தமிழகத்தில் 5 மாவட்டங்களில் கனமழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.
திருவாரூர், நாகை, தஞ்சை, புதுக்கோட்டை, ராமநாதபுரம் மாவட்டங்களில் இடியுடன் கூடிய கனமழை பெய்ய வாய்ப்பு உள்ளது என்று வானிலை ஆய்வு மையம் கூறியுள்ளது.
தமிழக பகுதியில் காற்றின் திசைவேகம் மாறுபாடு காரணமாக மழைக்கு வாய்ப்பு உள்ளதாகவும், சென்னையில் அடுத்த 48 மணி நேரத்திற்கு சில பகுதிகளில் மழை தொடர வாய்ப்பு இருப்பதாகவும் வானிலை ஆய்வு மையம் கூறியுள்ளது.
சென்னையில் காலை முதலே மழை பெய்ய தொடங்கியது. விட்டு விட்டு மழை பெய்து வந்த நிலையில் சென்னையில் கிண்டி, ஈக்காட்டுதாங்கல் உள்ளிட்ட பல்வேறு இடங்களில் தற்போது மழை பெய்கிறது.