மேஷம்:

இன்று கடன் பிரச்சனை கட்டுக்குள் இருக்கும். பிள்ளைகளிடம் அனுசரித்து செல்வது நல்லது. திடீர் செலவுகள் உண்டாகும். அடுத்தவர் பிரச்சனைகளில் தலையிடுவதை தவிர்ப்பது நல்லது.  அக்கம்பக்கத்தில் இருப்பவர்களுடன்  அனுசரித்து செல்வது நல்லது.

அதிர்ஷ்ட நிறம்: ஆரஞ்சு, வெள்ளை

அதிர்ஷ்ட எண்கள்: 1, 3, 9

ரிஷபம்:

இன்று அன்னிய மனிதர்கள் மூலம் உதவிகள் கிடைக்கும். வெளிநாடு செல்வதில் எதிர்பாராத சிக்கல் ஏற்படலாம். கவனம் தேவை. நண்பர்களிடம் பழகும் போது எச்சரிக்கை அவசியம். கணவன் மனைவிக்கிடையே  அடிக்கடி  வாக்குவாதங்கள் உண்டாகலாம்.

அதிர்ஷ்ட நிறம்: வெளிர் நீலம், மஞ்சள்

அதிர்ஷ்ட எண்கள்: 4, 6

மிதுனம்:

இன்று கடன் கொடுப்பது, பைனான்ஸ் போன்றவற்றில் மிகவும் கவனமாக இருப்பது நல்லது. எதிலும் மிகவும் கவனமாக செயல்படுவது  நல்லது. அவசரப்படாமல் நிதானமாக பணிகளை கவனிப்பது நல்லது. மாணவர்கள் படிப்பில் கவனம் செலுத்துவது அவசியம்.

அதிர்ஷ்ட நிறம்: மஞ்சள், பச்சை

அதிர்ஷ்ட எண்கள்: 3, 5

கடகம்:

இன்று சிறுவர்கள் விளையாட்டுகளில் ஈடுபடும் போது கவனம் தேவை. கலைத்துறையினருக்கு எதிர்பார்த்த அளவு வாய்ப்புகள் வந்து குவியும். பொருட்களை கவனமாக பாதுகாப்பது நல்லது. அரசியல்துறையினர் எந்த வாக்குறுதியையும் கொடுப்பதை தவிர்ப்பது நல்லது.

அதிர்ஷ்ட நிறம்: வெள்ளை, பிரவுன்

அதிர்ஷ்ட எண்கள்: 2, 6

சிம்மம்:

இன்று கோபத்தை குறைப்பது நன்மை தரும். வேலைகளை கவனமுடன் செய்வது நல்லது. எதிலும் நிதானம் தேவை.  உங்களுக்கு வருமானம் அதிகரிக்கும். வசதிகள் பெருகும். உறவினர்களுடன் சுமுக நிலை காணப்படும். வெளியூர் அல்லது வெளிநாட்டு பயணம் செல்ல நேரலாம்.

அதிர்ஷ்ட நிறம்: ஆரஞ்சு, வெளிர் பச்சை

அதிர்ஷ்ட எண்கள்: 1, 5, 6

கன்னி:

இன்று நீண்ட நாட்களாக இருந்து வந்த பிரச்சனைகள் தீரும். எதையும் செய்து முடிக்கும் சாமர்த்தியம் உண்டாகும். மரியாதையும், அந்தஸ்தும் உயரும். தந்தை மூலம் உதவிகள் கிடைக்க பெறுவீர்கள். புண்ணிய தலங்களுக்கு சென்று வருவீர்கள்.  காரிய வெற்றி உண்டாகும்.

அதிர்ஷ்ட நிறம்: மஞ்சள், பச்சை

அதிர்ஷ்ட எண்கள்: 3, 5, 9

துலாம்:

இன்று தொழில் தொடர்பான  பிரச்சனைகள் தீரும். முன்னேற்றம் காணப்படும். வாடிக்கையாளர்களிடம் அனுசரித்து செல்வது  நல்லது. உத்தியோகத்தில் இருப்பவர்கள்  அவசரப்படாமல் நிதானமாக பணிகளை கவனிப்பது நல்லது. பணத்தேவை அதிகரிக்கும். எல்லா காரியங்களும் தாமதப்படும்.

அதிர்ஷ்ட நிறம்: வெள்ளை, சிவப்பு

அதிர்ஷ்ட எண்கள்: 6, 9

விருச்சிகம்:

இன்று வேலைப்பளு வீண் அலைச்சல் உண்டாகும். உடல் ஆரோக்யம் பெறுவீர்கள். மனதில் இருந்த இறுக்கம் நீங்கும். குடும்பத்தில் இருந்த சின்ன சின்ன பிரச்சனைகள் நீங்கி கலகலப்பு உண்டாகும். பொருள் சேர்க்கை உண்டாகும். வார்த்தைக்கு  மற்றவர்களிடம் மதிப்பு இருக்கும்.

அதிர்ஷ்ட நிறம்: சிவப்பு, நீலம்

அதிர்ஷ்ட எண்கள்: 3, 9

தனுசு:

இன்று சொன்ன சொல்லை காப்பாற்றுவீர்கள். உங்கள் ஆலோசனை கேட்டு மற்றவர்கள் உங்களை நாடி வருவார்கள். சகோதரர்களால் நன்மை உண்டாகும். மனதில் உறுதி ஏற்படும். பிள்ளைகளுடன் இருந்த மனவருத்தம் நீங்கும். பூர்வீக சொத்துக்கள் மூலம் லாபம் கிடைக்கும்.

அதிர்ஷ்ட நிறம்: நீலம், மஞ்சள்

அதிர்ஷ்ட எண்: 1, 6

மகரம்:

இன்று எதிர்ப்புகள் விலகும். எதிலும் முன்னெச்சரிக்கையுடன்  செயல்படுவது நல்லது. இடமாற்றம் ஏற்படலாம். செலவும் அதிகரிக்கும். மனதில் ஏதாவது ஒரு கவலை இருக்கும். வாகனங்களில் செல்லும் போதும் தீ, ஆயுதங்கள் போன்றவற்றை கையாளும் போதும் கவனம் தேவை. 

அதிர்ஷ்ட நிறம்: மஞ்சள்

அதிர்ஷ்ட எண்: 5, 6

கும்பம்:

இன்று கணவன், மனைவிக்கிடையே திடீர் மனஸ்தாபம் உண்டாகலாம். கவனம் தேவை. சற்று கவனமாக எதையும் செய்வது நல்லது. சிக்கனத்தை கடைபிடிப்பது நன்மை தரும். வீண் வாக்குவாதங்களை தவிர்ப்பது  நல்லது. எதிலும் நிதானம் தேவை.

அதிர்ஷ்ட நிறம்: மஞ்சள், சிவப்பு

அதிர்ஷ்ட எண்: 4, 6

மீனம்:

இன்று பொருள் சேர்க்கை உண்டாகும். மாணவர்கள் வாகனத்தில் செல்லும் போது மிகவும் எச்சரிக்கையாக இருப்பது நல்லது.  திட்டமிட்டு பாடங்களை படிப்பது கல்வியில் வெற்றிக்கு உதவும். ஆசிரியர்களிடம் இருந்து வரும் நல்லுறவு நீடிக்கும்.

வடகிழக்கு பருவமழை ஆய்வுக் கூட்டத்தில் திமுக முன்னாள் அமைச்சர் சேகர்பாபு பேசும்போது 'போர் அடிக்கிறது' எனக் கூறிய தவெக எம்.எல்.ஏ. தாமுவால் மேடையில் பரபரப்பு ஏற்பட்டது. 

நீங்க பேசுவது bore அடிக்கிறது.. முகத்திற்கு நேராக சொன்ன
MLA விஜய் தாமு..🔥🔥

டென்ஷன் ஆன சேகர்பாபு..😂🤣pic.twitter.com/2EIjqImb1o

— விஜய்பாலாஜி TVK (@Palraj_Official) October 14, 2026

வடகிழக்குப் பருவ மழை தொடர்பாக அமைச்சர் ஆதவ் அர்ஜுனா தலைமையில் நடைபெற்ற சென்னை மாநகராட்சிக் கூட்டத்தில் முன்னாள் அமைச்சர் சேகர் பாபு பேசும்போது, அவர் பின்னால் அமர்ந்திருந்த ராயபுரம் எம்.எல்.ஏ விஜய் தாமு, 'நீங்க பேசுவது bore அடிக்குது' எனச் சொல்ல 'நான் பேசுறது bore அடிக்கிறதா... அப்போ அதற்கு எதற்கு என்னை கூப்பிட்டீங்க. போர் அடிப்பதற்காக பேசவில்லை, மக்களுக்கான பணிகள் குறித்துதான் பேசுகிறேன்’ என ஆவேசமடைந்தார் சேகர் பாபு. உடனே அமைச்சர்கள் ஆதவ் அர்ஜுனா மற்றும் விஜய் பாலாஜி அவரை நீங்கள் பேசுங்கள் என்று அமைதிப்படுத்தி பேச வைத்தனர். இதனால் சிறிது நேரம் பரபரப்பு ஏற்பட்டது.

நாளை சென்னை மாவட்ட ஆட்சியர் அலுவலகம் எதிரே மேயர் பிரியா ராஜன் தலைமையில் ஆர்ப்பாட்டம் நடைபெற இருக்கிறது. 

சென்னை ரிப்பன் மாளிகையில் வடகிழக்கு பருவமழை முன்னெச்சரிக்கை நடவடிக்கைகள் குறித்து அமைச்சர் ஆதவ் அர்ஜுனா தலைமையில் ஆய்வுக் கூட்டம் நடைபெற்றது. சென்னையின் 15 மண்டலங்களுக்கும் ஒருங்கிணைப்பாளராக நியமிக்கப்பட்டுள்ள அமைச்சர் ஆதவ் அர்ஜுனா தலைமையில் நடைபெறும் ஆய்வுக் கூட்டத்தில் அனைத்து பொறுப்பு அமைச்சர்கள், மேயர் பிரியா, துணை மேயர் உள்ளிட்டோர் பங்கேற்றனர்.ஆய்வுக் கூட்டத்திற்கு பங்கேற்க வந்த மேயர் பிரியா மற்றும் முன்னாள் அமைச்சர் சேகர்பாபுவை தவெக அமைச்சர்கள் எழுந்து நின்று வரவேற்றனர். 

இந்நிலையில் நாளை சென்னை மாவட்ட ஆட்சியர் அலுவலகம் எதிரே மேயர் பிரியா ராஜன் தலைமையில் ஆர்ப்பாட்டம் நடைபெற இருக்கிறது.திமுக சார்பில் நடைபெறப்போகும் இந்தப் போராட்டத்திற்கு எல் நினோ பாதிப்புகள் தொடர்பாக பருவ நிலை மாற்றத்தால் சென்னையில்  எழக்கூடிய பிரச்சனைகளுக்கு தவெக அரசு எந்த முன்னெச்சரிக்கை நடவடிக்கையும் எடுக்கவில்லை என்ற காரணம் கூறி மேயர் பிரியா ராஜன் நாளை ஆர்ப்பாட்டம் நடத்துகிறார். திமுக சார்பில் நடைபெறப் போகும் இந்த கண்டன ஆர்ப்பாட்டத்தில் ஆ.ராசா உரையாற்றுகிறார்.  

திமுக ஆட்சியில் சென்னைக்கு புதிதாக 1000 AC மின்சார பேருந்துகளை வாங்க வெளியிடப்பட்ட டெண்டர் ரத்து செய்யப்பட்டுள்ளது. நிர்வாக காரணங்களுக்காக ரத்து செய்வதாக சென்னை மாநகர போக்குவரத்து கழகம் விளக்கம் அளித்துள்ளது.

சென்னை மாநகர போக்குவரத்து கழகம் (MTC) விட்டிருந்த 1000 ஏசி 12 மீட்டர் குறைதள மின்சார பேருந்துகளுக்கான மெகா டெண்டர்  அதிகாரப்பூர்வமாக ரத்து செய்யப்பட்டுள்ளது. இந்த டெண்டர் கடந்த மார்ச் 6-ம் தேதி விடப்பட்டது. முதலில் ஏப்ரல் 7 தேதி திறக்க வேண்டிய டெண்டர், 11 முறை தேதி நீட்டிக்கப்பட்டு 189 நாட்கள் தள்ளிப்போய் அக் 13 வரை வந்தது. MTC தரப்பு தகவலின்படி, GCC மாடலில் இயக்க ஒரு கி.மீ-க்கு ரூ.77 முதல் 81 வரை கொடுக்கப்பட்ட நிலையிலும், பல நிறுவனங்கள் முன்வரவில்லை. ஒரே ஒரு நிறுவனம் மட்டுமே வந்ததால் பல முறை தள்ளிவைக்கப்பட்டது. கடைசியில் வேறு வழியின்றி ரத்து செய்யப்பட்டுள்ளது. மேலும், தொழிற்சங்கங்கள் இதை "மறைமுக தனியார்மயம்" என்று எதிர்ப்பதும், தனியார் ஓட்டுநர்களை வைத்து இயக்குவது என்ற GCC மாடல் மீதான சர்ச்சையும் காரணமாக சொல்லப்படுகிறது. 

MTC-க்கு ஏற்கனவே 1000 பஸ்கள் கூடுதலாக தேவை. இப்போது 383 பழைய பஸ்கள் வெற்றிப் பயணம் திட்டத்திற்காக மாவட்டங்களுக்கு அனுப்பப்பட உள்ளதால், சென்னையில் கூட்ட நெரிசல் இன்னும் அதிகமாகும். சென்னையில் ஓட தகுதியில்லை என்று கழிக்கப்பட்ட 10 லட்சம் கி.மீ ஓடிய பழைய பஸ்கள் தான் இன்னும் சில வருடம் ஓடும் நிலை உள்ளது. டெண்டர் ரத்து செய்யப்பட்டதால் 12 மெட்ரோ ஸ்டேஷன்களுக்கு முதல்/கடைசி மைல் இணைப்பு தர வேண்டிய 220 மைக்ரோ பஸ் திட்டமும் இதே போல் தள்ளிப்போயுள்ளது.  தற்போது 625 மின்சார பஸ்கள் மட்டுமே உள்ளன. 1000 புதிய ஏசி பஸ்கள் வந்தால் தான் சென்னையின் பல ரூட்டுகளில் ஏசி வசதி கிடைக்கும். அது இனி குறைந்தது 6 மாதம் முதல் 1 வருடம் தள்ளிப்போகும். 

நடிகர் தனுஷின் ரசிகர் மன்றம் நற்பணி இயக்கமாக மாற்றம்  செய்யப்பட்டுள்ளது.

நடிகர் விஜய் அரசியலுக்கு வந்து வெற்றி பெற்று, முதலமைச்சரானதையடுத்து, மற்ற நடிகர்களும் அரசியலுக்கு தயாராகி வருகின்றனர். இந்நிலையில் நடிகர் தனுஷ் தனது கட்சியை தேர்தல் ஆணையத்தில் பதிவு செய்திருப்பதாக தகவல்கள் வெளியாகியுள்ளன.

இந்நிலையில் திரைப்பட நடிகர் தனுஷின் ரசிகர் மன்றத்தை அதிகாரப்பூர்வமாக 'நற்பணி இயக்கமாக மாற்றப்பட்டுள்ளது. கோவையில் நடைபெற்ற தனுஷ் ரசிகர் மன்ற நிர்வாகிகளின் முக்கியக் கூட்டத்தில் இந்த அதிரடி முடிவு எடுக்கப்பட்டுள்ளது. ஏற்கனவே தனுஷின் ரசிகர் மன்றத்தை எதிர்காலத்தில் அரசியல் இயக்கமாக மாற்றுவது தொடர்பான ஆலோசனைகள் மற்றும் திட்டமிடல்கள் அவரது தரப்பில் தீவிரமாக நடைபெற்று வருவதாகத் தகவல்கள் வெளியாகி வந்த நிலையில், தற்போது இந்த நற்பணி இயக்க மாற்றம் குறித்த அறிவிப்பு அரசியல் மற்றும் சினிமா வட்டாரத்தில் பெரும் எதிர்பார்ப்பையும் விவாதத்தையும் ஏற்படுத்தியுள்ளது.
 

விருதுநகர் மாவட்டம் ராமகிருஷ்ணாபுரம் கிராமத்தில் ஆடு மேய்க்கும் தொழிலாளியின் வீட்டுக்கு ரூ.10,451 மின் கட்டணமாக வந்ததாக செய்திகள் வெளியான நிலையில் மின்வாரியம் விளக்கம் அளித்துள்ளது.

விருதுநகர் மின் பகிர்மான வட்டம், திருவில்லிபுத்துார் கோட்டம், ஊரகம் உபகோட்டம், மல்லிப்புதுார் பிரிவு அலுவலகத்திற்குட்பட்ட இராமகிருஷ்ணாபுரம் கிராமத்தில் ஆடு மேய்த்திடும் தொழிலாளி வீட்டிற்கு செப்டம்பர் மாத மின்கட்டணமாக ரூ. 10,451 கணக்கிடப்பட்டிருந்ததாகவும், அது குறித்து புகார் செய்தும், மின் கட்டணத்தை செலுத்தக் கோரியதால், மின் கட்டணம் செலுத்த இயலாததால் மின்சார இணைப்பு துண்டிக்கப்பட்டதாக செய்திகள் வெளியானது.

இதுகுறித்து விளக்கம் அளித்துள்ள மின்வாரியம், “திருவில்லிபுத்தூர், இராமகிருஷ்ணாபுரம் கிராமத்தில் திரு.இராஜேந்திரன் த/பெ பிச்சை தேவர் என்பவரது வீட்டு மின் இணைப்பு எண்: 07268001199 ல் கடந்த 07/2026 ம் மாதம் ரூ.700/- மின் கட்டணம் வந்ததை தொடர்ந்து மின் வாரிய அலுவலர்களால் 31/07/2026 மற்றும் 02/08/2026 ஆகிய தினங்களில் மின் அளவி ஆய்வு செய்யப்பட்டு Check Reading ம் பதிவேற்றம் செய்யப்பட்டது. ஆய்வில் மின் அளவி நல்ல நிலையில் இருப்பது உறுதி செய்யப்பட்டது. மீண்டும் 09/2026 ம் மாத மின் கட்டணம் ரூ.10,451/- ஆக பதிவு செய்யப்பட்டிருந்ததை தொடர்ந்து 02/09/2026 அன்று மீண்டும் கள ஆய்வு செய்யப்பட்டது. கள ஆய்வில், திரு.இராமகிருஷ்ணன் அவர்கள் வீட்டில் Air Cooler உபயோகத்தில் இருந்ததாலும், கடந்த 09/2024 மற்றும் 11/2024 ஆகிய காலகட்டங்களிலும் இதே அளவு பயன்பாடு இருந்துள்ளது குறித்தும் திரு. இராமகிருஷ்ணன் அவர்களிடம் எடுத்துரைத்த போது அதனை ஏற்றுக்கொண்டு தான் 10 தினங்களில் மின் கட்டணம் செலுத்தி விடுவதாக தெரிவித்துள்ளார். ஆனால், மின்கட்டணத்தை உரிய காலத்திற்குள் செலுத்தாததால் 24/9/2026 அன்று மின் துண்டிப்பு செய்யப்பட்டது என்ற விபரம் பணிந்து சமர்பிக்கப்படுகிறது.

