அப்பா – மகனுக்கு ஒரேநாளில் இன்டர்வியூ : ஸ்டாலினின் ஸ்மார்ட் மூவ்!

தேர்தலில் போட்டியிட விருப்ப மனு அளித்தவர்களுக்கான நேர்காணல் திமுகவில் கடைசி நாளாக இன்று நடத்தப்படுகிறது.

சட்டமன்ற தேர்தல் நெருங்கி வரும் நிலையில் திமுக கூட்டணியில் காங்கிரஸ், மதிமுக, விசிக, முஸ்லீம் லீக், மனித நேய மக்கள் கட்சி உள்ளிட்ட கட்சிகள் இடம்பெற்றுள்ளன. இதில் விசிக 6 , கம்யூனிஸ்ட் 6, முஸ்லீம் லீக் 3, மனித நேய மக்கள் கட்சி 2 என் சீட்டுகள் ஒதுக்கப்பட்டுள்ளன. அதே சமயம் காங்கிரஸ், மதிமுக உடனான தொகுதி பங்கீடு இழுபறி இன்னும் முடிவுக்கு வரவில்லை.இந்த சூழலில் திமுக தொகுதி பங்கீடு ஒருபுறம் இருந்தாலும், திமுக வேட்பாளர் நேர்காணல்களும் கடந்த 4 நாட்களாக நடைபெற்று வருகிறது. இதில் துரைமுருகன் உள்ளிட்ட பல முக்கிய நபர்கள் கலந்துகொண்டனர்.

இந்நிலையில் வேட்பாளர்களுக்கான நேர்காணலில் திமுக தலைவர் மு. க. ஸ்டாலின் இன்று கலந்து கொள்கிறார்.கொளத்தூரில் போட்டியிட விருப்ப மனு தந்த நிலையில் ஸ்டாலினுடன் இன்றும் நேர்காணல் நடத்துகிறது திமுக. சேப்பாக்கம்-திருவல்லிக்கேணி தொகுதியில் போட்டியிட மனு தந்த உதயநிதியும் நேர்காணலில் பங்கேற்கிறார்.கருணாநிதி மறைவுக்கு பிறகு உதயநிதி லாவகமாக அரசியல் களத்தில் களமிறக்கப்பட்டார். கடந்த மக்களவை தேர்தலில் உதயநிதி கடுமையான பிரசாரத்தை நடத்தி மக்கள் மத்தியில் அரசியல்வாதியாக பார்க்கப்பட்டார். வருகின்ற சட்டமன்ற தேர்தலில் சேப்பாக்கம் – திருவல்லிக்கேணி தொகுதியில் உதயநிதி போட்டியிடுகிறார். அவரை எதிர்த்து பாஜக சார்பில் குஷ்பூ களமிறங்குவார் என்று தெரிகிறது. சீனியர்கள் இருக்கும் போதே மகனை அரசியலில் முக்கிய புள்ளியாக நினைக்கும் ஸ்டாலின், சட்டமன்ற தேர்தலை அதற்கான பயன்படுத்தி கொள்ள திட்டமிட்டுள்ளார்.