Home தமிழகம் தமிழக சுகாதாரத்துறை செயலர் ராதாகிருஷ்ணனின் மனைவி, மகன், மாமனார், மாமியாருக்கு கொரோனா!

தமிழக சுகாதாரத்துறை செயலர் ராதாகிருஷ்ணனின் மனைவி, மகன், மாமனார், மாமியாருக்கு கொரோனா!

தமிழக சுகாதாரத்துறை செயலர் ராதாகிருஷ்ணனின் அவரது மனைவி, மகன், மாமனாருக்கு கொரோனா தொற்று உறுதி செய்யப்பட்டுள்ளது. அவர்கள் அனைவரும் தனிமைப்படுத்தப்பட்டு சிகிச்சை பெற்று வருகின்றனர்.

தமிழகத்தில் நாளுக்கு நாள் அதிகரித்து வரும் கொரோனா தொற்றால் பலர் உயிரிழந்து வருகின்றனர். மாநிலத்தில் நேற்று மட்டும் கொரோனா பாதிப்பு 1,75,000ஐ கடந்துள்ளது. கொரோனா தொற்றால் மேலும் 4,985 பேர் பாதிக்கப்பட்டுள்ளனர். இதன் மூலம் கொரோனா பாதிப்பு எண்ணிக்கை மொத்தம் 1,75,678 ஆக உயர்ந்துள்ளது.

சென்னையில் நேற்று 1,298 பேருக்கு கொரோனா பாதிப்பு ஏற்பட்டுள்ளது. சென்னையில் பாதிப்பு எண்ணிக்கை 87,235ஆக அதிகரித்துள்ளது. நேற்று ஒரேநாளில் 70 பேர் உயிரிழந்த நிலையில் பலி எண்ணிக்கை 2,551ஆக அதிகரித்துள்ளது. ஒரே நாளில் 3,861 பேர் டிஸ்சார்ஜ் செய்யப்பட்டுள்ளனர். இதுவரை 1,21,776பேர் குணமடைந்து வீடு திரும்பியுள்ளனர்.

இதனிடையே, கொரோனா பரவலை தடுக்க பல்வேறு முயற்சிகளை மேற்கொண்டு வருகிறது தமிழக அரசு. ஆனாலும் பாதிப்பு தொடர்ந்து அதிகரித்து வருகிறது. கொரோனாவுக்கு அமைச்சர்கள், எம்.எல்.ஏ.க்கள், சுகாதாரத்துறை அதிகாரிகள், மருத்துவ ஊழியர்கள், பொதுமக்கள் என அனைத்து தரப்பினரும் இலக்காகி வருகின்றனர்.

இந்தநிலையில், தமிழக சுகாதாரத்துறை செயலாளர் ராதாகிருஷ்ணனின் குடும்பத்தினருக்கு கொரோனா தொற்று தற்போது உறுதி செய்யப்பட்டுள்ளது. சுகாதாரத்துறை செயலாளர் ராதாகிருஷ்ணனின் மனைவி கிருத்திகா, மகன் அரவிந்த், மாமனார் நடராஜன் மற்றும் மாமியார் என குடும்பத்தினர் 4 பேருக்கு கொரோனா தொற்று உறுதி செய்யப்பட்டுள்ளது.

கொரோனா பாதிக்கப்பட்ட அனைவரும் அரசு கிங்ஸ் மருத்துவமனையில் அனுமதிக்கப்பட்டுள்ளதாக ராதாகிருஷ்ணன் தனது ட்விட்டர் பக்கத்தில் தெரிவித்துள்ளார். மேலும், தனக்கு கொரோனா பாதிப்பு ஏற்படவில்லை எனவும் அவர் தெரிவித்துள்ளார். நெருங்கிய உறவினர் தொடர்பு மூலமாக குடும்பத்தினருக்கு கொரோனா வைரஸ் பரவியுள்ளதாக அவர் தெரிவித்துள்ளார்.

மாவட்ட செய்திகள்

Most Popular

இன்று வேட்பாளர்களை இன்டர்வியூ எடுக்கும் ஓபிஎஸ் – ஈபிஎஸ்

சட்டமன்ற தேர்தலில் அதிமுக சார்பில் போட்டியிட விருப்பமனு தாக்கல் செய்தவர்களுக்கு இன்று நேர்காணல் நடைபெறுகிறது. சட்டசபை தேர்தல் நெருங்கி வரும் நிலையில் தமிழக கட்சிகள் கூட்டணி...

’1989ல் ஜெயலலிதா எடுத்த முடிவு’ சசிகலா விலகலுக்கு இதுதான் காரணம்!

சசிகலா போல் 1989ஆம் ஆண்டு ஜெயலலிதாவும் அரசிலிருந்து விலகுவதாக அறிவித்தார். இது குறித்து அவர் எழுதிய கடிதத்தில், நான்...

“சசிகலா முடிவு ஜெயலலிதா ஆன்மாவை சாந்தியடைய வைக்கும்” : கே.பி.முனுசாமி

ஜெயலலிதாவின் விசுவாசியாக இருப்பதாக சசிகலா கூறியது மகிழ்ச்சி என்று கே.பி.முனுசாமி தெரிவித்துள்ளார். தமிழக அரசியலில் பெரும் திருப்புமுனையை ஏற்படுத்துவார்...

பா.ஜ.க.வை காப்பியடிக்கும் காங்கிரஸ்.. சமாஜ்வாடியை எதிர்பார்ப்புகளுடன் பார்க்கும் மக்கள்.. அகிலேஷ் யாதவ்

பா.ஜ.க.வை காங்கிரஸ் காப்பியடிக்கிறது, சமாஜ்வாடி கட்சியை மக்கள் எதிர்பார்ப்புகளுடன் பார்ப்பதாக அகிலேஷ் யாதவ் தெரிவித்தார். உத்தர பிரதேச முன்னாள் முதல்வரும்,...
TopTamilNews