இந்நிலையில், ஊடகங்களில் வெளியான செய்தியின் அடிப்படையில் மின் அளவியின் தரவுகள் பதிவிறக்கம் செய்யப்பட்டு ஆய்வு செய்யப்பட்டதில், கணக்கீட்டாளர் கடந்த 12 மாதங்களாக மின் அளவை குறைத்து தவறாக பதிவு செய்ததன் காரணமாகவும், சிறப்பு ஆய்வில் சரியான மின் அளவு பதிவு செய்யப்பட்டதன் காரணமாகவும், 09/2026 ம் மாதத்தில் ரூ.10,451/- மின் கட்டணம் கணக்கீடாகியுள்ளது என்ற விபரம் பணிந்து சமர்பிக்கப்படுகிறது. எனவே, மின் அளவி ஆய்வாக அறிக்கையின் (CMRI தரவிறக்கம்) அடிப்படையில், மின் கட்டணம் திருத்தப்பட்டு தற்போது நிலுவைத்தொகையாக ரூ.4054/- கணக்கிடப்பட்டுள்ளது. தவறு செய்த மின் கணக்கீட்டாளர் பணி இடை நீக்கம் செய்யப்பட்டுள்ளார் என்ற விபரமும் பணிந்து சமர்பிக்கப்படுகிறது. மேலும், திரு.இராமகிருஷ்ணன் அவர்கள் திருத்தப்பட்ட மின் கட்டணத்தை செலுத்தியதை தொடர்ந்து, இன்று மறு மின் இணைப்பு வழங்கப்பட்டது என்ற விபரமும் பணிந்து சமர்பிக்கப்படுகிறது” எனக் குறிப்பிடப்பட்டுள்ளது.

தமிழ்நாடு அரசு பேருந்தின் டிஜிட்டல் பெயர் பலகையில் திமுகவினரை விமர்சிக்கும் வகையிலான வாசகங்கள் இடம்பெற்றிருந்தன.

எடப்பாடி வன்மத்த கக்கிட்டான் 😂 pic.twitter.com/mSB3kq2vQO

— J D :) (@JD_Reloaded) October 14, 2026

புதுச்சேரியிலிருந்து கடலூர் நோக்கி சென்றுகொண்டிருந்த  தமிழ்நாடு அரசு பேருந்தின் டிஜிட்டல் பெயர் பலகையில் திமுகவினரை விமர்சிக்கும் வகையிலான வாசகங்கள் இடம்பெற்றிருந்தன.‘எங்க உங்க அப்பாவையே காணோம்’, ‘ஓம் சக்தி பராசக்தி திமுக ஒரு தீயசக்தி’, ‘கொளத்தூரில் கொத்து புரோட்டா போட்ட ஸ்டாலின் அங்கிள், கக்கூஸ் லீடர் உதயநிதி ஆகிய வசனங்கள் இடம்பெற்றிருந்தன. இதுகுறித்த வீடியோ தற்போது இணையத்தில் வைரலாகி வருகிறது.

கோவை வெள்ளலூர் ஆரம்ப சுகாதார நிலையத்தில் தடுப்பூசி செலுத்தப்பட்ட பிறகு உடல்நலக்குறைவு ஏற்பட்டு, கோவை அரசு மருத்துவமனையில் சிகிச்சை பெற்று வந்த 10 மாத பெண் குழந்தை உயிரிழந்தது.

கோவை வெள்ளலூர் ஆரம்ப சுகாதார நிலையத்தில் தடுப்பூசி செலுத்தப்பட்ட பிறகு உடல்நலக்குறைவு ஏற்பட்டு, கோவை அரசு மருத்துவமனையில் சிகிச்சை பெற்று வந்த நிலையில்  10 மாத பெண் குழந்தை உயிரிழந்தது. மருத்துவர்களின் தவறான சிகிச்சையே காரணம் என பெற்றோர் குற்றம் சாட்டியுள்ள நிலையில் மருத்துவமனை தரப்பில் டீன் விளக்கம் கொடுத்துள்ளார். இதுகுறித்து குழந்தையின் பெற்றோர் மற்றும் உறவினர்கள் கூறுகையில், குழந்தை ஆரோக்கியமாக இருந்த நிலையில் தடுப்பூசிக்குப் பிறகு காய்ச்சல், சோர்வு, மயக்கம் ஏற்பட்டு மருத்துவமனைக்கு அனுப்பப்பட்டதாகவும், பின் அங்கு நான்கு நாட்கள் தீவிர சிகிச்சை அளிக்கப்பட்ட பின்னரும் குழந்தை உயிரிழந்ததாகவும் மருத்துவர்கள் தவறான சிகிச்சை அளித்ததாகவும், சிகிச்சை விவரங்களை உரியவாறு தெரிவிக்காததாகவும் குற்றம் சாட்டியுள்ளனர். 

தமிழ்நாட்டுக்கு தொழில் துறை மந்திரியா இல்ல ஆந்திராவுக்கு தொழில் துறை மந்திரியான்னு தெரியல, டெய்லி ஒரு கம்பெனியை மூடி அனுப்புறாங்க என திமுக சட்டத்துறை இணைச் செயலாளர் பரந்தாமன் கூறியுள்ளார்.

சென்னையில் செய்தியாளர்களிடம் பேசிய திமுக சட்டத்துறை இணைச் செயலாளர் பரந்தாமன், “தமிழ்நாட்டில் அரிசி,பருப்பு,போன்ற அத்தியாவசிய பொருள்களின் விலை உயரவில்லை என்று உணவுத்துறை அமைச்சர் சொல்கிறார், அவர் அரிசி வாங்கி சோறுதான் சாப்பிடுகிறாரா? என்ற கேள்வி எழுகிறது. நானும் அவரும் நேரடியாக மார்க்கெட்டிற்குச் சென்று பொருட்களை வாங்குவோம். அப்போது விலைவாசி ஏறியுள்ளது என்று நான் நிரூபித்துவிட்டால், அமைச்சர் பதவியை ராஜினாமா செய்ய அவர் தயாரா? விலை வாசி ஏற்றத்தை பற்றி முதலமைச்சர் பேச வேண்டும். மாற்றம் தருவேன் எனக்கூறிய விஜய் சர்க்கார்.. மிகப்பெரிய ஏமாற்றத்தை கொடுத்தது மட்டுமில்லாமல் விலையேற்றத்தையும் கொடுத்து இருக்கு. தமிழ்நாட்டுக்கு தொழில் துறை மந்திரியா இல்ல ஆந்திராவுக்கு தொழில் துறை மந்திரியான்னு தெரியல, டெய்லி ஒரு கம்பெனியை மூடி அனுப்புறாங்க. முதல்வர் Sleep Mode-ல் உள்ளார் சீக்கிரம் Action Mode-க்கு வர வேண்டும்.தவெக எவ்வளவு அடி வாங்கினாலும் வெளியே தெரியாம சைலன்டா  இருக்காங்க...அமைச்சர் ஆதவ் எங்க போனாரு..முதல்வர் விஜய் ஏன் இன்னும் பேசாம இருக்காரு..தயவு செய்து அரசியலை கொச்சைப்படுத்தாதீங்க” என்றார்.

கூர்மையாகும் இளைஞர் போராட்டத்தை நீர்த்துப் போகச் செய்யும் வேலையைத்தான் தவெகவும் காங்கிரஸூம் செய்து கொண்டிருக்கின்றன. எஸ்.ஐ.ஆரை எதிர்த்தது யார், ஒளிந்தது யார்? என முன்னாள் சட்டத்துறை அமைச்சர் ரகுபதி கேள்வி எழுப்பியுள்ளார்.

இதுதொடர்பாக முன்னாள் சட்டத்துறை அமைச்சர் ரகுபதி வெளியிட்டுள்ள அறிக்கையில், “தமிழ்நாட்டில் SIR-ஆல் மக்களின் வாக்குரிமை பறிபோகாமல் இருக்க தி.மு.க.வினர் பாடுபட்டதை பாராட்டும் விதமாக வாக்குச்சாவடி முகவர்கள் கூட்டத்தில் எங்கள் தலைவர் பேசியதை ஒட்டி, வெட்டி போட்டு தமிழ்நாடு காங்கிரஸ் கமிட்டி தலைவர் மாணிக்கம் தாக்கூர் திமுகவிடம் பதிலடியாக வாங்கி கட்டிக் கொண்டார். அந்த ’கால் அமுக்கி’ மாணிக்கம் தாகூருக்கு விழுந்த வசவுகளுக்கு ஒத்தடம் கொடுக்க ஓடி வந்திருக்கிறார் அமைச்சர் ஆதவ் அர்ஜுனா. SIR விவகாரத்தில் திமுக எதையும் செய்யவில்லை, பாஜகவுக்கு ஆதரவாக செயல்பட்டது என்றெல்லாம் கதைகளை கட்டவிழ்த்திருக்கிறார். முன் பின் பேப்பர் படித்திருந்தால் கூட ஆதவ் அர்ஜுனாவுக்கு இதெல்லாம் தெரியும்! அப்படி தெரியவில்லை என்றால் எங்கள் கூட்டணியில் வெற்றி பெற்று உங்கள் கூட்டணியில் சேர்ந்திருக்கும் கல்லா பெட்டி கூட்டணியினரை கேட்டு தெரிந்து கொள்ளட்டும்.

இந்தியத் தேர்தல் ஆணையம் கொண்டு வந்த வாக்காளர் பட்டியல் சிறப்பு தீவிர திருத்த முறைக்கு (Special Intensive Revision - SIR) எதிராக திமுக மேற்கொண்ட தொடர் முயற்சிகள், சட்டப் போராட்டங்களில் பங்கேற்றவர்கள் மற்றும் அரசியல் நடவடிக்கைகள் அனைத்திலும் சாட்சிகளாக இருந்தவர்கள் இன்றைக்கு தவெக கூட்டணியில் இருக்கிற காங்கிரஸ், விசிக, முஸ்லிம் லீக் தலைவர்கள்தான். SIR-ஐ திமுக எதிர்க்கவில்லை என்றால், அவர்களும் எதிர்க்கவில்லை என்றுதானே அர்த்தம்! இப்போது கள்ள மவுனம் காப்பவர்கள் யார்? என்பது நாடறியும்.

= 2025 அக்டோபரில் தேர்தல் ஆணையத்தின் SIR நடவடிக்கைக்கு திமுகவும் அதன் கூட்டணிக் கட்சிகளும் வடகிழக்குப் பருவமழைக் காலத்தில் இவ்வளவு பெரிய பணியைச் செய்வது மக்களுக்குப் பாதிப்பை ஏற்படுத்தும். பீகார் மாநிலத்தைப் போல லட்சக்கணக்கான உண்மையான வாக்காளர்களின் பெயர்கள் நீக்கப்படலாம் என்று குற்றம் சாட்டி கூட்டறிக்கை வெளியிட்டது.

= SIR-க்கு 2025 நவம்பர் 2 அன்று திமுக தலைவர் மு.க.ஸ்டாலின் தலைமையில் அனைத்துக் கட்சிக் கூட்டம் நடைபெற்றது. 46 அரசியல் கட்சிகளின் பிரதிநிதிகள் அதில் பங்கேற்றனர்.

= அனைத்துக் கட்சிக் கூட்டத்தில் SIR நடைமுறைக்கு எதிராக ஒருமனதாகக் கண்டனம் தெரிவிக்கப்பட்டு, உச்ச நீதிமன்றத்தில் வழக்கு தொடர முடிவு எடுக்கப்பட்டது.

= பீகாரில் சிறுபான்மையினர் மற்றும் பாஜக அல்லாத 65 லட்சம் வாக்குகள் திட்டமிட்டு நீக்கப்பட்டது போல, தமிழகத்திலும் செய்யத் திட்டமிடும் தேர்தல் ஆணையத்திற்கு அனைத்துக் கட்சி கூட்டத்தில் கடும் கண்டனம் தெரிவிக்கப்பட்டது.

= SIR பணியை உடனடியாகத் திரும்பப் பெற்று 2026 சட்டமன்றத் தேர்தலுக்குப் பிறகு போதிய கால அவகாசம் வழங்கி வெளிப்படைத்தன்மையுடன் மட்டுமே திருத்தங்கள் மேற்கொள்ள வேண்டும் என தீர்மானம் நிறைவேற்றப்பட்டது.

= பருவமழைக் காலப் பாதிப்பால் மக்கள் படிவங்களை சமர்ப்பிப்பதில் பெரும் சிரமம் ஏற்படும் என்பதால் அந்த காலகட்டத்தில் பணியைச் செய்யக் கூடாது என திமுக அறிவுறுத்தியது.

= 2025 நவம்பரில் SIR-க்கு இடைக்காலத் தடை விதிக்கக் கோரி, உச்ச நீதிமன்றத்தில் திமுக சார்பில் வழக்கு தொடரப்பட்டது.

= SIR நடைமுறைக்கு எதிராக தமிழகம் முழுவதும் உள்ள அனைத்து மாவட்டத் தலைநகரங்களிலும் 2025 நவம்பர் 11 அன்று திமுக கூட்டணி கட்சிகள் சார்பில் கண்டனப் போராட்டம் நடத்தப்பட்டது.

= 2025 டிசம்பரில் SIR நடைமுறைக்கு எதிரான தங்களின் நிலைப்பாட்டைத் தொடர்ந்து திமுக, விடுபட்ட மற்றும் முறையற்ற முறையில் நீக்கப்பட்ட வாக்காளர்களை மீண்டும் பட்டியலில் சேர்க்கும் பணிகளைத் தீவிரப்படுத்த தங்களின் பூத் ஏஜென்ட்டுகளுக்கு அறிவுறுத்தியது.

= நாடாளுமன்றத்தில் SIR நடைமுறைக்கு எதிராகத் தங்களின் கடுமையான எதிர்ப்புக் குரலை திமுக எம்.பி-கள் பதிவு செய்தனர். பீகாரில் SIR-ஆல் 65 லட்சம் வாக்காளர்களின் பெயர்கள் நீக்கப்பட்டதை நாடாளுமன்ற விவாதங்களில் திமுக எம்பிக்கள் ஆதாரமாக முன்வைத்துக் கடுமையான கேள்விகளை எழுப்பினர்.

= SIR-ஐ கண்டித்து, நாடாளுமன்ற வளாகத்தில் திமுக எம்பிக்கள் மற்றும் கூட்டணிக் கட்சித் தலைவர்கள் இணைந்து தொடர் கவன ஈர்ப்புப் போராட்டங்களை நடத்தினர்.

இப்படி SIR விவகாரத்தில் திமுகவின் நிலைப்பாடு வெட்டவெளிச்சமாக இருந்த போது திமுக எதையும் செய்யவில்லை என கதை கட்டுகிறார்கள். SIR விவகாரத்தில் தவெக என்ன செய்தது? SIR-க்கு எதிராக திமுக கூட்டிய அனைத்துக் கட்சிக் கூட்டத்தில் தவெக பங்கேற்கவில்லை. SIR நடவடிக்கையை ஆதரித்த அதிமுக பங்கேற்காமல் போனதில் ஆச்சரியமில்லை. ஆனால், SIR-ஐ எதிர்ப்பதாக சொன்ன தவெக பங்கேற்காமல் பதுங்கி கொண்ட ஓநாய்கள் எல்லாம், இன்றைக்கு SIR-ஐ எதிர்ப்பதாக ஓலமிடுகின்றன. SIR நடைமுறைக்கு எதிரான திமுகவின் சட்ட மற்றும் அரசியல் ரீதியிலான களப் போராட்டங்களை பட்டியல் போட்டிருக்கிறோம். இதே போல தவெக-வால் ஒரு பட்டியலை காட்ட முடியுமா? 2025 நவம்பர் 16 போராட்டமும் உச்ச நீதிமன்ற மனுவும் தவிர தவெக என்ன செய்தது?

தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்று தமிழ்நாடு காங்கிரஸ் கடந்த மாதம் சென்னையில் போராட்டம் நடத்திய போது தவெக ஏன் பங்கேற்கவில்லை? அதுபற்றி கேட்ட போது அமைச்சர் ராஜ்மோகன், ’’ஞானேஷ் குமாரை நீக்கும் கோரிக்கையைத் திசைதிருப்பும் தந்திரம். ஆழமான பிரச்சினையிலிருந்து கவனத்தைத் திருப்ப அவர் பலிகடா ஆக்கப்படுகிறார்’’ என்று ஞானேஷ்குமாருக்கு ஆதரவாக பம்மினாரே எதற்காக? டெல்லி எஜமான் கோபித்துக் கொள்வார் என திசைத் திருப்பியவர்கள் எல்லாம், இன்று SIR-ஐ எதிர்க்க கிளம்பிவிட்டார்கள். ஞானேஷ்குமாருக்கு வக்காலத்து வாங்கியவர்கள் எல்லாம் SIR-ஐ எதிர்க்கிறோம் என கபட நாடகம் ஆடுகிறார்கள். ஞானேஷ்குமாரைப் பதவி விலகக் கோரி, அவரைக் கைது செய்து வழக்குத் தொடர வேண்டும் என்று தமிழ்நாட்டில் போராட்டம் நடத்திய போது அவர்களை எல்லாம் இரும்புகரம் கொண்டு ஒடுக்கிய ஓடுகாலிகள், SIR-ஐ பற்றி பேசுவதற்கும் அதில் திமுகவை குற்றம் சாட்டுவதற்கும் என்ன அருகதை இருக்கிறது? டெல்லியில் கரப்பான் பூச்சி கட்சியினர் கைது செய்யப்பட்ட போது எங்கள் தலைவர் கடுமையாக எதிர்த்தார். தமிழ்நாட்டில் போராடியவர்கள் கைது செய்யப்பட்ட போது திமுக நிர்வாகிகள் நேரில் சந்தித்து ஆதரவு கரம் நீட்டினார்கள். முதலமைச்சர் ராகுல்காந்தியுடன் காபி அருந்திக் கொண்டிருந்தார்.

கூர்மையாகிக் கொண்டிருக்கும் இளைஞர் போராட்டத்தை நீர்த்துப் போகச் செய்யும் வேலையைத்தான் தவெகவும் காங்கிரஸூம் செய்து கொண்டிருக்கின்றன. பாஜகவும் அவர்களுக்கு வேலை செய்யும் தேர்தல் ஆணையத்திற்கும் தலைமைத் தேர்தல் ஆணையர் ஞானேஷ்குமாருக்கும் கூலிப்பணி செய்கிறவர்கள்தான் விஜய் அமைச்சரவையில் இன்று அமர வைக்கப்பட்டிருக்கிறார்கள். SIR-க்கு எதிராக காங்கிரஸும் தவெகவும் ஒன்றுபட்டிருக்கிறதா? ஆட்சியை தக்க வைத்துக் கொள்ள தவெக எச்சரிக்கையாக SIR-ஐ எதிர்ப்பதாக சொல்லிக் கொண்டே நாடகம் ஆடுகிறது. அது நாடகம் என தெரிந்தும் காங்கிரஸ் முட்டு கொடுக்கிறது.

