இந்தியா அத்துமீறல், ஆத்திரமூட்டும் நடவடிக்கைகளைக் கைவிட வேண்டும்! – பழிபோடும் சீனா

இந்தியா தன்னுடைய ராணுவ வீரர்களைக் கட்டுப்படுத்த வேண்டும், அத்துமீறல், ஆத்திரமூட்டும் நடவடிக்கைகளை நிறுத்த வேண்டும் என்று சீனா கூறியிருப்பது கொந்தளிப்பை ஏற்படுத்தியுள்ளது.
1962ம் ஆண்டுக்குப் பிறகு தற்போதுதான் இந்தியா மீது சீனா நடத்திய தாக்குதலில் ராணுவ வீரர்கள் பலியாகி உள்ளனர். 20 வீரர்கள் உயிரிழந்ததாகவும் சிலரின் உடல் நிலை கவலைக்கிடமாக உள்ளதாகவும் கூறப்படுகிறது. இந்திய ராணுவமும் இறந்த 20 பேரின் பெயர் பட்டியலை வெளியிட்டுள்ளது. இதனால் சீனா மீது தாக்குதல் நடத்த வேண்டும் என்ற எதிர்பார்ப்பு நாட்டு மக்கள் மத்தியில் அதிகரித்து வருகிறது. அடுத்த கட்டமாக என்ன செய்யலாம் என்று ஆலோசனை நடத்த வெள்ளிக்கிழமை அனைத்துக் கட்சிக் கூட்டத்தை மோடி கூட்டியுள்ளார்.

இந்த நிலையில், சீன வெளியுறவுத் துறை செய்தித் தொடர்பாளர் ஜாவோ லிஜியான் இன்று நிருபர்களுக்கு பேட்டி அளித்தார். அப்போது, “எல்லை தொடர்பான விவகாரங்களைப் பேச்சு வார்த்தை மூலமாக தீர்க்க இந்தியா முன்வர வேண்டும். இனி எந்த ஒரு மோதலையும் சந்திக்க சீனா விரும்பவில்லை. எல்லை பிரச்னைக்கு தூதரக ரீதியாகவும் ராணுவ ரீதியாகவும் சமரச முயற்சி நடைபெற்று வருகிறது. எது சரி, எது தவறு என்பதில் சீன உறுதியாக உள்ளது. இந்திய ராணுவம் நெறிமுறைகளை மீறி சீன ராணுவத்தின் மீது தாக்குதல் நடத்தியுள்ளது. கால்வான் பள்ளத்தாக்கு பகுதியின் இறையாண்மை சீனாவுக்குத்தான் முழுவதும் சொந்தம். நடந்த சம்பவத்துக்கு சீனாவைக் குறைகூற முடியாது. இந்தியா தன்னுடைய ராணுவ வீரர்களை ஒழுங்குபடுத்த வேண்டும். அத்துமீறல், ஆத்திரமூட்டும் நடவடிக்கைகளை நிறுத்த வேண்டும்” என்றார்

Most Popular

கேரள விமான விபத்தில் 20 பேர் மரணம்: 2 விமானிகளும் உயிரிழப்பு

வந்தே பாரத் திட்டத்தின் மூலம் துபாயில் இருந்து இந்தியர்களை கேரளா அழைத்து வந்த ஏர் இந்தியா எக்ஸ்பிரஸ் விமானம் கோழிக்கோடு விமான நிலையத்தில் தரையிறங்கும் போது விபத்துக்குள்ளானது. ஓடுதளத்தை விட்டு விலகி ஓடி...

காலை நேரம்… தெருவில் கிடந்த மனித மண்டை ஓடு… பதறிய பழனி மக்கள்!- காரணம் மந்திரவாதிகளா? குடிமன்னர்களா?

தெருவில் மனிதர்களின் மண்டை ஓடுகள் சிதறி கிடந்ததை பார்த்து பழனி மக்கள் அதிர்ச்சியடைந்துள்ளனர். மந்திரவாதிகள் இப்படி செய்தார்களா அல்லது குடிமன்னர்கள் இந்த எலும்பு  கூட்டை போட்டுச் சென்றார்களா என்பது குறித்து காவல்துறையினர் விசாரணை...

சென்னை மெரினா கடற்கரையில் சுதந்திர தின விழா ஒத்திகை! போக்குவரத்து மாற்றம்!

உலக நாடுகளை அச்சுறுத்தி வரும் கொரோனா தொற்று பாதிப்பு இந்தியாவிலும் தொடர்வதால் கொண்டாட்டங்கள் பலவும் தவிர்க்கப்பட்டு வருகிறது. அதன்படி  ஆகஸ்ட் 15 ஆம் தேதி 74 ஆவது சுதந்திர தின கொண்டாட்டத்தின் போது சமூக...

ஆன்லைனில் ரம்மி விளையாடிய காவலர் தூக்கிட்டு தற்கொலை!

ஆன்லைனில் ரம்மி விளையாடி வந்த காவலர் ஒருவர் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. திருச்சி ஜீயபுரம் காவல் நிலைய காவலர் ஆனந்த். இவர் ஆன்லைனில் ரம்மி விளையாடுவதில் ஆர்வம் காட்டி வந்துள்ளார்....