அரசியல் கட்சிகள் அனைத்துமே தேர்தல் களப் பணிகளை முடுக்கி விட்ட நிலையில்,திமுக சார்பில் எடுக்கப்பட்ட சர்வே ஒன்றில் பா.ம.கவுடன் கூட்டணி வைத்துக் கொள்ளலாம் என்ற தகவல் மேலிடத்திற்கு தெரிவிக்கப்பட்டிருக்கிறது.
பா.ம.கவின் ஓட்டு வங்கி தமிழகத்தில் தனித்து இருப்பதாகவும். அதனுடன் கூட்டணி வைப்பதன் மூலம் வெற்றி வாய்ப்பு சுலபமாகும் எனவும் அந்த சர்வே கூறியிருக்கிறதாம்.
இதனையடுத்து கூட்டணி தொடர்பாக பா.ம.கவுடன் தொடர்பு கொண்டபோது பா.ம.க. தரப்பில் சில கோரிக்கைள் முன் வைக்கப்பட்டதாம். அதில் துணை முதல்வர் பதவி தங்கள் கட்சிக்கு தரப்படவேண்டும் எனக் கூறியதாகத் தெரிகிறது.
இதனிடையே டெல்லி காங்கிரஸ் வட்டாரத்தில் இருந்தும் துணை முதல்வர் பதவி காங்கிரசுக்கு தரப்படுமா? எனக் கேள்விகள் எழுந்துள்ளதாகவும் கூறப்படுகிறது.
இத்ற்கிடையே துணை முதல்வர் பதவி திமுகவிற்குத்தான். அதில் மாற்றம் இருக்க கூடாது என திமுகவில் மேல்கட்ட ஆலோசகர்கள் தெரிவித்துள்ளதாகவும் கூறப்படுகிறது. ஆனால் ‘துணை முதல்வர் பதவி என்ற பேச்சுக்கே இடமில்லை’ என ஸ்டாலின் தெரிவித்து இருப்பதாகச் சொல்கிறார்கள்.
– இர.சுபாஸ் சந்திர போஸ்