“BLO-க்கள் மாநில ஊழியர்கள் என்பதால் திமுக கட்டுப்பாட்டில் இருந்தது” என்கிறார் ஆதவ் அர்ஜுனா. எஸ்.ஐ.ஆர் தேர்தல் ஆணையத்தின் நடைமுறை. BLO-க்கள் தேர்தல் ஆணையத்தின் கீழ் செயல்படுபவர்கள். இந்த அடிப்படை அறிவுகூட இல்லாமலா அமைச்சர் ஆதவ் அர்ஜுனா இருப்பார்? திமுக எஸ்.ஐ.ஆரைக் கட்டுப்படுத்தி வெற்றிக்காகப் பயன்படுத்தியது என்றால், திமுக ஆட்சியை இழந்தது ஏன்? தவெக ஆட்சியை பிடித்து எப்படி? காங்கிரஸ் தலைவர் மல்லிகார்ஜுன கார்க்கே சொன்னதுபடி எஸ்.ஐ,ஆரால் ஆட்சி மாற்றம் நடந்துவிட்டதா? திமுகவும் பாஜகவும் ரகசியக் கூட்டணி துருப்பிடித்த ஆயுதத்தை தூக்கி கொண்டு வருகிறார் ஆதவ் அர்ஜுனா. பாஜகவும் திமுகவும் தமிழகத்தின் முக்கிய எதிரிகள் என்பது 6-ஆம் வகுப்பு மாணவனுக்கு கூட தெரியுமே! மாண்புமிகு ஆதவ் அர்ஜுனாவுக்கு தெரியவில்லை என்றால் மூளையில் என்ன பிரச்னை? சரியான மருத்துவரை பாருங்கள் அமைச்சரே! SIR படிவம் நிரப்ப திமுக உதவியதை ஜனநாயகப் படுகொலை என்றும் கட்சி முகவர்கள் (BLA) நியமிப்பது எல்லாக் கட்சிகளுக்கும் உள்ள சட்டபூர்வ வாய்ப்பு என்பதையும் அறியாத அளவுக்கு மக்கு சாம்பிராணியை அமைச்சரவையில் வைத்திருக்கிறார்களே! வாக்காளர்களுக்கு உதவுவது எல்லாக் கட்சிகளுக்கும் உள்ள சட்டபூர்வ உரிமை. தவெகவும் முகவர்களை நியமிக்கலாமே! இதில் எப்படி தவறு நடக்கும்! வாக்காளர்களைக் காக்க திமுக உழைத்தது என்றும், நீக்கத்துக்கு உடந்தை என்றும் முரணாக பேசுகிறது ஆதவ் அர்ஜுனாவின் அறிக்கை. ஆட்சியில்தானே இருக்கிறீர்கள். அந்த SIR-ல் ஆதாரம் இருந்தால் இப்போதே வெளியிடுங்கள். எஸ்.ஐ.ஆரை நடத்தியது தேர்தல் ஆணையம். SIR-ஐ திமுக கட்டுப்படுத்தியிருந்தால் ஆட்சியை ஏன் இழந்தோம்? 'எஸ்.ஐ.ஆர் டிராமா'-வை நடத்திவிட்டு அதற்கு திமுகவின் லேபிளை ஒட்ட பார்க்கும் ஓட்டை வாய்களை மக்கள் அடைப்பார்கள்” எனக் குறிப்பிட்டுள்ளார்.
 

நாளை காலை அம்பத்தூரில்  கேபிட்டலாண்ட் மெகா டேட்டா சென்டரை திறக்கிறார் முதலமைச்சர் ஜோசப் விஜய். 

அம்பத்தூர் தொழிற்பேட்டையில் பிரம்மாண்டமாக கட்டப்பட்டுள்ள சிங்கப்பூர் CapitaLand நிறுவனத்தின் 34 MW / 53 MW திறன் கொண்ட அதிநவீன தரவு மையத்தை (Data Centre) தமிழ்நாடு முதலமைச்சர் ஜோசப் விஜய் நாளை காலை திறந்து வைக்கிறார். நாளை காலை  நடக்கும் இந்த திறப்பு விழாவில் முதலமைச்சர் ஜோசப் விஜய்யுடன் CapitaLand உயர் அதிகாரிகள், தொழில்துறை அமைச்சர்கள் பங்கேற்க உள்ளனர். 

இந்த ஒரு டேட்டா சென்டர் மூலம் மட்டும் நேரடியாக 500 இளைஞர்களுக்கு ஐடி வேலை. மறைமுகமாக கட்டுமானம், பராமரிப்பு, பாதுகாப்பு, போக்குவரத்து என 5000 பேருக்கு மேல் வேலைவாய்ப்பு கிடைக்கும். இதுவரை மும்பை, பெங்களூருவில் இருந்த டேட்டா சென்டர் புரட்சி இனி சென்னையில்! CapitaLand நிறுவனம் தமிழ்நாட்டில் மட்டும் ரூ.1900 கோடி முதலீடு. இதனால் Facebook, Instagram, Google, AI நிறுவனங்களின் டேட்டா இனி சென்னையிலேயே பாதுகாக்கப்படும். இந்த டேட்டா சென்டர் 24 மணி நேரமும் மின்சாரம் பயன்படுத்தும். இதன் மூலம் TANGEDCO-விற்கு மட்டும் ஆண்டுக்கு ரூ.100 கோடி வரை மின் கட்டண வருவாய்!சென்னையில் டேட்டா சென்டர் வந்தால் நமது இணைய வேகம் 2 மடங்கு அதிகரிக்கும். கேமிங், OTT, AI அனைத்தும் இனி தடையின்றி பறக்கும். 

நடந்து முடிந்த இடைத்தேர்தலில் பணப்பட்டுவாடா செய்யப்பட்டிருக்கிறது என்று தவெகவுக்கு ஆதரவு அளித்த தலைவர்களே தெரிவித்துள்ளனர் என அதிமுக பொதுச்செயலாளர் எடப்பாடி பழனிசாமி கூறியுள்ளார்.

சேலத்தில் செய்தியாளர்களிடம் பேசிய அதிமுக பொதுச்செயலாளர் எடப்பாடி பழனிசாமி, “ முதல்வர் விஜய் அவர்களே, உங்களுக்கு ஆப்பு அடிக்கப் போவதே ஆதவ் அர்ஜுனாவும், நிர்மல் குமாரும்தான். அதனால் எச்சரிக்கையாக இருங்கள். ஆட்சியில் இல்லாவிட்டாலும் மக்களுக்காக குரல் கொடுத்த கட்சி பாமக. அந்த கட்சி வலுப்பெற சுயபரிசோதனை செய்ய வேண்டும். எனது இந்த கருத்தை பாமகவினர் தவறாக நினைக்க வேண்டாம். இடைத்தேர்தலில் பண பலம்,அதிகார பலத்தை வைத்து தவெக வெற்றி பெற்றுள்ளது. தவெக அரசு திட்டமிட்டு 4 மாதங்களாக மின் கொள்முதல் செய்யவில்லை. செயற்கையாக மின்வெட்டை ஏற்படுத்தி உள்ளனர். இந்தியாவில் எந்த மாநிலத்திலும் இல்லாத அளவிற்கு அதிக விலை கொடுத்து மின்சாரத்தை வாங்குகின்றனர். வெற்றி மெகா ஊழல் என்று சொல்லலாம். ஒரு யூனிட் மின்சாரத்தை ரூ.35க்கு கொள்முதல் செய்வது மிகவும் அதிர்ச்சி அளிப்பதாக உள்ளது. கடந்த கால ஆட்சியில் ஒரு யூனிட் மின்சாரத்தை ரூ.11 முதல் ரூ.20 வரை கொள்முதல் செய்தார்கள். இந்தியாவில் எந்த ஒரு மாநிலமும் ரூ.35க்கு ஒரு யூனிட் மின்சாரத்தை கொள்முதல் செய்யவில்லை.

20 ரூபாய்க்கு ஒரு யூனிட் மின்சாரம் கொள்முதல் செய்ததில் ஊழல் நடந்தது என்றுதான் வெள்ளை அறிக்கை வெளியிட்டு அதனை ரத்து செய்தனர். ஆனால், இப்போது 35 ரூபாய்க்கு வாங்குகிறார்கள். அப்படியென்றால் இவர்கள் 20 ரூபாய்க்கும் குறைவாகதானே வாங்கியிருக்க வேண்டும். இதையெல்லாம் பார்க்கும் போது மெகா ஊழல் நடந்திருக்குமோ என்ற சந்தேகம் எழுகிறது. கல்லா பெட்டி கூட்டணி என விமர்சித்துவிட்டு திமுக கூட்டணி ஆதரவுடன் தவெக ஆட்சியமைத்துள்ளது. செயற்கையாக மின் தட்டுப்பாட்டை ஏற்படுத்தி ஊழல் செய்கிறது தவெக அரசு” என்றார். 

10-ம் வகுப்பு படிக்கும் லட்சக்கணக்கான மாணவர்களுக்கு இன்று அக்டோபர் 14 முதல் பரபரப்பு ஆரம்பமாகியுள்ளது.

2027 பொதுத்தேர்வு எழுதவுள்ள மாணவர்களின் பெயர் பட்டியல் (Nominal Roll) தயாரிப்பு பணி இன்று முதல் அக்.31 வரை மட்டுமே நடக்கும் என அரசு தேர்வுகள் இயக்ககம் அதிரடி அறிவிப்பை வெளியிட்டுள்ளது. EMIS தளத்தில் தலைமை ஆசிரியர்கள் இன்றே லாகின் செய்ய வேண்டும். மாணவர்களின் பெயர், பிறந்த தேதி, புகைப்படம், பெற்றோர் பெயரில் ஒரு எழுத்து தவறினாலும் சான்றிதழ் வழங்கப்பட மாட்டாது. பணம் கட்டிய பிறகு திருத்தவே முடியாது என திட்டவட்டமாக கூறப்பட்டுள்ளது. அதனால் பெற்றோர் கையெழுத்து போட்ட உறுதிமொழி பத்திரம் கட்டாயம் என அரசு தேர்வுகள் இயக்குநர் சசிகலா உத்தரவிட்டுள்ளார். 

TML கட்டணம் ரூ.300 - பள்ளிகள் கட்டாயம் கட்ட வேண்டும். தேர்வு கட்டணம் ரூ.115 - மாணவர்கள் கட்டாவிட்டால் தேர்வு எழுத முடியாது! தமிழ் மீடியத்தில் படிக்கும் அனைத்து மாணவர்களுக்கும் தேர்வு கட்டணம் முழுவதுமாக இலவசம். SC/ST, MBC மாணவர்களுக்கும் FREE. ஆனால் மெட்ரிக் பள்ளி மாணவர்கள் மட்டும் ரூ.115 கட்டியே ஆக வேண்டும். கடைசி தேதி அக்.31! தவறவிட்டால் ஒரு வருடம் வீண் என அறிவிக்கப்பட்டுள்ளது. 

பருவமழை முன்னெச்சரிக்கை நடவடிக்கையாக மழை நீர் வடிகால் பணிகள் குறித்து முதல்வர் ஜோசப் விஜய்  ஆய்வு மேற்கொண்டார். 

சென்னை சோழிங்கநல்லூர் அருகே ஒக்கியம் துரைப்பாக்கத்தில் உள்ள ஒக்கியம் மடுவு பகுதியில் முதல்வர் ஜோசப் விஜய் ஆய்வு மேற்கொண்டார். ஒக்கியம் மடுவில் மணலை அகற்றி 8மீ அகலத்துக்கு நீர் சீராக செல்ல நடவடிக்கை எடுக்கப்பட்டிருந்த நிலையில் ஆய்வு மேற்கொண்டார். முன்னதாக புதிய சுற்றுக்குழாய் அமைக்கும் 3,108 கோடி ரூபாய் மதிப்பிலான திட்டத்திற்கு முதலமைச்சர் விஜய் அடிக்கல் நாட்டினார். 

இரண்டு இடைத்தேர்தலிலும் அதிமுக தோல்வியடைந்துள்ளது.இது ஒரு மோசமான தோல்வி என முன்னாள் அமைச்சர் சி.வி.சண்முகம் பேட்டியளித்துள்ளார்.

சென்னையில் செய்தியாளர்களிடம் பேசிய முன்னாள் அமைச்சர் சி.வி சண்முகம், “ அதிமுகவில் நான் அதிருப்தியில் இருப்பது எல்லோருக்கும் தெரிந்த விஷயம். இபிஎஸ் உடன் கருத்து வேறுபாடு இருப்பது தெரிந்த விஷயம்தானே! இதில் எதுவும் புதிய செய்தி இல்லை. இரண்டு இடைத்தேர்தலிலும் அதிமுக தோல்வியடைந்துள்ளது இடைத்தேர்தலில் அதிமுக மோசமான தோல்வி அடைந்துள்ளது. தோல்விக்கான காரணத்தை கலந்து ஆலோசித்து சீர்படுத்த நடவடிக்கை எடுக்க வேண்டும். பொதுக்குழுவை கூட்ட வேண்டும். அதிமுக தொண்டர்களுக்கு நம்பிக்கை கொடுக்க வேண்டும். தொண்டர்களுக்கு நம்பிக்கை கொடுத்தால் கட்சியை மீட்டு எடுக்கலாம். அதிமுக தலைமை அனைவரையும் அரவணைக்க வேண்டும். அனைவரையும் அரவணைத்தால் மீண்டும் எம்.ஜி.ஆர். அம்மா ஆட்சியை கொண்டுவர முடியும். எல்லோரையும் ஒருங்கிணைத்தால் அ.தி.மு.க மீண்டு வரும்,இந்த தேர்தலில் வாக்காளர்களுக்கு பணம் கொடுக்கவில்லை என்பது உண்மை தான் இது ஒரு நல்ல மாற்றம்” என்றார்.

தமிழ்நாட்டில் S.I.R விவகாரத்தில் ஜனநாயகப் படுகொலையின் முதல் குற்றவாளி திமுக தலைவர் மு.க.ஸ்டாலின், உரிய நேரத்தில் S.I.R பணிகளில் திமுக செய்த சதி வேலைகளை முழுமையாக ஆதாரங்களுடன் அம்பலப்படுத்துவோம் என அமைச்சர் ஆதவ் அர்ஜூனா கூரியுள்ளார்.

இதுதொடர்பாக ஆதவ் அர்ஜூனா தனது எக்ஸ் தளத்தில், “தமிழ்நாட்டின் எஸ்.ஐ.ஆர்: ஜனநாயகப் படுகொலையின் முதல் குற்றவாளி தி.மு.க தலைவர் மு.க.ஸ்டாலின்!   அம்பலமாகும் உண்மைகள்!                         

மாநில உரிமைகள் என்றால், டெல்லியில் பதுங்குவது... தமிழ்நாட்டில் பாய்வது... எதிர்கட்சியாக இருக்கும்போது ஒரு பேச்சு; ஆளும் கட்சியாக இருக்கும்போது மற்றொரு பேச்சு. 70 ஆண்டுகளாக தேர்தல் அரசியலில் இருக்கும் தி.மு.க-வின் அரசியல் 'டிராமா'க்கள், காலம் காலமாகத் தமிழகத்தில் இப்படித்தான் நடத்தப்பட்டுக் கொண்டிருக்கின்றன. எஸ்.ஐ.ஆர்.(Special Intensive Revision SIR) முறைகேடுகளை எதிர்த்து நாடே கொந்தளித்துக் கொண்டிருக்கும் இந்த நேரத்தில், கள்ள மௌனம் காத்துக் கொண்டிருக்கும் தி.மு.க, 'எஸ்.ஐ.ஆர் டிராமா'-வை புதிதாக அரங்கேற்றிக் கொண்டிருக்கிறது.  எஸ்.ஐ.ஆர் பணிகள் தமிழ்நாட்டில் நடைபெறும் என்று இந்தியத் தேர்தல் ஆணையம் அறிவித்தநாளில் இருந்து, தி.மு.க-வின் செயல்பாடுகளை கவனித்தவர்களால் தி.மு.க-வின் திருட்டு 'டிராமா'-வை எளிதாகவே புரிந்து கொள்ள முடியும். எஸ்.ஐ.ஆர்-ஐ ஆரம்பத்தில் ஒவ்வொரு கட்டத்திலும் எதிர்ப்பதுபோல் காட்டிய தி.மு.க, மெல்ல மெல்ல தேர்தல் ஆணையத்தோடும் ஒன்றியத்தில் ஆட்சி செய்யும் பாரதிய ஜனதா கட்சியோடும் ரகசிய தி.மு.க கூட்டணியை அமைத்துக் கொண்டது. அந்தக் கூட்டணி முழுமை பெற்றதையடுத்து, தமிழ்நாட்டில் எஸ்.ஐ.ஆர் பணிகள் முழுவதும் தி.மு.க-வின் கட்டுப்பாட்டிலேயே நடைபெற்றது.  எஸ்.ஐ.ஆர் என்பது இந்தியத் தேர்தல் ஆணையத்தால், ஒன்றிய பா.ஜ.க அரசில் நடைமுறைப்படுத்தப்பட்டாலும், தமிழ்நாட்டின் ஒவ்வொரு வீதியிலும்... ஒவ்வொரு தெருவிலும்... ஒவ்வொரு சந்துகளிலும் அதை முழுமையாக நடைமுறைப்படுத்தியது தி.மு.க.தான். இதை யாராலும் மறுக்க முடியுமா? தி.மு.க தலைவர் திரு.மு.க.ஸ்டாலின் அவர்களால் மறுக்க முடியுமா?

2025 அக்டோபர் 27-ஆம் தேதி முதல் 2026 பிப்ரவரி 23-ஆம் தேதி வரை எஸ்.ஐ.ஆர் பணி நடந்த காலம் முழுவதும், தமிழ்நாட்டின் முதலமைச்சராக இருந்தவர் தி.மு.க தலைவர் திரு. மு.க. ஸ்டாலின் அவர்கள்தான். ஒவ்வொரு வாக்குச்சாவடியின் 'ஓட்டு ஜாபிதா'வும் தி.மு.க-வின் கிளைச் செயலாளர், ஒன்றியச் செயலாளர்களிடம்தான் இருந்தன. களத்தில் பணியாற்றிய அரசு அதிகாரிகள்(BLO) அனைவரும் மாநில அரசின் ஊழியர்களாக இருந்தாலும், வாக்காளர் பட்டியல் போய்ச் சேர்ந்தது திமுக ஒன்றியச் செயலாளர்கள் மற்றும் கிளைச் செயலாளர்களின் கைகளுக்குத்தான்! எந்த அதிகாரி... எந்த வாக்குச்சாவடிக்கு நியமிக்கப்பட வேண்டும் என்பதைத்கூட தி.மு.க மாவட்டச் செயலாளர்களும், அந்தந்த மாவட்டங்களில் அன்றைக்கு அமைச்சர்களாக இருந்தவர்களுமே முடிவு செய்தனர். அதோடு, 70 ஆண்டுகள் தேர்தல் அனுபவமும் கள்ள ஓட்டுக்கள் போடுவதில் கின்னஸ் சாதனையை மிஞ்சிய சாதனையைப் படைத்துள்ள தி.மு-க இதற்காக, 7 லட்சம் பேரை களத்தில் இறக்கியது. அவர்கள் அத்தனை பேரும் தி.மு.க நிர்வாகிகள், தி.மு.க ஆதரவாளர்கள். இவர்களில், 75 ஆயிரத்து 32 BLA2-க்கள், 5 லட்சத்து 50,000 வாக்குச்சாவடிக் குழு உறுப்பினர்கள் (BLC), 75 ஆயிரத்துக்கும் மேற்பட்ட வாக்குச்சாவடி டிஜிட்டல் முகவர்கள் (BDA) என்று வேலைகளைப் பிரித்துக் கொடுத்து, ஒரு ஜனநாயகப் படுகொலைக்கு கூலியாட்களாக அவர்களை நியமித்து, தங்கள் ஊழல் பணத்தில் கோடிக்கணக்கில் செலவும் செய்தது. அந்தக் கூலியாட்கள்தான் முழுமையாக எஸ்.ஐ.ஆர் பணிகளை மேற்கொண்டனர். "உங்கள் வாக்குகள் பறிபோகாது. தி.மு.க முகவர்கள் உங்கள் வீடுகளுக்கே வந்து உங்கள் விபரங்களைப் பெற்றுக் கொள்வார்கள்" என்று தி.மு.க தலைவரும் அன்றைக்கு முதலமைச்சராக இருந்த திரு.மு.க.ஸ்டாலின் அவர்களும் இதைப் பெருமையாகப் பேசினார். அன்றைக்கு எதிர்கட்சித் தலைவராக இருந்த அ.இ.அ.தி.மு.க பொதுச் செயலாளர் திரு.எடப்பாடி பழனிசாமி அவர்களே, "எஸ்.ஐ.ஆர் வேலைகளை தேர்தல் ஆணையத்திற்காக தி.மு.க தான் செய்கிறது. தி.மு.க கட்டுப்பாட்டில்தான் எஸ்.ஐ.ஆர் வேலைகள் நடக்கின்றன" என்று குற்றம்சாட்டினார். 

