Home தமிழகம் `முகக்கவசம் அணிவதில்லை; அலட்சியமாக இருக்கிறார்கள்!'- திருச்சி மக்கள் மீது ராதாகிருஷ்ணன் வருத்தம்

`முகக்கவசம் அணிவதில்லை; அலட்சியமாக இருக்கிறார்கள்!’- திருச்சி மக்கள் மீது ராதாகிருஷ்ணன் வருத்தம்

திருச்சி மற்றும் பல பகுதிகளில் பொதுமக்கள் முக கவசம் அணிவதில்லை என்றும் இப்பகுதி மக்கள் மிக அலட்சியமாக இருக்கிறார்கள் என்று சுகாதாரத்துறை செயலாளார் ராதாகிருஷ்ணன் வேதனை தெரிவித்துள்ளார்.

தமிழகத்தில் நாளுக்கு நாள் கொரோனா தொற்று அதிகரித்து வரும் நிலையில், அண்மையில், ஸ்ரீரங்கத்தைச் சேர்ந்த ஸ்ரீராம் கண்ணன் என்பவர் திருச்சி அரசு மருத்துவமனையில் கொரோனா நோயாளிகளை முறையாகக் கவனிப்பதில்லை என்று குற்றம்சாட்டி சமூக வலைதளத்தில் வீடியோவை வெளியிட்டு பரபரப்பை ஏற்படுத்தினார். இதையடுத்து, திருச்சி அரசு மருத்துவமனையில் சுகாதாரத்துறை அமைச்சர் விஜயபாஸ்கர் ஆய்வு செய்துவிட்டு சென்ற நிலையில் இன்று சுகாதாரத் துறை செயலாளர் ராதாகிருஷ்ணன் ஆய்வு மேற்கொண்டார்.

இதன் பின்னர் செய்தியாளர்களிடம் பேசிய அவர், “திருச்சியில் பல இடங்களில் பொதுமக்கள் முக கவசம் அணிவதை சரியாக பின்பற்றுவதில்லை. மிகவும் அலட்சியமாக் இருக்கிறார்கள். இவ்விவகாரத்தை அலட்சியமாக கையாளாதீர்கள். தமிழ்நாட்டில் நோய் எண்ணிக்கை அதிகமாகி தற்போது குறைந்து வரும் நிலையில் நாம் அதிக கவனத்தோடு இருக்க வேண்டும்.

அனைத்து மாவட்ட அரசு மருத்துவமனைகளிலும் சித்த மருத்துவ பிரிவு செயல்பட்டு வருகிறது. அங்கு தேவையான அளவு மருத்துவர்கள், செவிலியர்கள் நியமித்து வருகிறோம். மருத்துவ கழிவுகள் சுகாதரமான முறையில் அழிப்பதற்கு அனைத்து தனியார் மருத்துவமனைகளுக்கும் அறிவுறுத்தப்பட்டுள்ளது. கொரோனா சிகிச்சை, பரிசோதனை போன்றவற்றில் சிறு சிறு தவறுகள் நடந்து வருகிறது. அதை சரி செய்ய நடவடிக்கை தொடர்ந்து எடுத்து வருகிறோம். கொரோனா தடுப்பூசி பரிசோதனை குறித்து எங்களுக்கு எந்த தகவலும் இல்லை. பத்திரிகைகளை பார்த்து தான் அதை நான் தெரிந்து கொண்டேன். அடுத்த சில வாரங்களில் கொரோனா தொற்று படிப்படியாக குறையும். இறப்பு விகிதத்தை குறைக்க போர்கால அடிப்படையில் செயல்பட்டு வருகிறோம். மக்கள் நோய் குறித்து கவனத்தோடு இருக்க வேண்டும்” என்று கேட்டுக் கொண்டார்.

மாவட்ட செய்திகள்

Most Popular

புல்வாமா தீவிரவாத தாக்குதலில் தனது பங்கை வெளிப்படையாக ஒப்புக்கொண்ட பாகிஸ்தான்

40 இந்திய வீரர்கள் வீரமரணம் அடைந்த புல்வாமா தீவிரவாத தாக்குதல் சம்பவத்தில் தனது பங்கினை பாகிஸ்தான் நேற்று வெளிப்படையாக ஒப்புக்கொண்டுள்ளது. 2019 பிப்ரவரி 14ம் தேதியன்று...

கேரளா மாதிரி பழங்கள், காய்கறிகளுக்கு குறைந்தபட்ச ஆதரவு விலை அறிவியுங்க…. பஞ்சாப் அரசை நெருக்கும் எஸ்.ஏ.டி…

கேரளாவை பின்பற்றி, நம் மாநிலத்தில் பழங்கள் மற்றும் காய்கறிகளுக்கு குறைந்தபட்ச ஆதரவு விலை அறிவியுங்க என்று பஞ்சாப் அரசு எஸ்.ஏ.டி. கட்சி வலியுறுத்தியுள்ளது. கேரளாவில் முதல்வர்...

நாட்டின் பிரதமர் என்பதால் எதையும் மோடியால் பேச முடியும்… தேஜஸ்வி யாதவ் பதில்

பிரதமர் மோடி தன்னை காட்டாட்சி இளவரசர் என்று கூறியது குறித்து பதிலளிக்கையில், நாட்டின் பிரதமர் என்பதால் அவரால் எதுவும் பேச முடியும் என்று தேஜஸ்வி யாதவ் தெரிவித்தார்.

அகிலேஷ் கட்சி வேட்பாளரை தோற்கடிக்க பா.ஜ.க.வுக்கு கூட ஓட்டு போடுவோம்… மாயாவதி ஆவேசம்

மாநிலங்களை உறுப்பினருக்கான தேர்தலில் அகிலேஷ் யாதவ் கட்சி (சமாஜ்வாடி) வேட்பாளரை தோற்கடிக்க பா.ஜ.க.வுக்கு கூட ஓட்டு போடுவோம் என மாயாவதி தெரிவித்தார். உத்தர பிரதேசத்திலிருந்து காலியாக...
Do NOT follow this link or you will be banned from the site!