• February
    26
    Wednesday

Main Area

Main



விவசாயிக்கு ஒரு பாதிப்பு என்றால் ஓடோடி வந்து உதவுவது அதிமுக அரசு- எடப்பாடி பழனிசாமி

Edapadi palanisamy
Edapadi palanisamy

சேலத்தில் நடைபெற்ற எம்.ஜி.ஆர் நூற்றாண்டு விழாவில் பேசிய முதலமைச்சர் எடப்பாடி பழனிசாமி, “அறிஞர் அண்ணாவிற்கு புகழ் சேர்த்த பெருமை எம்ஜிஆர்க்கு மட்டுமே உள்ளது. திரைப்படங்களின் வாயிலாக ஆக்கப்பூர்வமான கருத்துகளை சமுதாயத்தில் புகுத்தியர் எம்ஜிஆர். இன்றைக்கு உள்ள தலைவர்களின் திரைப்படங்களை  பார்த்தாலே பிள்ளைகள் கெட்டுவிடும். எம்ஜிஆர் மறைந்த போது இந்த கட்சி அழிந்துவிடும் என கருணாநிதி கனவு கண்டார். ஆனால், உடைந்த கட்சியை இணைத்து எம்ஜிஆரின் ஆட்சியை வழங்கினார் ஜெயலலிதா. தமிழகத்தில் அதிக காலங்கள் ஆட்சி புரிந்த கட்சி அதிமுக. அதிமுகவில் ஒரு முதலமைச்சர் அல்ல ஓராயிரம் பேர் உள்ளனர்.

திமுகவில் ஒரு முதலமைச்சர் மட்டும்தான் உள்ளனர். அதிமுகவில் என்னைப்போல் பல லட்சம் முதலமைச்சருக்கான தகுதி உடையவர்களாக உள்ளனர். ஒரு சாதரண நபர் கூட அதிமுகவில் சட்டமன்ற, நாடாளுமன்ற உறுப்பினராக முதலமச்சராக வரமுடியும். திமுகவில் இது முடியுமா? தற்போதே தன் மகன் உதயநிதியை முன்னிலைப்படுத்துகிறார் ஸ்டாலின். 70 வயது வரை இளைஞரணியில் இருந்த ஸ்டாலின் தற்போது அந்தப் பொறுப்பை தன் மகனுக்கு வழங்கியுள்ளார். 

Edapadi palanisamy

திமுகவிற்கு இனி எந்த பதவியும் இல்லை என மக்கள் முடிவு செய்துவிட்டனர். பொய்யான, கவர்ச்சிகரமான திட்டங்களை தேர்தல் வாக்குறுதியாக அறிவித்து மக்களை ஏமாற்றி நாடாளுமன்ற தேர்தலில் வெற்றிபெற்றது திமுக. நாடாளுமன்ற தேர்தலுக்கு திமுக  தேய்பிறை என்பது உண்மை. காரியம் ஆக வேண்டுமென்றால் காலை பிடிப்பதும்; காரியம் முடிந்த பின்னர் காலை வாருவதும் திமுகவின் இயல்பு. திமுகவுடன் கூட்டணி வைத்த பாரம்பரியம் மிக்க காங்கிரஸ் கட்சி பரிதாப நிலைக்கு சென்றுவிட்டது. கூட்டணி தர்மம் என்பது திமுகவில் கிடையாது.

விவசாயிக்கு ஒரு பாதிப்பு என்றால் ஓடோடி வந்து உதவுவது அதிமுக அரசு. பல்வேறு சாதனைகளை படைத்து பல துறைகளுக்கு விருதுகளை பெற்றுள்ளது தமிழக அரசு. பாஜக கூட்டணியில் இருப்பதால் விருது வழங்கப்படுவதாக ஸ்டாலின் பொய்களை கூறி வருகிறார். குடியுரிமை சட்டதிருத்தத்தால் தமிழகத்தில் சிறுபான்மை மக்களுக்கு எந்தவித பாதிப்பும் ஏற்படாது. கண்ணை இமை காப்பது போல சிறுபான்மை மக்களை பாதுகாப்போம். யாரும் அச்சம் கொள்ளத்தேவையில்லை” எனக் கூறினார். 

2018 TopTamilNews. All rights reserved.