தமிழ்நாட்டின் எஸ்.ஐ.ஆர்: ஜனநாயகப் படுகொலையின்
முதல் குற்றவாளி தி.மு.க தலைவர் மு.க.ஸ்டாலின்!
அம்பலமாகும் உண்மைகள்!

மாநில உரிமைகள் என்றால், டெல்லியில் பதுங்குவது... தமிழ்நாட்டில் பாய்வது... எதிர்கட்சியாக இருக்கும்போது ஒரு பேச்சு; ஆளும் கட்சியாக… pic.twitter.com/TbJhbWo4xZ

— Aadhav Arjuna (@AadhavArjuna) October 14, 2026

ஆனால், எஸ்.ஐ.ஆர் என்ற அறிவிப்பு தமிழ்நாட்டிற்கு கூட அல்ல... பீகார் மாநிலத்தில் நடந்தபோதே, தமிழக வெற்றி கழகம் அதைக் கடுமையாக எதிர்த்தது. தொடர்ந்து எஸ்.ஐ.ஆர் நடைமுறைகள் வந்தபோதும், அதில் குளறுபடிகள் வந்தபோதும், முதற்கட்டமாக 97 லட்சத்திற்கும் அதிகமாக வாக்காளர்கள் நீக்கப்பட்டபோதும்... தமிழக வெற்றிக் கழகம் கடுமையாக எதிர்த்தது. அறிக்கைகள் விட்டு எதிர்ப்புத் தெரிவித்தது மட்டுமல்ல.. உச்ச நீதிமன்ற மூத்த வழக்கறிஞர்களை அமர்த்தி எஸ்.ஐ.ஆரை ரத்து செய்ய வேண்டும் என்று வழக்கு நடத்தியது தமிழக வெற்றிக் கழகம். ஆனால், எஸ்.ஐ.ஆர் வந்தபோதும், அதன் நடைமுறைகள் தொடங்கியபோதும் எதிர்த்த தி.மு.க, எஸ்.ஐ.ஆர்-ல் முதற்கட்டமாக 97 லட்சத்திற்கும் அதிகமான வாக்காளர்கள்... ஏறத்தாழ ஒருகோடி பேர் நீக்கப்பட்ட நேரத்தில் ஒரு அறிக்கைகூட வெளியிட்டு எதிர்ப்புத் தெரிவிக்கவில்லை. அதன்பிறகு, இரண்டாவது கட்ட நடைமுறையில், சுமார் 27 லட்சம் வாக்காளர்கள் மட்டும் மீண்டும் சேர்க்கப்பட்டனர். இறுதியாக, 74 லட்சம் வாக்காளர்கள் தமிழ்நாட்டின் வாக்காளர் பட்டியலில் இருந்து நீக்கப்பட்டனர். 6.4 கோடியாக இருந்த தமிழ்நாட்டு வாக்காளர்களின் எண்ணிக்கை 5.7 கோடியாகச் சுருங்கியது. இதில், தமிழக மக்களின் புதிய நம்பிக்கையாக தோன்றியிருந்த தமிழக வெற்றிக் கழகத்திற்கு அதிக எண்ணிக்கையில் வாக்களிப்பார்கள் என்று கருதப்பட்ட, 30 வயதுக்குட்பட்ட இளைஞர்கள் - பெண்கள் குறிவைத்து நீக்கப்பட்டிருந்தனர். மாற்றத்தை விரும்பிய தமிழ்நாட்டின் புதிய தலைமுறையினரின் உரிமை பறிக்கப்பட்டிருந்தது. ஜனநாயகத்தின் வலிமையை அழித்தொழிக்கும் இந்த வேலையை தி.மு.க-வே தலைமையேற்று நடத்தியது. அந்த மமதையில்தான், 21.2.2026 அன்று மதுரையில் நடைபெற்ற திமுக தென் மண்டல வாக்குச்சாவடிக் குழு உறுப்பினர்களுக்கான ‘என் வாக்குச்சாவடி – வெற்றி வாக்குச்சாவடி’ பயிற்சி மாநாட்டில் பேசிய திமுக தலைவர் திரு.மு.க. ஸ்டாலின் அவர்கள், “சிறப்பு வாக்காளர் திருத்தப் பணிகள் (S.I.R.) மூலம் பல்வேறு மாநிலங்களில் வாக்காளர்கள் நீக்கப்பட்டனர். ஆனால், தமிழ்நாட்டில் யாருடைய வாக்குகளையும் நீக்க விடாமல், பம்பரமாக உழைத்த இயக்கம் திமுக. வரும் சட்டமன்றத் தேர்தலில் திமுகவின் வெற்றியை உறுதி செய்யப் போவது எஸ்.ஐ.ஆர் பணிகளை மேற்கொண்ட தி.மு.க-வின் BLA, BLC, BDA என பணியாற்றிய 7 லட்சம் பேர்தான்” என்று பேசினார். அதோடு நிற்கவில்லை, தேர்தல் ஆணையம் மற்றும் அரசு இயந்திரத்தில் இருந்து வாக்காளர் குறித்த தரவுகளைத் திருடிக் கொண்ட, தி.மு.க-வின் 'பென்' நிறுவனம், தேர்தல் நாளான்று வாக்களித்தவர்களை 'டிராக்' செய்யும் புதிய செயலி(App) ஒன்றையும் உருவாக்கியது. 

"தங்கள் ஆதரவு வாக்குகளை எல்லாம் காப்பாற்றிக் கொண்டு, தமிழக வெற்றிக் கழகத்திற்கு ஆதரவான வாக்குகளை எல்லாம் எஸ்.ஐ.ஆர் மூலம் நீக்கிவிட்டோம்; இனி நம் வெற்றியை யாரும் தடுக்க முடியாது" என்ற அகங்காரத்தில் இருந்தது தி.மு.க! அது உண்மையும்கூட. அப்படி நடந்ததால்தான் தமிழ்நாடு முழுவதும் இளைஞர்கள், பெண்கள், வயதானவர்கள், அரசு ஊழியர்கள், ஆசிரியர்கள், விவசாயிகள், மீனவர்கள், தொழிலாளர்கள் என அனைத்துத் தரப்பினரும் தமிழக வெற்றிக் கழகத்தை ஆதரித்து ஒரு மகத்தான வாக்குப் புரட்சிக்கு தயாராக இருந்தபோதும்,  108 தொகுதிகளில் மட்டுமே தமிழக வெற்றிக் கழகம் வெற்றி பெற்றது. எஸ்.ஐ.ஆர் இல்லாமல் இருந்திருந்தால் தமிழக வெற்றிக் கழகம் 160 தொகுதிகளிலும் வெற்றி பெற்றிருக்கும். தி.மு.க சட்டமன்றத்தில் பிரதான எதிர்கட்சி என்ற இடத்தைக்கூட பெற்றிருக்காது. இப்படி, இந்தியாவின் தனித்துவமான ஜனநாயகத்தைப் படுகொலை செய்த பழியில் பங்கேற்றுவிட்டு, இன்றைக்கு முதலைக் கண்ணீர் வடித்துக் கொண்டிருக்கிறார் தி.மு.க தலைவர் திரு.மு.க.ஸ்டாலின் அவர்கள். அவர் நடத்திக் கொண்டிருக்கும் 'டிராமா'-வையும் தி.மு.க-வையும் இனி தமிழ்நாட்டு மக்கள் மன்னிக்கமாட்டார்கள்; ஜனநாயக சக்திகளும் ஆதரிக்காது. இனிவரும் எந்தத் தேர்தலிலும் தி.மு.க வெல்லாது. ஜனநாயகத்தைப் படுகொலை செய்யும் பழியில் பங்கெடுத்த தி.மு.க-வை மொத்தமாக தமிழ்நாட்டு மக்கள் ஜனநாயகத் தேர்தல் களத்தில் இருந்து அப்புறப்படுத்தினார்கள்; இனியும் அப்புறப்படுத்துவார்கள். அதற்கு உதாரணம்தான், 6 மாதங்களுக்கு முன்பு 200 தொகுதிகளில் வெற்றி பெறுவோம் என்று அகங்காரத்துடன் பேசிக் கொண்டிருந்த தி.மு.க தலைவர் திரு.மு.க.ஸ்டாலின் அவர்களை, அண்மையில் மதுராந்தகம், தாராபுரம் சட்டமன்றத் தொகுதி இடைத்தேர்தலில் இரண்டாம் இடம் பெற்றதையே பெருமையாகப் பேசி விளம்பரம் செய்யும் அவல நிலைக்கு தமிழ்நாட்டு மக்கள் தள்ளினர். இது ஜனநாயகப் படுகொலையை நிகழ்த்திய தி.மு.க-விற்கும், அதன் தலைவர் திரு.மு.க.ஸ்டாலின் அவர்களுக்கும் மக்கள் அளித்த ஜனநாயகத் தீர்ப்பு! உரிய நேரத்தில், எஸ்.ஐ.ஆர் பணிகளில் தி.மு.க செய்த சதிவேலைகளை முழுமையாக ஆதரங்களுடன் அம்பலப்படுத்துவோம். தமிழக வெற்றிக் கழகம் என்றும் ஜனநாயகத்திற்கு எதிராக, விதிமுறைகளுக்கு மாறாக நடைபெறும் எஸ்.ஐ.ஆர் - ஐ எதிர்க்கும். முழுமையாக தமிழ்நாட்டு வாக்காளர்களின் ஜனநாயக உரிமையைக் காக்கும்!” எனக் குறிப்பிட்டுள்ளார்.

10, 11 மற்றும் 12ம் வகுப்பு மாணவர்களுக்கான பொதுத்தேர்வு அட்டவணை வெளியிடப்பட்டுள்ளது.

10ஆம் வகுப்பு பொதுத்தேர்வு

10,12-ஆம் வகுப்பு மாணவர்களுக்கான பொதுத் தேர்வு அட்டவணையை இன்று தமிழக பள்ளிக்கல்வித் துறை அமைச்சர் ராஜ்மோகன் வெளியிட்டார். அதன்படி,  இதில் 2026–2027-ஆம் ஆண்டுக்கான 12-ஆம் வகுப்புப் பொதுத்தேர்வு 3.3. 2027 தொடங்கி 29.03.2027 ஆம் தேதியுடன் நிறைவடைகிறது. செய்முறைத் தேர்வு 8.2. 2027 அன்று தொடங்கி 18.02.2027 வரை நடைபெற உள்ளது. இதைத் தொடர்ந்து 11 மற்றும் 12-ஆம் வகுப்பு மாணவர்களுக்கு 07.05.2027 அன்றும், பத்தாம் வகுப்புப் பொதுத் தேர்வு முடிவுகள் 20.05.2027 அன்றும் வெளியிடத் திட்டமிடப்பட்டுள்ளது என்று தெரிவித்துள்ளார். 10ஆம் வகுப்பு பொதுத்தேர்வு முடிவுகள் 20-05-2027 அன்றும், 12ஆம் வகுப்பு பொதுத்தேர்வு முடிவுகள் 07-05-2027 அன்றும் வெளியாகும் என அறிவிக்கப்பட்டுள்ளது.

12ஆம் வகுப்பு பொதுத்தேர்வு

ஒரு யூனிட் மின்சாரம் 35 ரூபாய் என்ற உடன் "ஷாக் அடித்தது" போல் ஆகிவிட்டது என சிபிஎம் மாநிலச் செயலாளர் சண்முகம் கூறியுள்ளார்.

இதுதொடர்பாக சண்முகம் வெளியிட்டுள்ள அறிக்கையில், “தமிழ்நாடு மின்சார வாரியம் பற்றாக்குறையை சமாளிக்க ஒரு யூனிட் மின்சாரம் சராசரியாக ரூபாய் 35 என்ற விகிதத்தில் கொள்முதல் செய்யவிருப்பதாக வரும் செய்திகள் அதிர்ச்சியளிக்கிறது. இந்தியாவில் இவ்வளவு அதிக விலைக்கு எந்த மாநிலமும், எந்த காலத்திலும் கொள்முதல் செய்ததில்லை. தற்போது பற்றாக்குறை நிலவுகிறது என்பது உண்மை. ஆனால், பல வாரங்களாகவே மின்வெட்டு இருப்பதை பொதுமக்கள், அரசியல் கட்சிகள், பல இயக்கங்கள் அரசின் கவனத்திற்கு கொண்டு வந்தபோதும் தமிழ்நாடு அரசும், மின்சார வாரியமும் இவற்றையெல்லாம் மறுத்தே வந்திருக்கிறது. மின் பற்றாக்குறையை முன்கூட்டியே கணக்கிட்டு உரிய காலத்தில் தேவையான நடவடிக்கை எடுத்திருக்க வேண்டும். ஆனால், மின்வெட்டை காரணம் காட்டி கொள்ளை விலைக்கு கொள்முதல் செய்வது முற்றிலும் நியாயமற்ற அணுகுமுறையாகும். இந்தியாவில் பல்வேறு வகைகளில் உற்பத்தி செய்யப்படும் மின்சாரத்தின் விலை ரூபாய் 2.45 லிருந்து 5.30 வரையே இருக்கிறது. தவிர்க்க முடியாத நிலையில் டீசல் மூலம் உற்பத்தி செய்தால் மட்டுமே அதிகமான விலை கொடுக்க வேண்டியிருக்கும். அவை கூட விற்பனைக்கு வருவதில்லை. மாறாக, தனியார் நிறுவனங்கள் தங்கள் தேவைக்காக அதைப் பயன்படுத்துகின்றனர்.

இந்த நிலையில், 35 ரூபாய்க்கு கொள்முதல் என்பது நம்ப முடியாததாகவும், அதிர்ச்சியளிப்பதாகவும், தமிழ்நாட்டில் நிலவும் மின் பற்றாக்குறையை பயன்படுத்திக் கொண்டு தனியார் நிறுவனங்களுக்கு அரசுப் பணத்தை தாராளமாக அள்ளிக் கொடுப்பதுமாகும். ஏற்கனவே, மின்வெட்டு, மின் கட்டண உயர்வு என்று கடும் பாதிப்புக்குள்ளாகியிருக்கும் தமிழக மக்கள் மீது மீண்டும் ஒரு சுமையை ஏற்றுவதற்கு வழிவகுப்பதாகும். எனவே, தமிழ்நாடு அரசாங்கமும், மின்வாரியமும் அநியாய விலைக்கு கொள்முதல் செய்யப் போட்டுள்ள இந்த ஒப்பந்தத்தை ரத்து செய்துவிட்டு நியாயமான விலையில் கொள்முதல் செய்ய முன்வர வேண்டுமென மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழ்நாடு அரசை வலியுறுத்துகிறது. மேலும், தமிழ்நாடு மின் உற்பத்தியில் தன்னிறைவு அடையும் வகையில் தொலைநோக்கு திட்டம் உருவாக்கப்பட தமிழ்நாடு அரசு முன்வர வேண்டுமென மார்க்சிஸ்ட் கம்யூனிஸ்ட் கட்சி தமிழ்நாடு அரசை வலியுறுத்துகிறது” எனக் குறிப்பிட்டுள்ளார்.

வடக்கிழக்கு பருவமழை நாளை தொடங்குவதாக இந்திய வானிலை ஆய்வு மையம் அறிவித்துள்ளது.

நாளை அக்டோபர் 15 முதல் தென்னிந்திய தீபகற்பப் பகுதிகளில் வடகிழக்கு பருவமழை தொடங்க சாதகமான சூழல் நிலவுகிறது. இதனால் சென்னை, செங்கல்பட்டு, காஞ்சிபுரம், திருவள்ளூர் உள்ளிட்ட கடலோர மாவட்டங்களில் மழை தீவிரமடைய வாய்ப்புள்ளதாக வானிலை ஆய்வு மையம் கூறியுள்ளது. வங்கக்கடலில் நிலவும் வளிமண்டல மேலடுக்கு சுழற்சியால் வடகிழக்கு பருவமழை தொடங்க சாதகமான சூழல் நிலவுவதாகவும், மழை தீவிரமடையக்கூடும் என்பதால் பொதுமக்கள், மீனவர்கள் முன்னெச்சரிக்கையுடன் இருக்கவும் இந்திய வானிலை ஆய்வு மையம் அறிவுறுத்தியுள்ளது.

காவிரி டெல்டா மாவட்டங்களான கடலூர், மயிலாடுதுறை, காரைக்கால், நாகப்பட்டினம், திருவாரூர், தஞ்சாவூர், புதுக்கோட்டை, இராமநாதபுரம், தூத்துக்குடி, திருநெல்வேலி மாவட்டங்களில் இன்றும், நாளையும் விட்டு விட்டு மழை எதிர்ப்பார்க்கலாம். சென்னை மற்றும் புறநகர் மாவட்டங்களில் நள்ளிரவு/அதிகாலையில் மழை பெய்யக்கூடும். அக். 20 வரை மழை நிடிக்கும் என்றும் எச்சரிக்கை விடுக்கப்பட்டுள்ளது.

ஒரு நடிகர் தானே என நினைத்தார்கள். ஆனால் இன்று அதே நடிகர் விஜய், தமிழக அரசியல் கணக்கையே மாற்றி எழுதி இருக்கிறார்.

234 தொகுதிகள் கொண்ட தமிழக சட்டசபையில் ஆட்சியை பிடிக்க 118 இடங்கள் தேவை என்ற நிலையில், தவெகவுக்கு ஆரம்பத்தில் 107 இடங்கள் தான் இருந்தன. தனிப்பெரும்பான்மை இல்லை என்றாலும், ஆட்சியமைக்கும் வாய்ப்பை விஜய் விடவில்லை. கூட்டணி கட்சிகளின் ஆதரவோடு ஆட்சியை பிடித்தார்.

