அரசு அலுவலருக்கு கொரோனா உறுதி; உத்தமபாளையம் கோட்டாட்சியர் அலுவலகமும் மூடல்!

கொரோனா தொற்று அதிகரிப்பு காரணமாகத் தலைமைச் செயலகம் தொடங்கி தாசில்தார் அலுவலகம் வரை அரசு அலுவலகங்கள் தொடர்ந்து மூடப்பட்டு வருவது அதிர்ச்சியை ஏற்படுத்தி வருகிறது. இந்த நிலையில் தேனி மாவட்டம் உத்தமபாளையம் கோட்டாட்சியர் அலுவலகம் மூடப்பட்டது பரபரப்பை ஏற்படுத்தியுள்ளது.

தமிழகத்தில் முழு ஊரடங்கு இருந்த போது கொரோனா கொஞ்சம் கொஞ்சமாக கட்டுக்குள் வந்தது. பல மாவட்டங்களில் கொரோனா இல்லாத நிலை ஏற்பட்டது. எப்போது ஊரடங்கில் தளர்வு அளிக்கப்பட்டதோ அப்போதிலிருந்து கொரோனா அதிகரிக்கத் தொடங்கியது. இதனால் தலைமைச் செயலகம் முதல் தாசில்தார் அலுவலகம் வரை தொடர்ந்து பல அரசு அலுவலகங்கள் மூடப்பட்டு வருகின்றன.
தேனி மாவட்டத்தில் உத்தமபாளையம் கிளைச் சிறையில் உள்ள விசாரணைக் கைதி ஒருவருக்கு கொரோனா தொற்று உறுதி செய்யப்பட்டுள்ளது.

இதன் காரணமாக கிளைச் சிறையை ஒட்டியிருந்த தாசில்தார் அலுவலகம் மூடப்பட்டது. தற்போது உத்தமபாளையம் வருவாய்க் கோட்டாட்சியர் அலுவலகத்தில் ஒருவருக்கு கொரோனா உறுதி செய்யப்பட்டுள்ளது. இதனால் கோட்டாட்சியர் அலுவலகம், அதே வளாகத்தில் செயல்பட்டு வந்த வட்டார போக்குவரத்து அலுவலகம், பி.எஸ்.என்.எல் அலுவலகங்கள் மூடப்பட்டன. இந்தப் பகுதி கொரோனா தொற்று பகுதியாக அறிவிக்கப்பட்டு மூடப்பட்டது. கோட்டாட்சியர் அலுவலகம் உள்ளிட்ட அலுவலகங்களில் கிருமி நாசினி தெளித்து சுத்தம் செய்யப்பட்டது. தேனி மாவட்டத்தில் தொடர்ச்சியாக அரசு அலுவலகங்கள் மூடப்பட்டு வருவது மக்கள் மத்தியில் அச்சத்தை ஏற்படுத்தி வருகிறது

Most Popular

கோழிக்கோடு விமான நிலையத்தில் கேரள ஆளுநர் , முதல்வர் பினராயி விஜயன் ஆய்வு!

இடைவிடாது பெய்யும் கனமழை, நிலச்சரிவில் காணாமல் போன மக்கள் என கடந்த சில நாட்களாக துயரத்தின் உச்சத்தில் இருக்கும் கேரள மாநிலத்திற்கு மேலும் ஒரு சோக செய்தியாக வந்ததது கோழிக்கோடு விமான விபத்து. துபாயிலிருந்து...

மலையும் மழையும்தான் கேரள விமான விபத்துக்கு காரணமா?

கேரள மாநிலம் கோழிக்கோட்டில் நடந்த விமான விபத்தில் 2 விமானிகள் உள்பட 20 பேர் உயிரிழந்துள்ளனர். 100க்கும் மேற்பட்டோர் மருத்துவமனையில் சிகிச்சைக்காக அனுமதிக்கப்பட்டுள்ளனர். மலையும், மழையும்தான் விபத்துக்கு முக்கிய காரணமாக இருக்குமா என்று பேசப்படுகிறது. 191...

தொற்றிக் கொண்ட கொரோனா… உயிர் போய்விடுமோ என்று அச்சம்… உயிரை மாய்த்துக் கொண்ட உளவு பிரிவு அதிகாரி!- சென்னையில் அதிர்ச்சி

கொரோனா தொற்று உறுதி செய்யப்பட்டதையடுத்து, உயிர் போய்விடுமோ என்ற அச்சத்தில் சென்னை வருமான வரித்துறையில் உளவு பிரிவில் பணியாற்றி வந்த அதிகாரி தூக்குப் போட்டு தற்கொலை செய்து சம்பவம் அதிர்ச்சியை ஏற்படுத்தியுள்ளது. சென்னை நுங்கம்பாக்கம்...

கேரள விமான விபத்து எதிரொலி : கோழிக்கோடு விமான நிலையம் தற்காலிகமாக மூடப்பட்டது!

வந்தே பாரத் திட்டத்தின் மூலம் துபாயிலிருந்து கேரளா வந்த ஏர் இந்தியா எக்ஸ்பிரஸ் விமானம் தரையிறங்கும்போது விபத்திற்குள்ளானது. 190 பேர் பயணித்த இந்த விமானத்தில் 174 பயணிகள், 10 குழந்தைகள், 5 பணிப்பெண்கள்,...