிலை சுற்றி வந்தது.

அதைத் தொடர்ந்து ராஜகோபுரம், மூலவர் கோபுரம் ஆகியவற்றுக்கு, கோயில் அர்ச்சகர்கள் கும்பாபிஷேகம் செய்து புனித நீரை ஊற்றினர்.
இந்த நிகழ்ச்சியில் அதிமுக எம்.எல்.ஏ.க்கள் கே.வி. ராமலிங்கம், கே.எஸ்.தென்னரசு மற்றும் சுற்றுவட்டார பகுதிகளை சேர்ந்த 100-க்கும் மேற்பட்ட பொதுமக்கள் கலந்துகொண்டு அம்மனை தரிசித்து சென்றனர். இதைத் தொடர்ந்து பக்தர்களுக்கு அன்னதானம் வழங்கப்பட்டது.