தமிழக சட்டசபை மொத்தம் - 234 தொகுதிகள்
தற்போது காலியாக உள்ளவை - 5 தொகுதிகள்
செயல்பாட்டில் உள்ள இடங்கள் - 229
பெரும்பான்மைக்கு தேவை - 115

இந்த சூழலில் மதுராந்தகம், தாராபுரம் இடைத்தேர்தல்களில் தவெக வெற்றி பெற்றதாக கூறப்படுகிறது. இதன் மூலம் தவெக பலம் 107-ல் இருந்து 109 ஆக உயர்ந்துள்ளது. தனிப்பெரும்பான்மை இல்லாத நிலையில் கூட்டணி ஆதரவு கணக்கு தான் விஜய்க்கு கைகொடுத்துள்ளது. தவெக - 109, காங்கிரஸ் - 5, விசிக - 2, ஐயூஎம்எல் - 2 ஆக மொத்தம் = 118 இடங்கள்! பெரும்பான்மைக்கு தேவை 115 என்ற நிலையில், இடதுசாரிகள் விலகினாலும் இந்த ஆட்சிக்கு ஆதரவு பலம் கிடைத்துள்ளது. இடைத்தேர்தல் நடைபெறவுள்ள 5 தொகுதிகளில் வெற்றி பெற்றால் தவெகவின் பலம் 114ஆக உயரும். அடாவது திருச்சி கிழக்கு, கரூர், விராலிமலை, பெருந்துறை, அம்பாசமுத்திரம் ஆகிய 5 தொகுதிகளிலும் தவெக வெற்றி பெற்றால், அதன் பலம் 114 ஆக உயரும். அத்துடன் காங்கிரஸின் 5 இடங்களும் ஆதரவாக இருந்தால் மொத்தம் 119  என்ற எண்ணிக்கையை எட்டலாம் என கணிக்கப்பட்டுள்ளது. 70 ஆண்டு பாரம்பரியம் கொண்ட திமுக, 50 ஆண்டு வரலாறு கொண்ட அதிமுக, டெல்லி பாஜகவின் கணக்குகளுக்கு நடுவில் விஜய்யின் அரசியல் நகர்வு ஆச்சர்யத்தை ஏற்படுத்தியுள்ளது என்றே சொல்ல வேண்டும்.

தமிழகத்தில் பொங்கல் பண்டிகையை முன்னிட்டு குடும்ப அட்டைதாரர்களுக்கு ஒவ்வோர் ஆண்டும் இலவச வேட்டி - சேலை தமிழக அரசால் வழங்கப்பட்டு வருகிறது. புதிதாக ஆட்சிக்கு வந்துள்ள தவெக அரசும் இந்தத் திட்டத்தை தொடரவுள்ளதாக தற்போது அறிவித்துள்ளது. அதன்படி 2027 பொங்கல் பண்டிகைக்கு ரேஷன் அட்டைதாரர்களுக்கு புதிய தரத்தில் இலவச வேட்டி, சேலைகள் வழங்கப்படவுள்ளன.

இது குறித்து  பேசிய அமைச்சர் விஜய் பாலாஜி, வரும் பொங்கலுக்கு வழங்கப்படவுள்ள வேட்டி, சேலைகள் எவ்வித ஊழலுக்கும் இடமின்றி தரமானதாக வழங்கப்படும்.

மேலும், கைத்தறி நெசவாளர்களின் கோரிக்கையை ஏற்று அவர்களின் கூலி உயர்வு குறித்து மாநில அரசு பரிசீலித்து வருவதாகவும் கூறியுள்ளார். 2027 பொங்கலுக்கு வழங்கப்படும் என அமைச்சர் மகிழ்ச்சி செய்தி தெரிவித்துள்ளார்.

தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டுள்ளதாவது:

சென்னை சென்டிரலில் இருந்து அக்டோபர் 16-ந் தேதி இரவு 11.55 மணிக்கு புறப்படும் சிறப்பு ரெயில் (வண்டி எண் 06023) மறுநாள் காலை 9.15 மணிக்கு போத்தனூரை சென்றடைகிறது. மறுமார்க்கத்தில், போத்தனூரில் இருந்து அக்டோபர் 17-ந் தேதி பகல் 2 மணிக்கு புறப்படும் சிறப்பு ரெயில் (06024) அன்று இரவு 11.55 மணிக்கு சென்னை சென்டிரலை வந்தடைகிறது.

இதேபோல், சென்னை சென்டிரலில் இருந்து அக்டோபர் 18-ந் தேதி இரவு 11.55 மணிக்கு புறப்படும் சிறப்பு ரெயில் (06033) மறுநாள் காலை 9.15 மணிக்கு போத்தனூரை சென்றடைகிறது. மறுமார்க்கத்தில், போத்தனூரில் இருந்து அக்டோபர் 20-ந் தேதி மாலை 6.15 மணிக்கு புறப்படும் சிறப்பு ரெயில் (06034) மறுநாள் காலை 3.35 மணிக்கு சென்னை சென்டிரலை வந்தடைகிறது.

18 பெட்டிகளை கொண்ட இந்த சிறப்பு ரெயில், பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர் ஆகிய ரெயில் நிலையங்களில் நின்று செல்லும்.

தாம்பரத்தில் இருந்து அக்டோபர் 19-ந் தேதி இரவு 11.55 மணிக்கு புறப்படும் சிறப்பு ரெயில் (06089) மறுநாள் மதியம் 12.15 மணிக்கு செங்கோட்டையை சென்றடைகிறது. மறுமார்க்கத்தில் செங்கோட்டையில் இருந்து அக்டோபர் 20-ந் தேதி மதியம் 3 மணிக்கு புறப்படும் சிறப்பு ரெயில் (06090) மறுநாள் காலை 3.20 மணிக்கு தாம்பரத்தை வந்தடைகிறது.

21 பெட்டிகளை கொண்ட இந்த சிறப்பு ரெயில் செங்கல்பட்டு, விழுப்புரம், விருத்தாசலம், அரியலூர், ஸ்ரீரங்கம், திருச்சி, திண்டுக்கல், மதுரை, விருதுநகர், சிவகாசி, ஸ்ரீவில்லிபுத்தூர், ராஜபாளையம், சங்கரன்கோவில், கடையநல்லூர், தென்காசி ஆகிய ரெயில் நிலையங்களில் நின்று செல்லும்.

இதேபோல், ஈரோட்டில் இருந்து அக்டோபர் 16-ந் தேதி மாலை 4 மணிக்கு புறப்படும் சிறப்பு ரெயில் (06145) மறுநாள் மதியம் 12.30 மணிக்கு திருநெல்வேலியை வந்தடைகிறது. மறுமார்க்கத்தில், திருநெல்வேலியில் இருந்து அக்டோபர் 20-ந் தேதி இரவு 11.40 மணிக்கு புறப்படும் சிறப்பு ரெயில் (06146) மறுநாள் காலை 10.30 மணிக்கு தாம்பரத்தை வந்தடைகிறது.

இதேபோல், சென்னை சென்டிரலில் இருந்து அக்டோபர் 19-ந் தேதி இரவு 11.50 மணிக்கு புறப்படும் சிறப்பு ரெயில் (06083) மறுநாள் மாலை 4.30 மணிக்கு கொல்லத்தை சென்றடைகிறது. மறுமார்க்கத்தில், கொல்லத்தில் இருந்து அக்டோபர் 20-ந் தேதி மாலை 6.45 மணிக்கு புறப்படும் சிறப்பு ரெயில் (06084) மறுநாள் காலை 11.35 மணிக்கு சென்னை சென்டிரலை வந்தடைகிறது.

இந்த சிறப்பு ரெயில்களுக்கான முன்பதிவு நாளை (அக்டோபர் 15) காலை 8 மணிக்கு தொடங்குகிறது.

இவ்வாறு அதில் கூறப்பட்டுள்ளது.

கட்டாய கல்வி உரிமை சட்டத்தை அமல்படுத்துவதற்கு முன் பணியில் சேர்ந்த ஆசிரியர்களும், 'டெட்' தேர்வு எழுதுவது கட்டாயம் என, சுப்ரீம் கோர்ட்டு உத்தரவிட்டுள்ளது. இதை எதிர்த்து, தமிழக அரசு சார்பில் தொடரப்பட்ட வழக்குகள் நிலுவையில் உள்ளன.

இதனிடையே ஆசிரியர்களின் நலனுக்காக, தமிழக அரசின் சார்பில், ஆண்டுக்கு மூன்று சிறப்பு 'டெட்' தேர்வுகள் நடத்தப்படும் என அறிவிக்கப்பட்டது. அதன்படி, அரசு பள்ளிகளில் பணியாற்றும் பட்டதாரி ஆசிரியர்களுக்கும், நடுநிலைப் பள்ளி தலைமை ஆசிரியர்களுக்கும், கடந்த ஜூலை மாதம் சிறப்பு தகுதித் தேர்வை ஆசிரியர் தேர்வு வாரியம் நடத்தியது.

இடைநிலை பட்டதாரி ஆசிரியர்களுக்கான முதல் தாள் தேர்வை 58,902 பேர் எழுதினர். பட்டதாரி ஆசிரியர்களுக்கான இரண்டாம் தாள் தேர்வை 1,58,617 பேர் எழுதினர். 150 மதிப்பெண்களுக்கு தேர்வு நடைபெற்ற நிலையில் தகுதி மதிப்பெண்ணாக, பொதுப் பிரிவினருக்கு 90, பிற்படுத்தப்பட்ட, மிகவும் பிற்படுத்தப்பட்ட பிரிவினருக்கு 75, எஸ்.சி., எஸ்.டி.. பிரிவினருக்கு 60 மதிப்பெண் நிர்ணயம் செய்யப்பட்டது.

இந்நிலையில், பணிபுரியும் ஆசிரியர்களுக்கான சிறப்பு டெட் தேர்வு முடிவுகள் நேற்று முன்தினம் நள்ளிரவு வெளியிடப்பட்டது. இதில், டெட் முதல் தாள் தேர்வில் 47,594 பேர், இரண்டாம் தாள் தேர்வில், 60,732 பேர் தேர்ச்சி பெற்றுள்ளனர்.

முதல் மற்றும் இரண்டாம் தாள் என, மொத்தமாக தேர்வு எழுதிய 2,17,519 ஆசிரியர்களில், 1,08,326 பேர் மட்டுமே தேர்ச்சி பெற்றுள்ளனர். சுமார் 1.10 லட்சம் பேர் தேர்வில் தோல்வி அடைந்துள்ளனர்.

சிறப்பு டெட் தேர்வில் தேர்ச்சி பெற்ற ஆசிரியர்கள், அடுத்த 5 நாட்களில், தங்களின் தகுதி சான்றிதழ்களை https://trb.tn.gov.in என்ற ஆசிரியர் தேர்வு வாரிய இணையதளத்தில் பதிவிறக்கம் செய்யலாம்.

தீபாவளி பண்டிகையை முன்னிட்டு, புதுச்சேரி அரசு 3 லட்சம் ரேஷன் அட்டைதாரர்களுக்கு இலவசமாக 5 வகையான மளிகை பொருட்கள் அடங்கிய சிறப்பு தொகுப்பை வழங்க உள்ளது. 

தீபாவளி சிறப்புத் தொகுப்பில் 2 லிட்டர் சமையல் எண்ணெய், 2 கிலோ சர்க்கரை, 1 கிலோ கடலைப் பருப்பு, அரை கிலோ ரவை, அரை கிலோ மைதா என 5 வகையான பொருட்கள் வழங்கப்படும். இந்தப் பொருட்கள் அனைத்தும் தீபாவளி பண்டிகைக்கு முன்பாகவே ரேஷன் கடைகள் மூலம் பயனாளிகளுக்கு வழங்கப்படும்.

மேலும், புதுச்சேரியில் ரேஷன் கடைகள் மூலம் இலவச அரிசி வழங்கும் பணி தற்போது நிறுத்தப்பட்டுள்ள நிலையில், இன்னும் ஒரு மாதத்திற்குள் மீண்டும் இலவச அரிசி வழங்க நடவடிக்கை எடுக்கப்பட்டு வருகிறது என்று குடிமைப் பொருள் வழங்கல் துறை அமைச்சர் சிவக்கொழுந்து அறிவித்துள்ளார்.

ஜெர்மனியின் ஃபிராங்க்ஃபர்ட் நகரில் இருந்து டெல்லி வந்து கொண்டிருந்த ஏர் இந்தியா விமானத்திற்கு அச்சுறுத்தல் என அதிர்ச்சிக்குள்ளான தகவல் வெளியாகியுள்ளது.விமானத்தைக் கடத்துவதற்கான அச்சுறுத்தல் குறித்த 7500 என்ற சிக்னல் அனுப்பப்பட்டதாகக் கூறப்படுகிறது..

ஏர் இந்தியா விமானத்திற்கு விமானக் கடத்தல் எச்சரிக்கை விடுக்கப்பட்டதைத் தொடர்ந்து, அவ்விமானம் புதன்கிழமை காலை ஜெய்பூர் சர்வதேச விமான நிலையத்தில் அவசரமாகத் தரையிறக்கப்பட்டது. விமானத்தில் இருந்த 306 பயணிகளும் பாதுகாப்பாக உள்ளதாக அதிகாரிகள் உறுதிப்படுத்தியுள்ளனர்.

ஜெர்மனியின் ஃபிராங்க்ஃபர்ட் நகரிலிருந்து 300 பயணிகளுடன் இன்று (அக்.14) புதுடெல்லி நோக்கி வந்துகொண்டிருந்த ஏர் இந்தியா விமானத்திற்கு நடுவானில் திடீரென பாதுகாப்பு அச்சுறுத்தல் விடுக்கப்பட்டது. விமானத்தை கடத்துவதற்கான அபாயத்தை குறிக்கும் '7500' என்ற சிக்னல் அகமதாபாத் விமான போக்குவரத்து கட்டுப்பாட்டு மையத்திற்கு அனுப்பப்பட்டதை அடுத்து, விமானம் ஜெய்ப்பூரில் அவசரமாக தரையிறக்கப்பட்டது. இதையடுத்து, பாதுகாப்பு படையினரால் தீவீர சோதனை மேற்கொள்ளப்பட்டு வருகிறது.
 

பிளஸ் 2க்கு செய்முறைத் தேர்வு பிப்ரவரி 8ம் தேதி துவங்கி பிப்ரவரி 18 வரை நடக்கும். எழுத்துத் தேர்வு மார்ச் 3ம் தேதி முதல் ஏப்.,1ம் தேதி வரை நடக்கிறது. 10ம் வகுப்பு செய்முறை பிப்ரவரி 19ம் தேதி முதல் பிப்ரவரி 26 வரை நடக்கிறது. தமிழ், ஆங்கிலம் போன்ற பாடங்களுக்கான தேர்வு மார்ச் 17ம் தேதி முதல் ஏப்ரல் 12ம் தேதி வரை நடக்கும். தேர்வு முடிவுகள் உத்தேசமாக மே 7ம் தேதி பிளஸ்2 க்கும், 20ம் தேதி 10ம் வகுப்பிற்கும் வெளியாகும். 

10ஆம் வகுப்பு பொதுத் தேர்வு

• தமிழ்: 17-03-2027
• ஆங்கிலம்: 25-03-2027
• கணிதம்: 31-03-2027
• அறிவியல்: 05-04-2027
• சமூக அறிவியல்: 09-04-2027

10-04-2027 முதல் 10ஆம் வகுப்பு மாணவர்களுக்கு கோடை விடுமுறை

12ஆம் வகுப்பு பொதுத் தேர்வு

தமிழ்: 03-03-2027
ஆங்கிலம்: 08-03-2027
வேதியியல்: 12-03-2027
உயிரியல்: 19-03-2027
இயற்பியல்: 23-03-2027
கணிதம்: 29-03-2027
கணக்கு பதிவியல்: 12-03-2027
கணினி அறிவியல்: 15-03-2027
வரலாறு: 19-03-2027
பொருளியல்: 23-03-2027
விலங்கியல்: 29-03-2027

30-03-2027 முதல் 12ஆம் வகுப்பு மாணவர்களுக்கு கோடை விடுமுறை

எஸ்.எஸ்.எல்.சி., பிளஸ்-2 பொதுத்தேர்வுகளுக்கான அட்டவணை எப்போது வெளியாகும்? என்ற எதிர்பார்ப்பில் மாணவ-மாணவிகளும், ஆசிரியர்களும் ஆவலோடு காத்திருக்கிறார்கள்.

அந்த வகையில் 2027 மார்ச், ஏப்ரல் மாதத்தில் நடைபெற உள்ள எஸ்.எஸ்.எல்.சி., பிளஸ்-1 (அரியர்), பிளஸ்-2 மாணவ-மாணவிகளுக்கான பொதுத்தேர்வுகள் அட்டவணையை பள்ளிக்கல்வித்துறை அமைச்சர் ராஜ்மோகன் இன்று (புதன்கிழமை) பிற்பகல் 12.30 மணிக்கு வெளியிட இருக்கிறார் என அறிவிக்கப்பட்டது 

இன்று தேர்வு அட்டவணை வெளியிடப்பட்டவுடன், பாடவாரியான தேர்வு தேதிகள் மற்றும் செய்முறைத் தேர்வு குறித்த முழுமையான விவரங்கள் அரசுத் தேர்வுத் துறையின் அதிகாரப்பூர்வ இணையதளத்தில் பதிவேற்றம் செய்யப்படும்.

10 வகுப்பு பொதுத்தேர்வு மார்ச் 17 தொடங்கி ஏப்ரல் 12 வரை நடைபெறும் அமைச்சர் ராஜ்மோகன் அறிவிப்பு

12ஆம் வகுப்புக்கு மார்ச் 3 தொடங்கி மார்ச் 29 வரை பொதுத்தேர்வு நடைபெற உள்ளது

பிளஸ் 2 பொதுத்தேர்வு முடிவு மே 7ம் தேதியும், பத்தாம் வகுப்பு தேர்வு முடிவு மே 20ம் தேதியும் வெளியாகும் எனத் தகவல்...

12-ம் வகுப்பு தேர்வுகள்:

• தமிழ் 03.03.2027

• ஆங்கிலம் 08.03.2027

• வேதியியல் 12.03.2027

• உயிரியல் 19.03.2027

• இயற்பியல் 23.03.2027

• கணிதம் 29.03.2027

10-ம் வகுப்பு தேர்வு தேதிகள்:

• தமிழ் 17.03.2027

• ஆங்கிலம் 25.03.2027

• கணிதம் 31.03.2027

• அறிவியல் 05.04.2027

• சமூக அறிவியல் 09.04.2027

• விருப்பமொழி  12.04.2027

தமிழக பாஜக தலைவர் நயினார் நாகேந்திரன் வெளியிட்ட பதிவில்,

தமிழகத்தின் பணவீக்கம் தேசிய சராசரியைத் தாண்டி 6.81 சதவீதம் என்ற உச்சக்கட்ட நிலைக்கு எகிறியிருப்பது, ஜோசப் விஜய் அரசின் அப்பட்டமான நிர்வாகத் திறமையின்மைக்குச் சான்றாகும்! தொலைநோக்குப் பார்வையின்றி அத்தியாவசியப் பொருட்களின் உள்ளூர் சந்தை விலையைக்கூடக் கட்டுப்படுத்தத் தவறி, ஒட்டுமொத்தப் பொருளாதாரத்தையும் சீரழித்துச் சாமானிய மக்களை நடுத்தெருவில் நிறுத்தியுள்ளார் ஜோசப் விஜய்.

முந்தைய ஆண்டின் இதே காலகட்டத்தோடு ஒப்பிடுகையில், கடந்த மூன்று மாதங்களாக ஜி.எஸ்.டி வரி வசூல் முன்னெப்போதும் இல்லாத வகையில் எதிர்மறை வளர்ச்சியைப் பதிவு செய்துள்ளது. புதிய தொழில் முதலீடுகள் எதுவும் வராமல் ஒட்டுமொத்தத் தொழிற்துறையும் முடங்கிக் கிடக்கிறது. மறுபுறம், மின்துறையில் வரலாறு காணாத நிர்வாகச் சீர்கேடு தலைவிரித்தாடுகிறது; ஒரு யூனிட் மின்சாரத்தை ரூ.35 வரை கொட்டிக் கொடுத்து வாங்கி அரசு கஜானாவைக் காலி செய்யும் இத்தகைய கையாலாகாத்தனம் முதல்வர் ஜோசப் விஜய் ஆட்சியில் மட்டுமே அரங்கேறுகிறது.

