Home க்ரைம் பெட்ரோல் நிரப்பும் தகராறில் தொழிலாளியை அடித்துக்கொன்று, உடல் எரிப்பு - இருவர் கைது

பெட்ரோல் நிரப்பும் தகராறில் தொழிலாளியை அடித்துக்கொன்று, உடல் எரிப்பு – இருவர் கைது

தஞ்சை

கும்பகோணத்தில் பெட்ரோல் நிரப்புவதில் ஏற்பட்ட தகராறில் கூலித் தொழிலாளியை அடித்துக்கொன்று தீ வைத்த 2 இளைஞர்களை போலீசார் கைதுசெய்தனர். தஞ்சை மாவட்டம் தாராசுரம் கம்மாளத்தெருவைச் சேர்ந்தவர் கூலித் தொழிலாளி ஸ்ரீதர்(38). இவர் நேற்று முன்தினம் இ.பி.காலனி பகுதியில் உடலில் காயங்களுடன் எரிந்த நிலையில் சடலமாக கிடந்தார்.இந்த சம்பவம் குறித்து கும்பகோணம் கிழக்கு காவல் நிலைய போலீசார் வழக்குப்பதிவு செய்து விசாரணை மேற்கொண்டனர். மேலும், அந்த பகுதியில் உள்ள சிசிடிவி கேமரா பதிவுகளை கைப்பற்றி ஆய்வு மேற்கொண்டனர்.

அப்போது, தஞ்சாவூர் மெயின் ரோட்டில் உள்ள பெட்ரோல் பங்கில் உள்ள சிசிடிவியில் பதிவான வீடியோவில், இருசக்கர வாகனத்துக்கு பெட்ரோல் நிரப்ப சென்ற ஶ்ரீதருக்கும், இரு இளைஞர்களுக்கும் இடையே தகராறு ஏற்பட்டது தெரியவந்தது. சம்பந்தபட்ட நபர்கள் குறித்து விசாரித்தபோது, அவர்கள் தாராசுரம் பகுதியை சேர்ந்த கட்டிட தொழிலாளி சந்தோஷ்(23) மற்றும் அஜித் (23) என தெரியவந்தது. அவர்கள் இருவரையும் பிடித்து விசாரித்தபோது, பெட்ரோல் நிரப்புவது தொடர்பான மோதலில் ஶ்ரீதரை அடித்துக்கொன்றது தெரியவந்தது.

மேலும், அவர்களிடம் நடத்திய விசாரணையில், வாகனத்திற்கு பெட்ரோல் நிரப்பிக்கொண்டிருந்த இளைஞர்கள் இருவரையும் விரைந்து செல்லுமாறு ஶ்ரீதர் மிரட்டல் விடுத்துள்ளார். மதுபோதையில் இருந்த இருவரும் ஆத்திரமடைந்து, ஶ்ரீதரை கைகளால் தாக்கிய நிலையில், வலி தாங்க முடியாமல் தப்பியோடி உள்ளார். அவரை பின்தொடர்ந்து துரத்திசென்ற இருவரும், கல்லால் தாக்கியதில் ஶ்ரீதர் நிலைகுலைந்து குப்புற விழுந்துள்ளார். அப்போது கல்லை தலையில் போட்டும், கையில் வைத்திருந்த பெட்ரோலை அவர் மீது ஊற்றி தீவைத்தும் கொலை செய்தது தெரியவந்தது. இதனை அடுத்து, இருவரையும் கைதுசெய்த போலீசார், நீதிமன்றத்தில் ஆஜர்படுத்தி சிறையில் அடைத்தனர்.

மாவட்ட செய்திகள்

Most Popular

தா.பாண்டியன் நலன் பெற்று மக்கள் தொண்டினைத் தொடர விழைகிறேன்..ஸ்டாலின்

இந்திய கம்யூனிஸ்ட் கட்சியின் மூத்த தலைவர் தா.பாண்டியன் சிறுநீரக பாதிப்பு மற்றும் ரத்த அழுத்தம் காரணமாக நேற்று சென்னை ராஜீவ்காந்தி அரசு மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை...

தளி அருகே கிணற்றில் தவறி விழுந்து தாய், மகன் உயிரிழப்பு!

கிருஷ்ணகிரி தேன்கனிக்கோட்டை அருகே விவசாய கிணற்றில் தவறி விழுந்து தாய், மகன் பரிதாபமாக உயிரிழந்தனர். கிருஷ்ணகிரி மாவட்டம் தளி அடுத்துள்ள...

தொடர்ந்து 3வது நாளாக ஏற்றம்… சென்செக்ஸ் 258 புள்ளிகள் உயர்ந்தது

இந்திய பங்குச் சந்தைகளில் இன்று பங்கு வர்த்தகம் சிறப்பாக இருந்தது. சென்செக்ஸ் 258 புள்ளிகள் உயர்ந்தது. இந்திய பங்குச் சந்தைகளில் இன்று காலையில் வர்த்தகம் நல்ல...

பரபரப்பை ஏற்படுத்திய ’பியாங்’வழக்கு: கொடூரக்காரி காயத்ரிக்கு தண்டனை என்ன?

மூன்று வயது மகனை நல்லபடியாக வளர்த்து படிக்க வைக்க வேண்டும் என்று மியான்மரில் இருந்து சிங்கப்பூருக்கு வீட்டு வேலைக்கு சென்ற பணிப்பெண்ணை கொடுமைப்படுத்தி சாப்பாடு போடாமல் சித்திரவதை செய்து அடித்து...
TopTamilNews