Home விளையாட்டு கிரிக்கெட் கொல்கத்தாவின் பிளே ஆஃப்’ வாய்ப்பைத் தடுக்குமா சென்னை? #ipl #CSKvsKKR

கொல்கத்தாவின் பிளே ஆஃப்’ வாய்ப்பைத் தடுக்குமா சென்னை? #ipl #CSKvsKKR

ஐபிஎல் தொடரில் இன்றைய போட்டி சென்னை சூப்பர் கிங்ஸ் vs கொல்கத்தா நைட் ரைடர்ஸ்.

8 புள்ளிகளோடு ஐபில் பாயிண்ட் டேபிளில் கடைசி இடத்தில் இருக்கிறது சென்னை. அதனால், இன்றைய வெற்றி நிச்சயம் அடுத்த சுற்றான பிளே ஆஃப் சுற்றுக்குச் செல்ல வாய்ப்பை அளிக்கப் போவதில்லை. ஒருவேளை இந்தப் போட்டி மற்றும் அடுத்த போட்டியிலும் சென்னை வென்றால் பாயிண்ட் டேபிளில் கடைசி இடம் என்பதில் மாற்றம் வரக்கூடும்.

ஆனால், கொல்கத்தாவுக்கு இன்றைய போட்டி ரொம்ப ரொம்ப முக்கியமானது.  இன்று கொல்கத்தா வென்றுவிட்டால் பஞ்சாப் அணியை கீழே இறக்கி நான்காம் இடத்திற்குச் சென்றுவிடும். ஒருவேளை எதிர்பார்க்காத அளவுக்கு ரன்ரேட் வித்தியாசத்தில் வென்றால் இன்னும் ஓரிடம் முன்னேறக்கூட முடியலாம். ஏனெனில் நெட் ரன்ரேட் எப்படிக் கணிக்கப்படுகிறது என்று கமெண்ட்ரி பாக்ஸில் இருப்பவர்களால்கூட தெளிவாகச் சொல்ல முடியவதில்லை.

இன்றைய போட்டியில் கொல்கத்தா வென்று, அடுத்த போட்டியில் ராஜஸ்தானையும் வென்று விட்டால் பிளே ஆஃப் சுற்றுக்குச் செல்ல பிரகாசமான வாய்ப்பு ஏற்பட்டு விடும்.

சென்னை அடுத்த போட்டியில் பஞ்சாப் அணியை வீழ்த்தி விட்டால், கொல்கத்தாவுக்கு இன்னும் எளிதாக இருக்கும்.

இன்று சென்னை வென்றுவிட்டால், நாளை நடக்கும்  ராஜஸ்தான் vs பஞ்சாப் போட்டியில் இரு அணிகளும் உயிரைக் கொடுத்து ஆடும். அதுவும் தற்போது 12 புள்ளிகளோடு இருக்கும் பஞ்சாப்க்கு அந்த வெற்றி ரொம்பவே முக்கியம்.

சென்னை vs கொல்கத்தா அணிகளுக்கு இடையேயான முதல் போட்டியில் கேதார் ஜாதவ் ஆடிய மோசமான ஆட்டத்தால் சென்னை தோற்றது. முதலில் ஆடிய கொல்கத்தா அணியை 167 ரன்கள் எனும் சேஸிங் செய்யமுடிகிற ஸ்கோரில் நிறுத்தினார்கள் சென்னை பவுலர்கள். பிராவோ ரன்களைக் கொடுத்தாலும் 3 விக்கெட்டுகளைப் பறித்தார்.

சென்னை டீமில் பேட்டிங்கும் நன்றாகவே இருந்தது. டூ பிளஸி 50, ராயுடு 30 என அடித்தார்கள். 18 பந்துகளுக்கு 39 ரன்கள் எனும் அளவுக்கு வெற்றியைத் தொடுமளவே இருந்தது. ஆனால், 18 ஓவரை ரஸல் வீச, முதல் பந்தில் சாம்கரன் அவுட்டாக, ஜடேஜா உள்ளே வந்தார். அவரும் அங்கிருந்த கேதார் ஜாதவும் சேர்ந்து அந்த ஓவரில் மூன்று ரன்கள் மட்டுமே எடுத்தனர். இரண்டு டாட் பால்கள், ஒரு விக்கெட்.

