வீடுகள்தோறும் குப்பை தொட்டிகள் அமைத்த தன்னார்வ அமைப்பு – பொதுமக்கள் பாராட்டு!

கோவை

கோவை சுந்தராபுரம் ஸ்ரீசாய் நகர் பகுதியில் வீடுகள் தோறும் தனித்தனியே குப்பை தொட்டிகள் அமைத்து, தன்னார்வலர்கள் அசத்தியுள்ளனர். இதனையொட்டி, இன்று நடந்த நிகழ்ச்சியில், அரிமா சங்க தலைவர்

ராஜேந்திரன், கமலம் ஹோண்டா நிர்வாக இயக்குனர் நிரஞ்சன், கிருஷ்ணா பழமுதிர் நிலைய உரிமையாளர் செந்தில் ஆகியோர் கலந்துகொண்டு, தூய்மை பணியாளர்களுக்கு பரிசுகள் வழங்கி பாராட்டு தெரிவித்தனர். பின்னர்,

வீடுகள்தோறும் மட்கும் குப்பை மற்றும் மட்காத குப்பைகளுக்கு என்று தனித்தனியே குப்பைத்தொட்டிகள் வைக்கப்பட்டன. பின்னர், பசுமையை

பேணும் விதமாக அந்த பகுதிகளில் மரக்கன்றுகள் நடப்பட்டது. இந்நிகழ்ச்சியில் கோயமுத்தூர் சிட்கோ தொழிற்பேட்டை அரிமா சங்க நிர்வாகிகள், ஸ்ரீசாய் நகர் மக்கள் நல சங்க நிர்வாகிகள் உள்ளிட்டோர் கலந்துகொண்டனர்.