விமான நிலையத்திற்கான மாற்றுத் திட்டங்கள் உள்ளிட்ட அடிப்படை உள்கட்டமைப்புப் பணிகளைக்கூடத் தொலைநோக்கோடு செயல்படுத்தத் தெரியாமல் ஒட்டுமொத்த நிர்வாகமுமே செயலிழந்து கிடக்கிறது. இத்தகைய தொடர் நிர்வாகச் சீர்கேடுகளே இன்று தமிழகத்தில் பணவீக்கம் தேசிய சராசரியைத் தாண்டி எகிறியதற்கு முக்கியக் காரணங்களாகும். எனவே, தமிழகத்தை அனைத்துத் துறைகளிலும் படுதோல்விக்கு இட்டுச் சென்றுள்ள ஜோசப் விஜய் அரசு, இனியாவது வெற்று விளம்பரங்களை விடுத்து, தமிழகப் பொருளாதாரத்தைச் சீரழிக்கும் இந்த நிர்வாகக் குளறுபடிகளை உடனடியாகச் சரிசெய்ய முன்வர வேண்டும் என வலியுறுத்திக் கேட்டுக்கொள்கிறேன்.

இவ்வாறு தெரிவிக்கப்பட்டுள்ளது.

தி.மு.க. தலைவரும், தமிழக முன்னாள் முதலமைச்சருமான மு.க.ஸ்டாலின் ‘எக்ஸ்’ தளத்தில் வெளியிட்டுள்ள பதிவில் கூறியிருப்பதாவது;-

“பா.ஜ.க. அரசாங்கத்தால் எத்தனை போராட்டக்காரர்களை கைது செய்ய முடியும்? எத்தனை இளைஞர்களின் குரல்களை பா.ஜ.க.வால் ஒடுக்க முடியும்?

அவர்கள் எவ்வளவு அதிகமான இளைஞர்களை சிறையில் அடைக்கிறார்களோ, அவ்வளவு அதிகமான அரசியல் சார்பற்ற சாதாரண குடிமக்கள் வீதிகளில் இறங்கி, மக்களின் உண்மையான சக்தியை அவர்களுக்கு காட்டுவார்கள்.

அஷுடோஷ் ராங்கா மற்றும் சவுரவ் தாஸ் ஆகியோருக்கு எங்கள் ஆதரவு உள்ளது. அவர்களுக்கு தேவையான அனைத்து சட்டப் பிரதிநிதித்துவத்தையும், ஆதரவையும் வழங்க தி.மு.க. தயாராக உள்ளது.”

இவ்வாறு அவர் தெரிவித்துள்ளார்.

நபிகள் நாயகம் குறித்து சமூக வலைத்தளத்தில் அவதூறு கருத்து பதிவிட்டதாகக் குற்றம் சாட்டப்பட்டு, இலங்கைத் தமிழர் அனோஜன் சிவராசாவுக்கு விதிக்கப்பட்ட மரண தண்டனையை நேற்று சவூதி அரேபிய உச்ச நீதிமன்றம் ரத்து செய்தது.

கீழ் நீதிமன்றத்தின் தீர்ப்பை எதிர்த்து, இலங்கைத் தூதரகம் மற்றும் சர்வதேச மனித உரிமை அமைப்புகளின் முயற்சியால் உச்ச நீதிமன்றத்தில் மேல்முறையீடு செய்யப்பட்டது.

தொழில்நுட்பத் தவறுகள் அல்லது ஹேக்கிங் காரணமாக இந்த தவறு நடந்திருக்கலாம் என அனோஜன் தரப்பு வாதிட்டது 

சவூதி அரேபியாவின் உயர் நீதிமன்றம் இலங்கை பிரஜையான அனோஜன் சிவராசாவுக்கு விதிக்கப்பட்டிருந்த மரண தண்டனையை ரத்து செய்துள்ளதாக இலங்கையின் பிரதி வெளிவிவகார அமைச்சர் அருண் ஹேமச்சந்திரா தெரிவித்துள்ளார்.

இலங்கை அரசாங்கத்தின் தொடர்ச்சியான சட்ட ரீதியான முயற்சிகளின் பலனாக இது கிடைத்துள்ளது என்றும், சிவராசாவுக்கு இது ஒரு மிகப்பெரிய நிவாரணம் என்றும் அருண் ஹேமச்சந்திரா கூறியுள்ளார்.

அரேபியாவில் தொடர்ந்து பதற்றமான சூழல் நிலவி வருவதால், இந்தியர்களுக்கு இந்திய தூதரகம் சில அறிவுறுத்தல்களை வழங்கியுள்ளது.

சவுதி அரேபியாவில் இருந்து தாயகம் திரும்ப நினைக்கும் இந்தியர்கள் கத்தார், பஹ்ரைன் போன்ற வளைகுடா நாடுகளில் உள்ள விமானங்களின் மூலமாக நாடு திரும்ப அறிவுறுத்தப்பட்டுள்ளது.

இந்தியர்களின் வசதிக்காக, 24 மணி நேரத் தூதரகக் கட்டுப்பாட்டு அறையை +966-1 1-488469 / WhatsApp: +966-536216082 ஆகிய எண்களில் தொடர்பு கொள்ளவும் என தெரிவிக்கப்பட்டுள்ளது.

அதேபோல, ஜெட்டா மற்றும் மதீனாவுக்கு பயணம் செய்யும் இந்திய உம்ரா யாத்ரீகர்களுக்கும் ஜெட்டாவில் உள்ள இந்திய துணைத்தூதரகம் இதே மாதிரியான அறிவுறுத்தலை வெளியிட்டுள்ளது.

புனே மாவட்டம் பிம்ப்ரி சிஞ்ச்வாட் அருகே நிக்டி என்ற பகுதி உள்ளது. இப்பகுதியில் இந்து மத வழிபாட்டு தலமான சிவன் கோவில் உள்ளது.

இந்நிலையில், இந்த சிவன் கோவிலில் நேற்று முன் தினம் காலை 11 மணியளவில் அப்பகுதியை சேர்ந்த சிறுமி வழிபாடு நடத்திக்கொண்டிருந்தார். அப்போது, அந்த கோவிலுக்குள் நுழைந்த இளைஞர் வழிபாடு நடத்திக்கொண்டிருந்த சிறுமிக்கு கோவிலுக்கு வைத்து பாலியல் தொல்லை கொடுத்துள்ளார். இந்த சம்பவம் தொடர்பான சிசிடிவி காட்சிகள் சமூகவலைதளத்தில் வைரலானது.

இதையடுத்து, இந்த சம்பவம் குறித்து வழக்குப்பதிவு செய்த போலீசார், கோவிலுக்குள் சிறுமிக்கு பாலியல் தொல்லை கொடுத்த இளைஞரை கைது செய்தனர். கைது செய்யப்பட்ட இளைஞர் அப்பகுதியில் நடைபெற்று வரும் மெட்ரோ ரெயில் கட்டுமான பணியில் தொழிலாளியாக வேலை செய்து வந்தது தெரியவந்தது. இதனை தொடர்ந்து கைது செய்யப்பட்ட இளைஞரை போலீசார் சிறையில் அடைத்தனர்.

சிவன் கோவிலில் வழிபாடு நடத்திக்கொண்டிருந்த சிறுமியை கோவிலுக்குள் நுழைந்து கட்டுமான தொழிலாளி பாலியல் தொல்லை கொடுத்த சம்பவம் பெரும் அதிர்வலைகளை ஏற்படுத்தியுள்ளது.

நாகர்கோவில் அருகே உள்ள பறக்கை புல்லுவிளை பகுதியை சேர்ந்தவர்கள் சுகன்யா-அழகுவேல் தம்பதி. இவர்களுக்கு 7 வயதில் ஒரு மகனும் 6 வயதில் ஒரு மகளும் உள்ளனர். கடந்த இரண்டு நாட்களுக்கு முன்பு சுகன்யா தனது இரண்டு குழந்தைகளையும் ஈத்தாமொழி பகுதியில் உள்ள தனது தம்பி ராஜலிங்கம் வீட்டில் விட்டுச் சென்றார்.

குழந்தைகளுடன் பேசிக்கொண்டிருந்த ராஜலிங்கம் திடீரென அவர்களின் உடலில் தீக்காயங்கள் இருந்ததை கண்டு அதிர்ச்சியடைந்தார். பின்னர், இது பற்றி சுகன்யாவை தொடர்பு கொண்டு கேட்டுள்ளார். அதற்கு சுகன்யா பதிலளிக்காததால் ராஜலிங்கம் சுசீந்திரம் காவல் நிலையத்தில் புகார் அளித்தார். புகாரின் பேரில் போலீசார் குழந்தைகளை மீட்டு ஆசாரிப்பள்ளம் மருத்துவக்கல்லூரி மருத்துவமனைக்கு சிகிச்சைக்காக அனுமதித்தனர். பின்னர், சுகன்யாவை பிடித்து தீவிர விசாரணை நடத்தினர். போலீசார் நடத்திய விசாரணையில், திடுக்கிடும் தகவல் வெளியானது.

சுகன்யா தனது பள்ளி பருவ காலத்தில் இருந்து ஒன்றாக படித்து வந்த ரஞ்சித் குமார் என்பவரை காதலித்துள்ளார். பின்னர், சுகன்யாவிற்கு அழகுவேல் என்பவரோடு திருமணம் நடந்தது. திருமணத்திற்கு பிறகும் சுகன்யா ரஞ்சித் குமாருடன் தொடர்பில் இருந்து வந்தார். அழகுவேல் வேலைக்கு சென்ற பின்னர், சுகன்யா ரஞ்சித் குமாரை வீட்டிற்கு அழைத்து தனிமையில் இருந்து வந்தார். இந்த சம்பவம் கணவர் அழகுவேலுக்கு தெரியவந்தது. பின்னர், சுகன்யா 2 குழந்தைகளுடன் வீட்டை விட்டு வெளியேறினார்.

இதையடுத்து ரஞ்சித் குமார் மற்றும் சுகன்யா இருவரும் மார்த்தாண்டம் பகுதியில் வாடகைக்கு வீடு எடுத்து வசித்து வந்துள்ளனர். குழந்தைகள் வளர்ந்து விட்டதால் தனிமைக்கு தடையாக இருந்துள்ளது. இதனால் 2 குழந்தைகளையும் சிகரெட்டால் சூடு வைத்தும் கம்பால் தாக்கியும் சித்ரவதை செய்து வந்துள்ளனர்.

ஒரு கட்டத்தில், கள்ளக்காதலனுடன் ஜாலியாக இருப்பதற்கு தடையாக இருப்பதால் இரண்டு குழந்தைகளையும் தனது தம்பி ராஜலிங்கம் வீட்டில் விட்டு சென்றது விசாரணையில் தெரியவந்தது. இதையடுத்து சுகன்யா மற்றும் ரஞ்சித்குமாரை போலீசார் கைது செய்து சிறையில் அடைத்தனர். இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.

வாட்ஸ் அப்பில் குறிப்பிட்ட நேரத்தில் செய்திகளைத் தானாக அனுப்புவதற்கான வசதி சில ஆண்ட்ராய்டு பயனர்களுக்கு பீட்டா வெர்ஷனாக வழங்கப்பட்டு வருகிறது. இந்த வசதி விரைவில் மற்ற பயனர்களுக்கும் விரிவுபடுத்தப்படலாம் என எதிர்பார்க்கப்படுகிறது.

இந்த புதிய வசதியின் மூலம், பயனர்கள் குறுஞ்செய்திகள், இணையதள இணைப்புகள், புகைப்படங்கள் மற்றும் வீடியோக்களை அனுப்ப வேண்டிய தேதி, நேரத்தை முன்கூட்டியே தேர்வு செய்யலாம். குறைந்தபட்சம் 10 நிமிடங்கள் முதல் அதிகபட்சம் 2 வாரங்கள் வரை முன்கூட்டியே செய்திகளைத் திட்டமிட முடியும் எனக் கூறப்படுகிறது.குறிப்பிட்ட நேரம் வந்ததும், பயனர்கள் மீண்டும் நேரடியாக அனுப்ப வேண்டிய அவசியமின்றி செய்திகள் தானாகவே அனுப்பப்படும். செல்போன் இணைய இணைப்பில் இல்லாவிட்டாலும் செய்திகள் அனுப்பப்படும் வகையில் இந்த வசதி உருவாக்கப்படுவதாகத் தகவல்கள் தெரிவிக்கின்றன.

தனிப்பட்ட உரையாடல்கள் மட்டுமின்றி, வாட்ஸ் அப் குழு உரையாடல்களிலும் இந்த வசதி செயல்படலாம் என எதிர்பார்க்கப்படுகிறது. மேலும், அனுப்புவதற்காகத் திட்டமிடப்பட்டுள்ள செய்திகளைப் பார்ப்பதற்கும், தேவைப்பட்டால் அவற்றை நீக்குவதற்கும் ஆப்ஷன் இருக்கும் என்று எதிர்பார்க்கப்படுகிறது. குறிப்பாக, பிறந்தநாள் வாழ்த்துகள், முக்கியமான விஷயங்கள் பற்றிய நினைவூட்டல்கள், மற்றும் அலுவலகச் செய்திகள் போன்றவற்றைச் சரியான நேரத்தில் அனுப்ப இந்த வசதி உதவியாக இருக்கும்.தற்போது குறிப்பிட்ட சில பயனர்களிடம் மட்டுமே இந்த வசதி சோதனை அடிப்படையில் வழங்கப்பட்டு வருகிறது. அனைத்து பயனர்களுக்கும் எப்போது அறிமுகப்படுத்தப்படும் என்பது குறித்து வாட்ஸ் அப் நிறுவனம் அதிகாரபூர்வ அறிவிப்பு எதையும் வெளியிடவில்லை

செப்டம்பர் மாதத்தில் அதிக விலையேற்றம் கண்ட மாநிலங்களின் பட்டியலில் தமிழ்நாடு முதலிடத்தில் உள்ளது. அரிசி, எண்ணெய், பருப்பு உள்ளிட்ட பல்வேறு அத்தியாவசிய பொருட்களின் விலையும் கிடுகிடுவென உயர்ந்து இருப்பதே இதற்கு காரணமாக கூறப்படுகிறது.

கடந்த ஆகஸ்ட் மாதத்தில் கிலோ ரூ.50 முதல் ரூ.60 வரை விற்பனை செய்யப்பட்ட சன்ன ரக அரிசி, தற்போது ரூ.70 முதல் ரூ.80 வரை விற்பனை செய்யப்படுகிறது. இதேபோல், பருப்பு வகைகள், சமையல் எண்ணெய் உள்ளிட்ட அத்தியாவசியப் பொருட்களின் விலைகளும் உயர்ந்துள்ளன.

இந்த விலை உயர்வைக் கட்டுப்படுத்துவது தொடர்பாக, உணவுத்துறை அமைச்சர் வெங்கடரமணன் தலைமையில் விலை கண்காணிப்புக் குழு ஆய்வுக் கூட்டம் சென்னை தலைமைச் செயலகத்தில் நேற்று முன்தினம் நடைபெற்றது. இந்தக் கூட்டத்தில் தலைமைச் செயலாளர் சாய்குமார், உணவுத்துறை செயலாளர் அமுதா, நிதித்துறை செயலாளர் சித்திக் உள்ளிட்ட அதிகாரிகள் பங்கேற்றனர்.

இந்த கூட்டத்தில், அத்தியாவசியப் பொருட்களின் விலையைக் கட்டுப்படுத்த மேற்கொள்ள வேண்டிய நடவடிக்கைகள் குறித்து ஆலோசிக்கப்பட்டது.

இதுகுறித்து கூட்டுறவு மற்றும் உணவுத்துறை அதிகாரி ஒருவர் கூறியதாவது:-

இந்திய உணவுக் கழகம் மற்றும் பிற மாநிலங்களில் இருந்து சன்ன ரக அரிசியைக் கொள்முதல் செய்து, கூட்டுறவு அங்காடிகளில் கிலோ ரூ.40 முதல் ரூ.50 வரை விற்பனை செய்வது தொடர்பாக தமிழக அரசு பரிசீலித்து வருகிறது.

இதற்காக, எந்தெந்த மாநிலங்களில் அரிசி கிடைக்கும், எவ்வளவு அளவு கொள்முதல் செய்ய முடியும் என்பது குறித்த விவரங்கள் சேகரிக்கப்பட்டு வருகின்றன. இதில், 1 லட்சம் டன் அரிசி கிடைப்பது உறுதி செய்யப்பட்டால், கூட்டுறவு அங்காடிகளில் குறைந்த விலையில் அரிசியை விற்பனை செய்ய நடவடிக்கை எடுக்கப்படும். இவ்வாறு அவர் கூறினார்.

திருச்செந்தூரில் இருந்து ஸ்ரீவைகுண்டத்துக்கு நேற்று மாலை 4.30 மணிக்கு அரசு டவுன் பஸ் புறப்பட்டு சென்றது. 

குரும்பூர் அருகே நல்லூர் ரெயில்வே கேட் பகுதியில் உள்ள தற்காலிக சர்வீஸ் ரோட்டில் சென்றபோது, பஸ்சின் ஸ்டீயரிங் அருகில் திடீரென கரும்புகை குபுகுபுவென வெளியேறியது. இதனால் அதிர்ச்சி அடைந்த டிரைவர் தவசிமுத்து உடனே சாலையோரமாக பஸ்சை நிறுத்தி விட்டு, இரு தானியங்கி கதவுகளையும் திறந்து விட்டார். மேலும் அனைவரையும் உடனே பஸ் சில் இருந்து கீழே இறங்குமாறு கூறினார்.

பஸ்சில் இருந்த பயணிகள் அலறியடித்தவாறு வேகமாக கீழே இறங்கினர். சில வினாடிகளில் பஸ்சில் தீப்பிடித்து மளமளவென்று கொழுந்து விட்டு எரிந்தது. இதுகுறித்து தகவல் அறிந்ததும், திருச்செந்தூர் தீயணைப்பு வீரர்கள் விரைந்து சென்று, தண்ணீரை பீய்ச்சி அடித்து நீண்ட நேரம் போராடி தீயை அணைத்தனர். எனினும் பஸ் முழுவதும் எரிந்து எலும்புக்கூடாக காட்சி அளித்தது. மின்கசிவு காரணமாக பஸ்சில் தீப்பிடித்து இருக்கலாம் என்று கூறப்படுகிறது.

தெற்கு ரயில்வே பயனாளர் ஆலோசனைக் குழு உறுப்பினர்  அளித்த பேட்டி:

ரயில் நிலையங்கள் மற்றும் ரயில்களில் பயணிக்கும்போது, பயணியர் சிலர் தங்கள் மொபைல் போனில், 'ஹெட்போன்' பயன்படுத்தாமல், அதிக சத்தத்துடன் பாடல்கள் கேட்பது, 'ரீல்ஸ்' மற்றும் வீடியோ பார்ப்பது, 'கேம்' விளையாடுவது, போன்ற செயல்களில் ஈடுபடுகின்றனர்.

