சிவில் சர்வீஸ் முதல்நிலைத் தேர்வு அக்டோபர் 4 ஆம் தேதி நடைபெறும் – யு.பி.எஸ்.சி

ஐஏஎஸ், ஐபிஎஸ், ஐஆர்எஸ் உள்ளிட்ட உயர் பதவிகளுக்கு மத்திய அரசுப்பணியாளர் தேர்வாணையம் (யுபிஎஸ்சி) சார்பில் ஆண்டுதோறும் சிவில் சர்வீஸ் தேர்வு நடத்தப்படுகிறது. முதல்நிலைத் தேர்வு, முதன்மைத் தேர்வு, நேர்காணல் என மொத்தம் 3 கட்டங்களாக சிவில் சர்வீஸ் தேர்வுகள் நடைபெறும். இதில் பட்டதாரிகள் பெறும் மதிப்பெண்கள் வைத்து, இறுதி முடிவுகள் வெளியிடப்படும். அதன்படி நடப்பு ஆண்டு 796 சிவில் சர்வீஸ் பணியிடங்களை நிரப்புவதற்கான அறிவிப்பை யுபிஎஸ்சி நேற்று வெளியிட்டது. முதல்நிலை தேர்வு மே 31-ம்தேதி நடைபெறவிருந்தது. ஆனால் கொரோனா தாக்கம் மற்றும் ஊரடங்கால் தேர்வு நடைபெறாமல் ஒத்திவைக்கப்பட்டது.

இந்நிலையில் சிவில் சர்வீஸ் முதல்நிலைத் தேர்வுகள்(preliminary exam) அக்டோபர் 4ஆம் தேதி நடத்தப்படும் என்றும் இந்திய பொருளியல் தேர்வுகள் அக்டோபர் 16ஆம் தேதி நடத்தபடும் என்றும் யு.பிஎஸ்.சி அறிவித்துள்ளது. புதிய தேர்வு தேதிகளையும் அறிவித்தது.