அடுத்த 48 மணி நேரத்தில் இந்த 8 மாவட்டங்களில் மழை பெய்யுமாம்!

தென்மேற்கு பருவக் காற்றின் காரணமாக அடுத்த 48 மணி நேரத்தில் தமிழக கடலோர மாவட்டங்களில் மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

மதுரை, விருதுநகர், சேலம், தருமபுரி, கிருஷ்ணகிரி, நீலகிரி, புதுச்சேரி, காரைக்காலில் மழைக்கு வாய்ப்பிருப்பதாகவும், சென்னையில் வானம் மேகமூட்டத்துடன் காணப்படும் என்றும் தெரிவிக்கப்பட்டுள்ளது.

மேலும் தென்மேற்கு, அரபிக்கடல், ஆந்திரா, ஒடிசா கடலோரம், மத்திய மேற்கு வங்கக்கடல் பகுதிகளில் பலத்தகாற்று வீசும் என்பதால் மீனவர்கள் மீன்பிடிக்க செல்ல வேண்டாம் என்றும் எச்சரிக்கை விடுக்கப்பட்டுள்ளது.