இது, சக பயணியருக்கு தொந்தரவை ஏற்படுத்துகிறது. இது குறித்து, பயணியர் பலரும் புகார் தெரிவித்துள்ளனர்.

இதற்கிடையே, ஜன விஷ்வாஸ் சட்டம், திருத்தப்பட்ட ரயில்வே சட்டப் பிரிவின் கீழ், பொதுமக்களுக்கு தொந்தரவு தரும் செயல்களில் ஈடுபடுவோர் மீது நடவடிக்கை எடுக்கப்பட உள்ளது. இதன்படி, ரயில் நிலையங்கள் மற்றும் ரயில்களில், மொபைல்போனில் 'ஹெட்போன்' பயன்படுத்தாமல், அதிக சத்தத்துடன் பாட்டு கேட்பது, வீடியோக்களை பார்ப்பது போன்ற செயல்களால் சக பயணியருக்கு தொல்லை கொடுத்தால், இனி 1,000 ரூபாய் அபராதம் அல்லது ஆறு மாதங்கள் சிறை தண்டனை அல்லது இரண்டு தண்டனையும் சேர்த்து விதிக்கப்படும் என, தெற்கு ரயில்வே, அனைத்து கோட்டங்களுக்கும் உத்தரவு பிறப்பித்துள்ளது.

இந்த அபராதத்தை, டிக்கெட் பரிசோதகர் அல்லது அதற்கு மேற்பட்ட அதிகாரம் கொண்ட வணிகப்பிரிவு அலுவலர்கள் வசூலிக்கலாம்.

எச்சரிக்கையை மீறி தொடர்ந்து தொந்தரவு அளித்தால், 5,000 ரூபாய் வரை அபராதம் விதிக்கலாம் என தெரிவித்துள்ளது.

இவ்வாறு அவர் கூறினார்.

இந்தியாவில் அடுத்தடுத்து பண்டிகை நாட்கள் வரவுள்ள நிலையில் தங்கம் விலை குறைந்து நகைப்பிரியர்களை மகிழ்ச்சியில் ஆழ்த்தியிருக்கிறது. ஆனால் இந்த விலை குறைவு தொடருமா என்பது கேள்விக்குறி தான். ஏனென்றால், உலக நாடுகளின் மத்திய வங்கிகள் நகைகளை சேமிப்பு கருதி அதிகளவில் வாங்கி வருகின்றன.

குறிப்பாக, தங்கம் அதிகம் கையிருப்பு கொண்ட நாடுகளில் ஐந்தாவது இடத்தில் இருக்கும் சீனா, அளவுக்கு அதிகமாக தங்கத்தை வாங்கி குவித்து வருவதாக தகவல்கள் தெரிவிக்கின்றன. 2026ஆம் ஆண்டு செப்டம்பரில் மட்டும் 23 டன் தங்கம் வாங்கியிருக்கிறது. இந்த ஆண்டில் மட்டும் மொத்தம் 103 டன் தங்கம் வாங்கியிருக்கிறது. இதன் மூலம் சீனாவின் மொத்த தங்கம் கையிருப்பு 2,410 டன்னாக அதிகரித்திருக்கிறது.

குறிப்பாக, பிரான்ஸ், இத்தாலியை பின்னுக்கு தள்ளி, விரைவில் மூன்றாம் இடத்தை பிடிக்க வாய்ப்பிருப்பதாக கணிப்புகள் தெரிவிக்கின்றன. எனினும், தற்போதைய நிலவரப்படி, அதிகபடியான தங்கம் கையிருப்பு நாடுகளில் 8,133 டன் கையிருப்புடன் அமெரிக்கா முதலிடமும், 3,350 டன் கையிருப்புடன் ஜெர்மனி 2ஆம் இடமும், 2,452 டன் கையிருப்புடன் இத்தாலி 3ஆம் இடமும், 2,437 டன் கையிருப்புடன் பிரான்ஸ் 4ஆம் இடமும் வகிக்கிறது.

உலக நாடுகள் மத்திய வங்கி தங்கம் கையிருப்பு பட்டியலில் இந்தியா 880 டன் தங்கம் கையிருப்புடன் 8வது இடத்தில் இருக்கிறது. எனினும், பொதுமக்களிடையே தங்கம் அதிகம் புழங்குற நாடுகளில் நமது நாடு முன்னிலை வகிக்கிறது.

நேற்று (அக்டோபர் 13) 1 கிராம் தங்கம் ரூ.35 குறைந்து, ரூ.13,685-க்கும், ஒரு சவரன் ரூ.280 குறைந்து ரூ.1,09,480-க்கும் விற்பனையானது. வெள்ளி விலை 1 கிராம் நேற்றும் மாற்றமின்றி ரூ.245-க்கு விற்பனையானது.

இன்று (அக்டோபர் 14) தங்கத்தின் விலை மளமளவென சரிந்துள்ளது. 22 காரட் ஒரு கிராம் ஆபரணத் தங்கத்தின் விலை ரூ.95 குறைந்து ரூ.13,590-க்கு விற்பனையாகிறது. ஒரு சவரன் தங்கத்தின் விலை ரூ.760 குறைந்து, ரூ.1,08,720-க்கு விற்பனையாகிறது.

வெள்ளியின் விலை இன்று மாற்றமின்றி ஒரு கிராம் ரூ.245-க்கும், ஒரு கிலோ பார் வெள்ளி ரூ.2,45,000-க்கும் விற்பனையாகிறது.

கடந்த 3 நாட்களில் தங்கம் சவரனுக்கு ரூ.2,320 குறைந்துள்ளது

தமிழக கோவில் களின் பாதுகாப்பு மற்றும் ஆன்மிக அமைதியை காக்க, முதல் கட்டமாக, பக்தர்கள் அதிகளவில் கூடும், 52 முதுநிலை கோவில்களுக்குள் மொபைல் போன் எடுத்துச் செல்ல, கடந்த மாதம் முதல் தடை விதிக்கப்பட்டது.

பக்தர்கள் 5 ரூபாய் செலுத்தி, மொபைல் போன்களை பாதுகாக்கும் வகையில், வைப்பகங்கள் ஏற்படுத்தப்பட்டன. ஆனால், பக்தர்கள் தங்கள் மொபைல் போன்களை ஒப்படைக்கவும், மீண்டும் பெறவும், மணிக்கணக்கில் வரிசையில் காத்திருக்க வேண்டிய நிலை ஏற்பட்டது.

இந்த விவகாரம் மிகப்பெரும் விவாதத்திற்கு உள்ளானது. அதைத் தொடர்ந்து, அறநிலையத்துறை தனது முடிவை மாற்றிக் கொண்டது. தற்போது, ‘மொபைல் போன்களை, ‘ஸ்விட்ச் ஆப்’ செய்து, பக்தர்கள் கோவிலுக்குள் எடுத்து செல்லலாம். ஆனால், போட்டோ, வீடியோ எதுவும் எடுக்கக் கூடாது, மீறினால் மொபைல் போன் பறிமுதல் செய்யப்படும்’ என, எச்சரித்து பதாகைகள் வைக்கப்பட்டுள்ளன.

சிறுபான்மையினர் நல ஆணையர் வெளியிட்டுள்ள செய்திக்குறிப்பில் கூறப்பட்டுள்ளதாவது:-

தமிழ்நாடு அரசு 2026-2027 ஆம் ஆண்டில் முஸ்லீம் சிறுபான்மையின மாணவ /மாணவியர்கள் உயர்தர உலகளாவிய கல்வி வாய்ப்புகளை வழங்க ஏதுவாக வெளிநாடு சென்று படிக்கும் 10 முஸ்லீம் மாணவர்களுக்கு, ஒரு மாணவருக்கு அதிகபட்சமாக ரூ.36.00 லட்சம் வீதம் கல்வி உதவித்தொகை வழங்கப்படவுள்ளது.

இத்திட்டத்தின் கீழ் 2026-2027 ஆம் ஆண்டில் வெளிநாட்டில் முதுகலைப் படிப்பு பயில உள்ள சிறுபான்மையின முஸ்லீம் மாணவ- மாணவியர்கள் கல்வி உதவித் தொகை பெற 15.10.2026 வரை விண்ணப்பிக்க கால அவகாசம் வழங்கப்பட்டிருந்தது. தற்போது, இத்திட்டத்தின் கீழ் விண்ணப்பிப்பதற்கான கால அவகாசம் 09.11.2026 வரை நீட்டிக்கப்பட்டுள்ளது.

இத்திட்டத்தின் கீழ் விண்ணப்பிக்கும் மாணவ / மாணவியர்கள் 2026-2027 ஆம் கல்வியாண்டில் முதுகலை பட்டப்படிப்பு படிக்க உலகளாவிய OS (குவாக்கரெல்லி சைமண்டஸ்) தரவரிசையில் முதல் 250 இடங்களுக்குள் உள்ள பல்கலைக்கழகங்கள் கல்வி நிறுவனங்களிடமிருந்து நிபந்தனையற்ற சேர்க்கை கடிதம் (Unconditional Offer letter) பெற்றிருக்க வேண்டும். பெற்றோரின் ஆண்டு வருமானம் ரூ.8.00 இலட்சத்துக்கு மிகாமல் இருத்தல் வேண்டும். பட்டப் படிப்பில் 60 சதவீதம் அல்லது அதற்கு இணையாக தேர்ச்சி சதவீதம் பெற்றிருக்க வேண்டும்.

மருத்துவம், பொறியியல், மேலாண்மை, அறிவியல், வணிகவியல் & நிதி, மனிதநேயம் & கலை, வேளாண்மை அறிவியல், சுகாதாரம் பயன்பாட்டு அறிவியல், சர்வதேச வணிகம், பொருளாதாரம், நிதி கணக்கியல், மனித நேய படிப்புகள் (Humanities ), சமூக அறிவியல், நுண்கலைகள் மற்றும் சட்டம் போன்ற பாடப்பிரிவுகளை தேர்ந்து எடுத்து முதுகலைப் பட்டப்படிப்புக்கான சேர்க்கை பெறுபவராக இருத்தல் வேண்டும்.மேலும், வெளிநாடு சென்ற பின் அளிக்கப்படும் விண்ணப்பங்கள் மற்றும் ஏற்கெனவே கல்லூரியில் சேர்ந்தவர்களின் விண்ணப்பங்கள் பரிசீலிக்கப்படமாட்டாது.

இத்திட்டத்தில் விண்ணப்பிக்க www.bcmbcmw.tn.gov.in/welfschemes minorities.htm என்ற இணையதளத்தில் விண்ணப்பத்தினை பதிவிறக்கம் செய்து விண்ணப்பத்தினை பூர்த்தி செய்து உரிய ஆவணங்களுடன் ஆணையர், சிறுபான்மையினர் நலத்துறை, கலசமஹால் பாரம்பரிய கட்டடம், முதல் தளம், சேப்பாக்கம், சென்னை-600 005. என்ற முகவரிக்கு சமர்ப்பிக்க வேண்டும்.

இவ்வாறு அதில் தெரிவிக்கப்பட்டுள்ளது.

தெலங்கானா மாநிலம், நிஜாமாபாத் மாவட்டம், சிரிகொண்டா மண்டல் பகுதியை சேர்ந்தவர் சிர்சு அசோக். தோட்டப் பராமரிப்பு வேலை வழங்குவதாக கூறி, வேலைவாய்ப்பு முகவர் ஒருவர் மூலம் அவர் ரஷ்யாவுக்குச் சென்றுள்ளார். ஆனால், அங்கு சென்ற பிறகு அவரை ரஷ்ய ராணுவத்தில் கட்டாயப்படுத்தி சேர்த்ததாக கூறப்படுகிறது.

தோட்ட வேலைக்காகச் சென்ற அசோக்கிற்கு துப்பாக்கியால் சுடுவது, வெடிகுண்டுகளை வெடிக்கச் செய்வது ஆகியவற்றுக்கு பயிற்சி அளிக்கப்பட்டதாகக் கூறப்படுகிறது. இதையடுத்து, உக்ரைன் போரில் முன்களப் பகுதிகளில் அவர் சிக்கியுள்ளதாகத் தகவல் வெளியாகியுள்ளது.

இந்நிலையில், சிர்சு அசோக் செல்போன் மூலம் தனது மனைவி சரிதாவுக்கு குரல் பதிவு ஒன்றை அனுப்பி உள்ளார். அதில், தன்னைச் சுற்றிலும் பலர் இறந்துவிட்டதாகவும், தானும் கடுமையான ஆபத்தில் சிக்கி இருப்பதாகவும் வேதனையுடன் தெரிவித்துள்ளார்.

மேலும், அந்த குரல் பதிவில், "பான்ஸ்வாடாவைச் சேர்ந்த ஒருவர் 10 நாட்களுக்கு முன்பு உயிரிழந்துவிட்டார். இந்தத் தகவலை அவரது குடும்பத்தினரிடம் தெரிவிக்கவும். என்னுடன் வந்தவர்களில் 50 பேர் இறந்து விட்டனர். இப்போது நாங்கள் இரண்டு பேர் மட்டுமே மிச்சமிருக்கிறோம். எனக்கு காலில் பலத்த காயம் ஏற்பட்டுள்ளது. ஆனாலும், என்னை நடக்குமாறு ராணுவத்தில் வற்புறுத்துகிறார்கள்” என சிர்சு அசோக் தெரிவித்துள்ளார். இருப்பினும் அவர் கூறிய உயிரிழப்புகள் குறித்த தகவல்களை ஈடிவி பாரத் ஊடகத்தால் உறுதிப்படுத்த இயலவில்லை.

இந்நிலையில், ரஷ்யாவுக்கு வேலைக்கு சென்று கட்டாயமாக ராணுவத்தில் சேர்க்கப்பட்டு காயமடைந்துள்ள தங்கள் மகனை உடனடியாக மீட்டு இந்தியாவுக்கு அழைத்து வர வேண்டும் என அசோக்கின் குடும்பத்தினர், அரசிடம் கோரிக்கை விடுத்துள்ளனர்.

இதேபோல், தெலங்கானா மாநிலம், பான்ஸ்வாடாவைச் சேர்ந்த அஃப்சல் கானின் மனைவி ஜமீலா பேகத்துக்கும் சுமார் 10 நாட்களுக்கு முன்பு அவரது கணவரிடமிருந்து குரல் பதிவு வந்துள்ளது. அதில், தான் உயிருடன் வீடு திரும்புவேனா என்பது தெரியவில்லை என அஃப்சல் கான் அழுதபடி கூறியிருந்தார். இதனால், தற்போது அவரது நிலை என்ன என்பது தெரியாததால் குடும்பத்தினர் தவிப்பில் உள்ளனர்.

ஏற்கெனவே இந்தியர்கள் யாரும் ரஷ்ய ராணுவத்தில் சேர வேண்டாம் என மத்திய அரசு பலமுறை எச்சரிக்கை விடுத்துள்ளது. ரஷ்ய ராணுவத்தில் பணியாற்றுவதாகக் கூறப்படும் 69 இந்தியர்களின் நிலை குறித்தும் ரஷ்யாவிடம் மத்திய அரசு விளக்கம் கேட்டுள்ளது.

ரஷ்ய ராணுவத்திலிருந்து இதுவரை 139 இந்தியர்கள் மீட்கப்பட்டுள்ளனர் என்று மத்திய வெளியுறவு அமைச்சகம் தெரிவித்துள்ளது. அதேவேளையில், உக்ரைன் போரில் 51 இந்தியர்கள் உயிரிழந்துள்ளதாக அதிகாரப்பூர்வமாகத் தெரிவிக்கப்பட்டுள்ளது.

ஹைதராபாத்தில் உள்ள 'பிரவாசி பிரஜாவாணி' அமைப்பிடம் பாதிக்கப்பட்டவர்களின் குடும்பத்தினர் அண்மையில் புகார் அளித்தனர். அதன்படி, தெலங்கானாவின் பல்வேறு மாவட்டங்களைச் சேர்ந்த 20-க்கும் மேற்பட்டோர் ரஷ்ய ராணுவத்தில் சேர்ந்திருப்பது தெரியவந்துள்ளது. அவர்களில் 10 பேர் தங்களது சொந்த ஊர்களுக்குத் திரும்பிவிட்டதாகவும், எஞ்சியவர்களை மீட்க இந்திய வெளியுறவு அமைச்சகம் நடவடிக்கை மேற்கொண்டு வருவதாகவும் தெரிவிக்கப்பட்டுள்ளது.

இந்திய கிரிக்கெட்டின் அதிரடி பேட்டிங் ஆல்-ரவுண்டராக திகழ்ந்தவர் யுவராஜ் கிங். 2007-ம் ஆண்டு இந்தியா டி20 உலக கோப்பையை வென்றது. 2011-ல் 50 ஓவர் உலக கோப்பையை வென்றது. இந்த இரண்டு கோப்பைகளையும் இந்திய அணி வெல்ல இவரது பங்களிப்பு மிக முக்கியமானதாக இருந்தது.

2000 முதல் 2017 வரை இந்திய அணிக்காக விளையாடினார். 304 ஒருநாள் போட்டி, 40 டெஸ்ட் மற்றும் 58 டி20 போட்டிகளில் விளையாடியுள்ளார்.

இவர் டெல்லி அணி பயிற்சியாளராக அறிவித்துள்ளது. பேட்டிங் பயிற்சியாளருடன், துணை பயிற்சியாளராகவும் செயல்படுவார் என டெல்லி கேப்பிட்டல்ஸ் அணி அறிவித்துள்ளது. சமீபத்தில்தான் சவுரவ் கங்குலிலை தலைமை பயிற்சியாளராக நியமித்தது.

டெல்லி கேப்பிடல்ஸ் அணியுடன் எனது வாழ்க்கையின் ஒரு புதிய அத்தியாயத்தைத் தொடங்கவிருப்பதில் நான் மிகுந்த உற்சாகத்தில் உள்ளேன். இந்த அணியுடன் எனக்கு நீண்டகாலத் தொடர்பு இருப்பதாலும், அதன் உரிமையாளர்களை எனக்கு நன்கு தெரிந்திருப்பதாலும், இது எனக்கு ஒரு சிறப்பான வாய்ப்பாக அமைந்துள்ளது.

தாதாவுடன் (கங்குலி) இணைந்து பணியாற்றவும், அதுவும் இம்முறை பயிற்சியாளர்களாக செயல்படவும் நான் ஆவலுடன் காத்திருக்கிறேன். பயிற்சியளிப்பதில் எனக்கு மிகுந்த ஆர்வம் உண்டு. எனவே, மிகுந்த திறமை வாய்ந்த இந்த அணியுடன் எனது பணியைத் தொடங்க நான் ஆவலாக உள்ளேன்.

இது எனக்கு ஒரு சுவாரஸ்யமான பயணமாக அமையும் என்று நான் உறுதியாக நம்புகிறேன். மேலும், அணியின் வெற்றிக்கு எனது பங்களிப்பை வழங்கவும் ஆவலுடன் காத்திருக்கிறேன்.

இவ்வாறு கங்குலி தெரிவித்துள்ளார்.

‘டெலிவரி பாய்’ படத்தின் ட்ரெய்லரை நடிகர் சிலம்பரசன் டிஆர் வெளியிட்டுள்ளார். இந்த படத்தில்  திண்டுக்கல் லியோனியின் மகன் லியோ சிவக்குமார் கதாநாயகனாக நடித்துள்ளார். நானி இயக்கத்தில், அமுதா லியோனி தயாரிப்பில் உருவாகியுள்ள இப்படம் வரும் அக்டோபர் 23 திரையரங்குகளில் வெளியாகவுள்ளது.

