77 ஆயிரத்தைக் கடந்த மரண எண்ணிக்கை – மெக்சிகோவில் கட்டுக்கடங்காத கொரோனா

கொரொனாவின் கோரப்பிடியில் சிக்கித் தவிக்கும் நாடுகளில் மெக்சிகோவும் ஒன்று. கொரோனா பாதிப்பு தொடக்கம் முதலே இங்கு அதிகமாகவே இருக்கிறது.

உலகம் முழுவதும் கொரோனாவால் பாதிக்கப்பட்டிப்போர். 3 கோடியே 38 லட்சத்து  44 ஆயிரத்து 178 பேர். கொரோனா நோய்த் தொற்றிலிருந்து குணம் அடைந்து வீடு திரும்பியோர் 2 கோடியே 51 லட்சத்து 48 ஆயிரத்து 403 நபர்கள்.

கொரோனா நோய்த் தொற்றால் சிகிச்சை பலன் அளிக்காது இறந்தவர்கள் 10 லட்சத்து 12 ஆயிரத்து 659 பேர்.

மெக்சிகோவில் இன்றைய வரைக்குமான கொரோனா மொத்த பாதிப்பு 7 லட்சத்து 38 ஆயிரத்து 163. இதில் சிகிச்சையில் குணமடைந்தவர்கள் 5 லட்சத்து 30 ஆயிரத்து 945 பேர். சிகிச்சை பலனளிக்காமல் இறந்தவர்கள் 77,163 பேர்.

மார்ச் மாதம் 19-ம் தேதிதான் மெக்சிகோவில் முதல் கொரோனா மரணம் நடந்தது. ஏப்ரல் 24 ஆம் தேதி 1000 யைக் கடந்தது. ஜூன் 2-ம் தேதி  10 ஆயிரத்தையும், ஜூலை 5-ம் தேதி 30 ஆயிரத்தையும் ஆகஸ்ட் 7-ம் தேதி 50 ஆயிரத்தையும் மரணங்களின் எண்ணிக்கை கடந்தது.

ஆகஸ்ட் 23-ம் தேதி வரை மெக்சிகோவின் இறப்பு எண்ணிக்கை 60,254. இன்று செப்டம்பர் 30 அன்று 77,163  ஆக அதிகரித்துள்ளது. ஜூன் 04 –ம் தேதி ஒரே நாளின் அதிகப்பட்ச மரணமாக 1092 பேர் இறந்திருக்கிறார்கள்.

மெக்சிகோ நாட்டின் அரசின் கொரோனா தடுப்பு நடவடிக்கைகள் போதுமானதாக இல்லை என அந்நாட்டின் எதிர்கட்சிகள் அதிருப்தி தெரிவித்து வருகின்றன.