Home மாவட்டங்கள் கோயம்புத்தூர் அடுத்தடுத்து தந்தை, தாய் உயிரிழப்பு… விரக்தியில் வங்கி ஊழியர் தற்கொலை…

அடுத்தடுத்து தந்தை, தாய் உயிரிழப்பு… விரக்தியில் வங்கி ஊழியர் தற்கொலை…

கோயமுத்தூர்

போத்தனூரில் தந்தையும், தாயும் அடுத்தடுத்து உயிரிழந்த சோகத்தில் தனியார் வங்கி ஊழியர் தற்கொலை செய்துகொண்ட சம்பவம் அதிர்ச்சியை ஏற்படுத்தி உள்ளது.

கோவை மாவட்டம் போத்தனூர் வேளாங்கண்ணி நகரை சேர்ந்தவர் முரளிதரன்(39). தனியார் வங்கி ஊழியர். இவருக்கு தமிழ்மலர் என்ற மனைவியும், 2 குழந்தைகளும் உள்ளனர். இந்த நிலையில், கடந்த டிசம்பர் மாதம் 25ஆம் முரளிதரனின் தந்தை கந்தசாமி உடல்நலக் குறைவால் உயிரிழந்தார். இதனால் மனவேதனையில் இருந்து வந்த அவரது தாயார் தனலட்சுமி, கடந்த 3ஆம் தேதி அன்று உயிரிழந்தார். அடுத்தடுத்து ஒரு வார காலத்திற்குள் தந்தையும், தாயும் உயிரிழந்ததால் முரளிதரன் விரக்தி அடைந்துள்ளார். மேலும், கடன் கொடுத்தவர்கள் பணத்தை திருப்பி கேட்டு தொல்லை அளித்து வந்ததாகவும் கூறப்படுகிறது.

இதனால் கடந்த சில நாட்களாக அவர் மன உளைச்சலில் இருந்து வந்துள்ளார். இந்த நிலையில் நேற்று காலை தமிழ்மலர் பெற்றோர் வீட்டிற்கு சென்றிருந்த நிலையில், பணிமுடித்து வந்த முரளிதரன் தனது அறையில் தூக்கிட்டு தற்கொலை செய்துகொண்டார். மாலை வீட்டிற்கு திரும்பியபோது கணவர் தூக்கில் தொங்கியதை கண்டு அதிர்ச்சி அடைந்த தமிழ்மலர், இதுகுறித்து போத்தனூர் போலீசாருக்கு தகவல் அளித்தார். அதன்பேரில் போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்கு அனுப்பிவைத்தனர். மேலும், இந்த சம்பவம் குறித்து வழக்குப்பதிவு செய்து விசாரித்து வருகின்றனர்.

மாவட்ட செய்திகள்

Most Popular

“அதிமுக-பாஜக கூட்டணி இத்துப்போன காய்லாங்கடை இஞ்சின்”- கிண்டலடித்த கே.பாலகிருஷ்ணன்!

தமிழக அரசியல் களத்தில் தொகுதிப் பங்கீடு பேச்சுவார்த்தையில் அனல் பறக்கிறது. இரண்டு கூட்டணிகளிலும் கூட்டணிக் கட்சிகள் அதிக தொகுதிகளைப் பெறுவதில் மும்முரம் காட்டிவருகின்றனர். அந்த வகையில் திமுகவுடன் இந்திய கம்யுனிஸ்ட்...

எந்த தொகுதியில் போட்டியிடுகிறார் கமல்ஹாசன்? பரபரப்பு தகவல்!

தமிழக சட்டமன்றத் தேர்தல் நெருங்கி வரும் சூழலில் அதிமுக, பாஜக உள்ளிட்ட கட்சிகள் தங்களது முதற்கட்ட வேட்பாளர் பட்டியலை வெளியிட்டுள்ளன. தற்போது அறிவிக்கப்பட்டுள்ள வரையில் பெரும்பாலானோர் தாங்கள் ஏற்கனவே போட்டியிட்டு...

விழுப்புரம் மாவட்டத்தில் மின்னணு வாக்குப்பதிவு இயந்திரங்கள் ஒதுக்கீடு பணி துவக்கம்!

விழுப்புரம் விழுப்புரம் மாவட்டத்தில் வாக்குச் சவாடிகளுக்கு அனுப்ப வேண்டிய வாக்குப்பதிவு இயந்திரங்களை, குலுக்கல் முறையில் ஒதுக்கீடு செய்யும் பணி இன்று நடைபெற்றது.

நீதிமன்ற உத்தரவுகளை கெடுவுக்குள் அமல்படுத்த வேண்டும் – தலைமைச் செயலாளருக்கும் டிஜிபிக்கும் உயர் நீதிமன்றம் ஆணை!

கொலை முயற்சி வழக்கில் குற்றஞ்சாட்டப்பட்ட போக்குவரத்து காவல்துறையில் பணியாற்றிய குமரன் என்பவரைத் துறை ரீதியான விசாரணைக்குப் பின் பணி நீக்கம் செய்து 2009ஆம் ஆண்டு சென்னை காவல் துறை உத்தரவிட்டது....
TopTamilNews