முட்டை ஆம்லெட் தெரியும்..முட்டை ஆம்லெட் குழம்பு தெரியுமா?
May 14, 2021, 05:50 IST1620951600000
அசைவ உணவு பிரியர்களே !! உங்களுக்கு முட்டை குழம்பு , முட்டை ஆம்லெட் தெரியும் ஆனால் முட்டை ஆம்லெட் குழம்பு தெரியுமா….இந்த சுவையான குழம்பை எப்படி செய்வது என்று பார்ப்போம்!!
தேவையான பொருட்கள்
முட்டை : 4
சின்ன வெங்காயம் : 20
பெரிய வெங்காயம் : 1
கருவேப்பிலை : 5 இலைகள்
பச்சை மிளகாய் : 2
சிவப்பு மிளகாய் : 5
தேங்காய் துருவல் : 5 டேபிள் ஸ்பூன்
சீரகம் : 2 டீஸ்பூன்
மஞ்சள் தூள் : 1 டீஸ்பூன்
கொத்தமல்லி இலை : 1 டீஸ்பூன்
உப்பு : தேவையான அளவு
நல்லெண்ணெய் : 4 டேபிள் ஸ்பூன்
செய்முறை
- முட்டையை உடைத்து அதில் சிறிது உப்பு சேர்த்து அடித்து வைத்துக் கொள்ளவும்.
- சின்ன வெங்காயத்தை சிறியதாக நறுக்கி வைத்து கொள்ளவும்.
- தோசைக்கல்லில் எண்ணெய் ஊற்றி வெங்காயம் போட்டு வதக்கி , முட்டை கலவையை ஊற்றி ஆம்லெட் செய்ய வேண்டும்.
- கலக்கி வைத்துள்ள முட்டை கலவை முழுவதையும் ஆம்லெட் செய்து சிறு சிறு துண்டுகளாக்கி கொள்ளவும்.
- மிளகாய் , சீரகம் தேங்காய் துருவலை அரைத்து கொள்ளவும் . பெரிய வெங்காயத்தை பொடியாக நறுக்கி கொள்ளவும் .
- ஒரு வாணலியில் எண்ணெய் ஊற்றி வெங்காயம் கறிவேப்பிலை போட்டு வதக்கவும் .
- அதன்பின் அரைத்த மசாலாவை போட்டு நன்றாக வதக்கி சிறிது தண்ணீர், மஞ்சள் தூள் , உப்பு சேர்க்கவும்
- குழம்பு கெட்டியானதும் ஆம்லெட் துண்டுகள் மற்றும் கொத்தமல்லி இலையை போட்டு இறக்கவும்
சுவையான முட்டை ஆம்லெட் குழம்பை சூடாக பரிமாறுங்கள்!!!