19 ஓவரில் ஸ்ட்ரைக்கில் இருந்த ஜடேஜா முதல் பந்தில் ஒரு ரன் எடுக்க, அடுத்த பந்தில் பவுண்ட்ரி விளாசினார் ஜாதவ். ஆனால், அடுத்த பந்து டாட், அதற்கு அடுத்தது சிங்கிள் என வீணடித்தார். ஸ்ட்ரைக் வந்த ஜடேஜா பவுண்ட்ரிக்குப் பந்தை விரட்டினார். இந்த ஓவரில் பத்து ரன்கள் வந்தாலும் வெற்றிக்கு உதவவில்லை.

20 வது ஓவரில் ஸ்ட்ரைக் கேதார் ஜாதவ். 6 பந்துகளில் 26 ரன்கள் எடுக்க வேண்டிய நிலைமை. ரஸல் வீச, முதல் இரண்டு பந்துகளை டாட் பால்களாக்கினார் ஜாதவ். தோல்வி உறுதியானது. அடுத்த பந்தில் சிங்கிள் எடுக்க, அடுத்த மூன்று பந்திகளில் இரண்டு பவுண்ட்ரி, ஒரு சிக்ஸரை ஜடேஜா அடித்து பயனில்லாமல் போனது. 10 ரன்கள் வித்தியாசத்தில் கொல்கத்தா வென்றது.

சென்ற போட்டியில் பெங்களூரை வென்ற உற்சாகத்தில் சென்னை களமிறங்க, பிளே ஆஃப் சுற்று வாய்ப்பைப் பெற வேண்டும் என்ற கட்டாயத்தில் களமிறங்குகிறது கொல்கத்தா.

மாவட்ட செய்திகள்

Most Popular

சமயபுரம் கோவிலில் துர்கா ஸ்டாலின்!

திருச்சி சமயபுரம் மாரியம்மன் கோவில் திமுக தலைவர் முக ஸ்டாலினின் மனைவி துர்கா, இன்று தரிசனம் செய்தார். விடியலுக்கான முழக்கம் என்ற பெயரில் திமுகவின் சிறப்பு...

பாஜகவுக்கு ஒதுக்கிய 20 தொகுதிகள் எவை? அதிமுக- பாஜக மீண்டும் பேச்சுவார்த்தை

தமிழக சட்டமன்றத் தேர்தலுக்கான வேட்பு மனுத் தாக்கல் 12ம் தேதி தொடங்கவிருப்பதால், தொகுதி பங்கீடு உள்ளிட்ட பணிகளை விரைவில் முடித்துவிட அதிமுக தீவிரம் காட்டி வருகிறது. 3ஆவது முறையாக ஆட்சியை...

தமிழரா? திராவிடரா? ஸ்டாலினை ஒரு கை பார்ப்பேன் என கூறிவிட்டு பின்வாங்கிய சீமான்!

தமிழக சட்டமன்ற தேர்தல் ஏப்ரல் 6ஆம் தேதி நடைபெறவுள்ளது. இதற்கான வேட்பு மனு தாக்கல் மார்ச் 10-ஆம் தேதி தொடங்குகிறது. இதனால் அரசியல் கட்சிகள் கூட்டணி, தொகுதி பங்கீடு பேச்சுவார்த்தைகளில்...

இருசக்கர வாகனம் மீது மினிவேன் மோதிய விபத்தில், பெயிண்டர் பலி!

கரூர் கரூர் அருகே இருசக்கர வாகனம் மீது மினிவேன் மோதிய விபத்தில் பெயிண்டர் பரிதாபமாக உயிரிழந்தார் கரூர் மாவட்டம், தென்னிலை அருகேயுள்ள...
TopTamilNews