பாரத்நெட் திட்டத்திற்கு மறு டெண்டர்! – அமைச்சர் உதயகுமார் பேட்டி

பாரத் நெட் திட்டத்திற்கு தமிழக அரசு விடுத்த டெண்டரை மத்திய அரசு ரத்து செய்துள்ள நிலையில், மறு டெண்டர் கோரப்படும் என்று அமைச்சர் உதயகுமார் தெரிவித்துள்ளார்.
பாரத் நெட் எனப்படும் கிராமங்களை பைஃபர் கண்ணாடி இழையால் இணைக்கும் திட்டத்திற்கு டெண்டர் வழங்கியதில் ஊழல் நடந்ததாக தி.மு.க சார்பில் கூறப்பட்டது. அதில் ஊழல் நடக்கவில்லை என்று தமிழக அரசு கூறியது. இது தொடர்பாக தி.மு.க சார்பில் தாக்கல் செய்யப்பட்ட மனுவை சென்னை உயர் நீதிமன்றம் திரும்பப் பெற உத்தரவிட்டது. இதனால், ஊழல் புகார் கூறிய தி.மு.க -வின் மூக்கு உடைபட்டுள்ளது என்று அமைச்சர் உதயகுமார் கூறியிருந்தார்.
ஆனால், தமிழக அரசு விடுத்த டெண்டரை மத்திய அரசு ரத்து செய்து உத்தரவிட்டுள்ளது. இதனால், இந்த விவகாரம் மீண்டும் சூடுபிடிக்கத் தொடங்கியுள்ளது.


மதுரை திருப்பரங்குன்றம் அருகே பொது மக்களுக்கு கப சுர குடிநீர் தயாரிக்கத் தேவையான மூலிகைப் பொருட்களை வழங்கும் நிகழ்ச்சியில் பங்கேற்ற அமைச்சர் உதயகுமாரிடம் இது குறித்து நிருபர்கள் கேள்வி எழுப்பினர்.
அப்போது அவர், “ஆரம்ப நிலையிலேயே பல்வேறு குற்றச்சாட்டுக்களை கூறி, பாரத் நெட் திட்டத்திற்கு செயற்கையாக தடை ஏற்படுத்த முயற்சிகள் நடந்தன. தற்சாற்பு இந்தியா திட்டத்திற்கு ஏற்ப நிபந்தனைகள் இடம்பெறும் வகையில் பாரத்நெட் திட்டத்திற்கு மறுடெண்டர் கோருவதற்கு மத்திய அரசு வழிகட்டுதலை வழங்கியுள்ளது. அதன் அடிப்படையில் மறு டெண்டர், இ-டெண்டர் முறையில் வெளிப்படையாக கோரப்படும். எந்தவித குளறுபடியும் இல்லாமல் மக்களிடையே பாரத்நெட் திட்டம் கொண்டுபோய் சேர்க்கப்படும்” என்றார்.

Most Popular

காலை நேரம்… தெருவில் கிடந்த மனித மண்டை ஓடு… பதறிய பழனி மக்கள்!- காரணம் மந்திரவாதிகளா? குடிமன்னர்களா?

தெருவில் மனிதர்களின் மண்டை ஓடுகள் சிதறி கிடந்ததை பார்த்து பழனி மக்கள் அதிர்ச்சியடைந்துள்ளனர். மந்திரவாதிகள் இப்படி செய்தார்களா அல்லது குடிமன்னர்கள் இந்த எலும்பு  கூட்டை போட்டுச் சென்றார்களா என்பது குறித்து காவல்துறையினர் விசாரணை...

சென்னை மெரினா கடற்கரையில் சுதந்திர தின விழா ஒத்திகை! போக்குவரத்து மாற்றம்!

உலக நாடுகளை அச்சுறுத்தி வரும் கொரோனா தொற்று பாதிப்பு இந்தியாவிலும் தொடர்வதால் கொண்டாட்டங்கள் பலவும் தவிர்க்கப்பட்டு வருகிறது. அதன்படி  ஆகஸ்ட் 15 ஆம் தேதி 74 ஆவது சுதந்திர தின கொண்டாட்டத்தின் போது சமூக...

ஆன்லைனில் ரம்மி விளையாடிய காவலர் தூக்கிட்டு தற்கொலை!

ஆன்லைனில் ரம்மி விளையாடி வந்த காவலர் ஒருவர் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. திருச்சி ஜீயபுரம் காவல் நிலைய காவலர் ஆனந்த். இவர் ஆன்லைனில் ரம்மி விளையாடுவதில் ஆர்வம் காட்டி வந்துள்ளார்....

காட்டுப் பகுதி… எல்லை மீறிய காதல் ஜோடி… வீடியோ எடுத்த கும்பல்!- கடைசியில் நடந்த பரிதாபம்

காட்டுப் பகுதியில் காதல் ஜோடி எல்லை மீறி கொண்டிருந்ததை வீடியோ எடுத்து கும்பல் ஒன்று அவர்களை மிரட்டி பணம், செல்போனை கொள்ளையடித்து சென்றது. இந்த வீடியோ சமூக வலைதளங்களில் வெளியாகி அதிர்ச்சியை ஏற்படுத்தியுள்ளது. நெல்லை...