சென்னை
சென்னை குன்றத்தூரி இரவில் பசுமாட்டை திருட முயன்ற சட்டக்கல்லூரி மாணவர் உள்ளிட்ட 2 பேரை பொதுமக்கள் பிடித்து தர்மஅடி கொடுத்து போலீசிடம் ஒப்படைத்தனர். குன்றத்தூர் அருகே வண்டலூர் – மீஞ்சூர் வெளிவட்ட சாலையின் அருகாமையில் நேற்று முன்தினம் இரவு கட்டி வைக்கப்பட்டிருந்த
பசுமாடு மற்றும் கன்றுகுட்டியை மர்மநபர்கள் இருவர் வேனில் கடத்த முயன்றுள்ளனர். இதனை கண்ட மாட்டின் உரிமையாளர் மற்றும் அக்கம்பக்கத்தினர் இருவரையும் பிடித்து சரமாரியாக தாக்கினர்.
இதனையறிந்து அங்கு வந்த கொள்ளையர்களின் நண்பர்களையும் பொதுமக்கள் பிடித்து குன்றத்தூர் போலீசாரிடம் ஒப்படைத்தனர். விசாரணையில், பிடிபட்டவர் குத்தம்பக்கத்தை சேர்ந்த சட்டக்கல்லூரி மாணவர் சதீஷ்(30) மற்றும் அவரது
கூட்டாளி ஆட்டோ ஓட்டுநர் மோகன்(25) என்பது தெரியவந்தது. மேலும், அருகாமையில் லோடு இறக்க வந்தபோது, மாடு மற்றும் கன்றுகுட்டியை திருட முயன்றதும் தெரியவந்தது. இதையடுத்து, மாட்டின் உரிமையாளர் அளித்த புகாரின் பேரில் 2 பேர் மீதும் வழக்குப்பதிவு போலீசார் விசாரித்து வருகின்றனர்.