இந்த 10 மாவட்டங்களில் மிதமான மழைக்கு வாய்ப்பு – வானிலை ஆய்வு மையம்

தமிழகத்தில் 10 மாவட்டங்களில் மிதமான மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

வளிமண்டல மேலடுக்கு சுழற்சி காரணமாக தமிழகத்தில் ஆங்காங்கே லேசான மழை, கனமழை என மாறி மாறி பெய்து வருகிறது. வெப்ப சலனம் காரணமாக நீலகிரி மாவட்டத்தில் கன மழை தொடர வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

கோவை, ஈரோடு, கிருஷ்ணகிரி, தர்மபுரி, சேலம், வேலூர், ராணிப்பேட்டை திருப்பத்தூர், திருவண்ணாமலை திருவள்ளூர் ஆகிய மாவட்டங்களில் மிதமான மழை பெய்யும் என்றும் வானிலை ஆய்வு மையம் தெரிவித்துள்ளது. அதிகபட்சமாக நீலகிரி தேவாலாவில் 10 செமீ மழையும், சேலம் பந்தலூரில் 5 செமீ மழையும் பதிவாகியுள்ளது குறிப்பிடத்தக்கது.