வன்னியர்களை பற்றி நினைக்கும் அதிமுகவிற்கு மற்ற சாதியினரை பற்றி கவலையில்லை: தேமுதிக

சட்டசபை தேர்தலில் அதிமுக கூட்டணியில் உள்ள பாமகவுக்கு 23 தொகுதிகள் ஒதுக்கப்பட்டுள்ளன. பாமக, பாஜகவுக்கு இணையாக தங்களுக்கும் தொகுதி ஒதுக்க வேண்டும் என்று தேமுதிக வலியுறுத்தி வருகிறது. இதனால் அதிமுக – தேமுதிக தொகுதி பங்கீட்டில் தொடர்ந்து இழுபறி நீடிக்கிறது. இதுவரை நடைபெற்ற பேச்சுவார்த்தைகள் அனைத்தும் தோல்வியில் முடிந்துள்ளன. இதனால் அதிருப்தி அடைந்த தேமுதிக, தனித்து போட்டியிட முடிவு செய்ததாக தகவல்கள் தெரிவிக்கின்றன.

இந்நிலையில் திருவண்ணாமலை மாவட்டம் ஆர்.குன்னத்தூர் கிராமத்தில் தேமுதிக ஆலோசனைக் கூட்டம் நடைபெற்றது. அந்த கூட்டத்தில் பேசிய தேமுதிக துணைச் செயலாளர் எல்.கே. சுதீஷ், “எங்களிடம் கூட்டணிக்காக வாருங்கள் என்று பல கட்சிகள் அழைப்பு விடுக்கின்றன என்றும் எல்.கே.சுதீஷ் கூறினார்.10.5% இடஒதுக்கீடு கொடுத்தால் வன்னியர்கள் வாக்களிப்பார்கள் என்று அதிமுக நினைக்கிறது, ஆனால் மற்ற சாதியினர் நிலை என்ன என்று நினைத்து பார்க்கவில்லை” எனக் கூறினார்.