அம்மா-மகன் பாசத்துடன் தொடங்கும் இந்த டிரைலரில் அடுத்தடுத்த காட்சிகளில் எதிர்பாராத திருப்பங்களுடன் நகர்கிறது. சிறு வயது முதலே ஒன்றாக வளர்ந்து குற்றச் செயல்களில் ஈடுபடும் ஏழு பேரின் பின்னணியில், அவர்களிடம் சிக்கிக் கொள்ளும் கதாநாயகனின் வாழ்க்கை எப்படிப் பாதிக்கப்படுகிறது, அதன் மூலம் அவன் எதிர்கொள்ளும் பிரச்னைகள் என்னென்ன என்பதை சுவாரஸ்யமாக வெளிப்படுத்துகிறது. உணர்வுபூர்வமான குடும்பப் பின்னணியுடன் குற்றச் செயல்கள் சார்ந்த சம்பவங்களும் இணைந்துள்ளது. ஒரு சாதாரண டெலிவரி பாயின் வாழ்க்கையில் ஏற்படும் எதிர்பாராத சம்பவங்கள் அவனை எந்தப் பாதைக்கு அழைத்துச் செல்கின்றன என்பதே படக் கதையாம்.

லியோ சிவக்குமாருக்கு ஜோடியாக பிரிகிடா சாகா நடித்துள்ளார். ராதிகா சரத்குமார், லியோ சிவக்குமாரின் தாயாக முக்கியமான கதாபாத்திரத்தில் நடித்துள்ளார். மேலும் காளி வெங்கட், போஸ் வெங்கட், ஜென்சன் திவாகர், துஷ்யந்த், உதயா தீப் உள்ளிட்ட பலரும் நடித்துள்ளனர்.

பிகார் மாநிலம் பாகல்பூர் மாவட்டத்தில் உள்ள ஷிவ்நாராயண்பூர் ரயில் நிலையத்தில், ஓடும் ரயிலின் ஜன்னல் வழியாகச் செல்போனைப் பறிக்க முயன்ற நபரைப் பயணிகள் கையைப் பிடித்துப் பிடித்துக் கொண்டதால், அந்த நபர் ரயில் மேடையில் இழுத்துச் செல்லப்பட்டுப் படுகாயமடைந்த பரபரப்பு வீடியோ சமூக வலைதளங்களில் தீவிரமாகப் பரவி வருகிறது.

கிழக்கு ரயில்வே மண்டலத்திற்கு உட்பட்ட ஷிவ்நாராயண்பூர் ரயில் நிலையத்தில் பொதுப் பெட்டி (General Coach) ஒன்றில் பயணிகள் பயணித்துக் கொண்டிருந்தனர். அப்போது ரயில் நிலையத்தை விட்டு ரயில் மெதுவாக நகரத் தொடங்கிய வேளையில், பிளாட்பாரத்தில் நின்றுகொண்டிருந்த இளைஞர் ஒருவர் ரயிலின் ஜன்னல் வழியாகப் பயணியின் செல்போனைப் பறிக்க முயற்சி செய்துள்ளார்.

இதைக் கண்டு உஷாரான ஜன்னலோரப் பயணிகள், உடனடியாக அந்த இளைஞனின் கையை இறுகப் பிடித்துக்கொண்டனர். ரயில் வேகம் எடுத்த நிலையிலும் பயணிகள் கையை விடாமல் கெட்டியாகப் பிடித்துக்கொண்டதால், அந்த இளைஞன் ரயிலோடு சேர்த்து பிளாட்பாரத்தில் தொங்கியபடியே இழுத்துச் செல்லப்பட்டார்.

நடைமேடையின் முடிவுப் பகுதி வரை இழுத்துச் செல்லப்பட்ட நிலையில், ஒருகட்டத்தில் பிடி நழுவி அவர் கீழே விழுந்து பலத்த காயமடைந்தார்.

சம்பவம் குறித்துத் தகவல் அறிந்த ரயில்வே பாதுகாப்புப் படை (RPF) அதிகாரிகள், காயமடைந்த அந்த நபரை மீட்டுத் தங்களது கட்டுப்பாட்டில் எடுத்து விசாரணை நடத்தி வருகின்றனர்.

ஓடும் ரயிலில் இருந்து திருடனை இப்படிப் பிடித்து இழுத்துச் சென்றது மற்றும் பயணிகளின் பாதுகாப்பு குறித்துச் சமூக வலைதளங்களில் இந்த வீடியோ பெரும் விவாதத்தைக் கிளப்பியுள்ளது.

At Shivnarayanpur Railway Station, a thief tried to snatch a mobile phone from a moving train and run away, but he was caught and held through the window. https://t.co/uVH1YUkGvd

— Kamran (@CitizenKamran) October 13, 2026

At Shivnarayanpur Railway Station, a thief tried to snatch a mobile phone from a moving train and run away, but he was caught and held through the window. https://t.co/uVH1YUkGvd

— Kamran (@CitizenKamran) October 13, 2026

ஆந்திர மாநிலம் கர்நூல் மாவட்டம் மந்திராலயம் பகுதியில், துங்கபத்ரா நதியில் மூழ்கி உயிரிழந்த பெண்ணின் உடலை, பாறைகள் மற்றும் சேறு நிறைந்த கரடுமுரடான பாதையில் சுமார் 1 கிலோமீட்டர் தூரம் தனது தோளில் சுமந்து சென்று மருத்துவமனைக்கு அனுப்பி வைத்த காவலரின் மனிதநேயச் செயல் அப்பகுதி மக்களிடையே நெகிழ்ச்சியையும் பாராட்டையும் பெற்றுள்ளது.

கர்நாடக மாநிலம் சாமராஜநகர் மாவட்டம் பாலாபள்ளியைச் சேர்ந்த ஜெயஸ்ரீ (41) என்ற பெண், தனது குடும்பத்தினருடன் மந்திராலயத்தில் உள்ள ஸ்ரீ ராகவேந்திர சுவாமி மடத்திற்குச் சாமி தரிசனம் செய்ய வந்துள்ளார். ஞாயிற்றுக்கிழமை காலை 8 மணியளவில் குடும்பத்தினர் சொந்த ஊருக்குப் புறப்பட்ட நிலையில், ஜெயஸ்ரீ மட்டும் மடத்திலேயே தங்கியுள்ளார்.

மதிய வேளையில், தான் தற்கொலை செய்துகொள்ளப் போவதாக ஜெயஸ்ரீ குடும்பத்தினருக்குப் போன் செய்து கூறியுள்ளார். அதிர்ச்சியடைந்த குடும்பத்தினர் உடனடியாக மந்திராலயம் போலிஸாரைத் தொடர்புகொண்டு பேரதிர்ச்சியோடு உதவி கேட்டுள்ளனர்.

தகவல் அறிந்ததும் மந்திராலயம் வட்ட ஆய்வாளர் (CI) மதுசூதன் ராவ், மடத்தின் புரோட்டோகால் அதிகாரியாகப் பணியாற்றி வரும் 2009-ஆம் பேட்ச் காவலர் ஜி. ரங்கா சுவாமியை எச்சரித்து, நதிக்கரைக்கு உடனடியாக விரையுமாறு உத்தரவிட்டார். குடும்பத்தினர் அனுப்பிய ஜெயஸ்ரீயின் புகைப்படத்தை மொபைலில் வைத்துக்கொண்டு, பாறைகள் நிறைந்த பாதையில் ஓடிய காவலர் ரங்கா சுவாமி, தேடுதல் வேட்டை தொடங்கிய 17 நிமிடங்களிலேயே நதியில் மிதந்த பெண்ணின் உடலைக் கண்டறிந்துள்ளார்.

 "நானும் மற்றொரு காவலரும், உள்ளூர் மீனவர் ஒருவரும் இணைந்து உடலைக் கரைக்குக் கொண்டு வந்தோம். அவரது வயிற்றில் இருந்த நீர வெளியேற்ற CPR சிகிச்சையும் அளித்துப் பார்த்தோம். ஆனால், அதற்குள் அவர் உயிரிழந்துவிட்டார். அப்பகுதியில் வழக்கமான ஆம்புலன்ஸ் வர தாமதமானதோடு, வெயில் அதிகமாக இருந்ததால் நாய்கள் உடலைச் சேதப்படுத்திவிடும் என பயந்தோம். இதனால், உடலை அங்கேயே விட்டுவிட மனமில்லாமல், எனது தோளிலேயே சுமந்துகொண்டு 1 கி.மீ தூரம் பாறைகள் மற்றும் சேற்று வழியே நடந்து வந்து ஆம்புலன்ஸில் ஏற்றி மருத்துவமனைக்கு அனுப்பி வைத்தேன். அப்பெண்ணின் உயிரைக் காப்பாற்றியிருந்தால் இன்னும் மகிழ்ச்சியடைந்திருப்பேன்" என காவலர் ரங்கா சுவாமி உருக்கத்துடன் தெரிவித்துள்ளார்.

காவலர் ரங்கா சுவாமியின் இந்தச் சுயநலமற்ற கடமையுணர்ச்சியையும் மனிதநேயத்தையும் காவல்துறை உயரதிகாரிகளும் பொதுமக்களும் வெகுவாகப் பாராட்டி வருகின்றனர்.

ஆந்திராவின் மந்திராலயத்தில் துங்கபத்ரா நதியில் விழுந்து உயிரிழந்த பெண்ணின் உடலை, பாறைகள் நிறைந்த கரடுமுரடான பாதையில் காவலர் ரங்கசுவாமி ஒரு கிலோமீட்டர் தூரம் தன் தோளிலேயே சுமந்து சென்று மனிதாபிமானத்துடன் மீட்டுள்ளார். #AndhraPradesh https://t.co/kdwV5KCRlj

— M.M.NEWS உடனடி செய்திகள் (@rajtweets10) October 13, 2026

ஆந்திராவின் மந்திராலயத்தில் துங்கபத்ரா நதியில் விழுந்து உயிரிழந்த பெண்ணின் உடலை, பாறைகள் நிறைந்த கரடுமுரடான பாதையில் காவலர் ரங்கசுவாமி ஒரு கிலோமீட்டர் தூரம் தன் தோளிலேயே சுமந்து சென்று மனிதாபிமானத்துடன் மீட்டுள்ளார். #AndhraPradesh https://t.co/kdwV5KCRlj

— M.M.NEWS உடனடி செய்திகள் (@rajtweets10) October 13, 2026

ஹைதராபாத்தில் உள்ள காச்சிகுடா ரயில் நிலையத்தில், நகர்ந்து கொண்டிருந்த ரயிலில் குழந்தையைத் தூக்கிக்கொண்டு ஏற முயன்றபோது தவறி விழுந்த தந்தையையும் அவரது சிறு பெண் குழந்தையையும், அங்குப் பணியிலிருந்த ரயில்வே பாதுகாப்புப் படை (RPF) பெண் காவலர் மின்னல் வேகத்தில் செயல்பட்டு உயிரைக் காப்பாற்றிய சம்பவம் பெரும் நெகிழ்ச்சியையும் பாராட்டையும் பெற்றுள்ளது.

காச்சிகுடா ரயில் நிலையத்தின் நடைமேடை எண் 1-ல் அக். 12 அன்று மாலை 6 மணியளவில் இச்சம்பவம் நிகழ்ந்துள்ளது. விசாகா எக்ஸ்பிரஸ் (Visakha Express) ரயில் நிலையத்தை விட்டு மெதுவாக நகரத் தொடங்கியபோது, பயணி ஒருவர் தனது சிறு பெண் குழந்தையைக் கையில் ஏந்தியபடி ஓடும் ரயிலில் ஏற முயன்றுள்ளார்.

அப்போது அங்குப் பணியில் இருந்த ஆர்பிஎஃப் பெண் காவலர் ரீனா குமாரி (Constable Reena Kumari), ஓடும் ரயிலில் ஏற வேண்டாம் என அவரை எச்சரித்துள்ளார். இருப்பினும், அவசரத்தில் ரயிலில் ஏற முயன்ற அந்தப் பயணி, எதிர்பாராதவிதமாகச் சமநிலையை இழந்து தண்டவாளத்திற்கும் நடைமேடைக்கும் இடையிலான ஆபத்தான இடைவெளியில் குழந்தையோடு நழுவி விழப் பார்த்தார்.

இதைக் கண்டு சற்றும் தாமதிக்காத பெண் காவலர் ரீனா குமாரி, உடனடியாகப் பாய்ந்து சென்று அந்த நபரையும் அவரது குழந்தையையும் தண்டவாள இடைவெளிக்குள் விழாதவாறு சுதாரித்து பலமாகப் பின்னோக்கி இழுத்துக் காப்பாற்றினார். அதே நேரத்தில், இதை கவனித்த ரயிலின் ஓட்டுநரும் (Loco Pilot) உடனடியாக அவசர காலப் பிரேக்கை (Emergency Brakes) பயன்படுத்தி ரயிலை நிறுத்தினார்.

இதையடுத்து, அந்தப் பயணி தனது மனைவி மற்றும் மகளுடன் பத்திரமாக ரயிலில் ஏறித் தனது பயணத்தைத் தொடர்ந்தார்.

சரியான நேரத்தில் துரிதமாகவும் சாதுரியமாகவும் செயல்பட்டு இரண்டு உயிர்களைக் காப்பாற்றிய ஆர்பிஎஃப் பெண் காவலர் ரீனா குமாரியின் இந்த வீரத்தையும் கடமையுணர்ச்சியையும் தெற்கு மத்திய ரயில்வே அதிகாரிகளும் பொதுமக்களும் வெகுவாகப் பாராட்டி வருகின்றனர்.

#RPF Constable Reena Kumari Saves Man and His Young Daughter from Falling Under Moving Train at #Kachiguda An alert Railway Protection Force (#RPF) constable, Reena Kumari, a CT on duty, averted a major tragedy by rescuing a man and his young daughter from falling beneath a moving train at Kachiguda Railway Station, #Hyderabad on October 12. The incident occurred at around 6 PM on Platform Number 1, when the passenger attempted to board the #VisakhaExpress while the train was moving, carrying his daughter in his arms. According to #SouthCentralRailway officials, the passenger had been cautioned by the on-duty RPF constable not to board the moving train. However, in a hurry, he attempted to board it and suddenly lost his balance, placing himself and his daughter at risk of falling into the gap between the train and the platform. Reacting swiftly, Constable Reena Kumari immediately pulled the man and his daughter away from danger, preventing a possible tragedy. The loco pilot also applied the emergency brakes, bringing the train to a halt. Following the incident, the man safely boarded the train along with his wife and daughter. The timely action and presence of mind displayed by RPF Constable Reena Kumari have been appreciated, highlighting the importance of alert railway personnel in ensuring passenger safety.

— BNN Channel (@Bavazir_network) October 13, 2026

ஆந்திர மாநிலம், விஜயவாடாவுக்கு சென்ற தமிழ்நாடு முதலமைச்சர் விஜய், ஆந்திர முதல்வர் சந்திரபாபு நாயுடுவை அவரது உண்டவல்லி இல்லத்தில் மரியாதை நிமித்தமாகச் சந்தித்துப் பேசினார். அப்போது ஆந்திர முதல்வர் சந்திரபாபு நாயுடு மற்றும் அமைச்சர் லோகேஷ் ஆகியோர் விஜய்க்கு மலர்க்கொத்து வழங்கி, 'மங்களகிரி' பொன்னாடை போர்த்தி உற்சாக வரவேற்பு அளித்தனர். இரு மாநில முதலமைச்சர்களின் இந்தச் சந்திப்பு சுமார் ஒன்றரை மணி நேரம் நீடித்தது.

இச்சந்திப்பின் போது, கோதாவரி - காவேரி நதிகள் இணைப்பு, நீர் திட்டங்கள் மற்றும் சென்னையின் குடிநீர் தேவைகள் குறித்து விரிவாக விவாதிக்கப்பட்டது. தென்னக மாநிலங்களின் பாசனம் மற்றும் குடிநீர் தேவைகளைப் பூர்த்தி செய்வதற்காக, கோதாவரி நீரை காவிரிக்கு திருப்புவது குறித்து சந்திரபாபு நாயுடுவும் விஜயும் முக்கிய ஆலோசனைகளை மேற்கொண்டனர்.

கோதாவரி நீரை கிருஷ்ணா நதிக்கும், அங்கிருந்து பொல்லாபள்ளி நீர்த்தேக்கத்திற்கும், அதன் வழியாக பனகசெர்லா மூலம் பெண்ணாறுக்கும், இறுதியாக கண்டலேறு நீர்த்தேக்கம் வழியாக காவிரிக்கும் கொண்டு செல்லும் திட்டத்தை ஆந்திர அரசு முன்மொழிந்துள்ளது.

இதற்கிடையில், சென்னையின் குடிநீர் தேவையைப் பூர்த்தி செய்ய இந்த ஆண்டு தெலுங்கு கங்கா திட்டத்தில் இருந்து 4.08 டிஎம்சி தண்ணீர் திறந்து விடப்பட்டுள்ளது. கூடுதல் தண்ணீரைத் திறந்து விடுமாறு தமிழக அரசு கோரிக்கை விடுத்துள்ள நிலையில், தண்ணீரின் இருப்பைப் பொறுத்து அதனைப் பரிசீலிப்பதாக ஆந்திர அரசு தெரிவித்துள்ளது. மேலும், மனிதநேய அடிப்படையில் சென்னையின் குடிநீர் தேவையைப் பூர்த்தி செய்ய உதவத் தயாராக இருப்பதையும் ஆந்திர அரசு தெளிவுபடுத்தியுள்ளது.

அதைத் தொடர்ந்து, விஜயவாடா புன்னமி காட்டில் ஏற்பாடு செய்யப்பட்டிருந்த 'விஜயவாடா உற்சவ் 2.0' விழாவில் ஆந்திர முதல்வர் சந்திரபாபு நாயுடுவும், தமிழக முதலமைச்சர் விஜய்யும் பங்கேற்றனர். கிருஷ்ணா நதிக்கரையில் ஏற்பாடு செய்யப்பட்டிருந்த பல்வேறு பாரம்பரிய கலாச்சார நிகழ்ச்சிகளை இரு முதலமைச்சர்களும் மிகுந்த ஆர்வத்துடன் பார்வையிட்டனர்.

நிகழ்ச்சியில் உரையாற்றிய தமிழக முதலமைச்சர் விஜய், ஆந்திர முதல்வர் சந்திரபாபு நாயுடுவுடன் நதிகள் இணைப்பு குறித்து ஆலோசனை நடத்தியதாகக் குறிப்பிட்டார். தனது உரையை தெலுங்கில் "அந்தரிக்கி நமஸ்காரம்" (அனைவருக்கும் வணக்கம்) எனக் கூறித் தொடங்கிய அவர், விஜயவாடா வந்திருப்பதில் பெருமகிழ்ச்சி அடைவதாகவும், தசரா நவராத்திரி கொண்டாட்டங்களில் பங்கேற்பதை தனக்கு கிடைத்த பெருமையாகக் கருதுவதாகவும் தெரிவித்தார்.

இதனைத் தொடர்ந்து பேசிய ஆந்திர முதல்வர் சந்திரபாபு நாயுடு, கட்சித் தொடங்கிய இரண்டே ஆண்டுகளில் விஜய் முதலமைச்சராகப் பொறுப்பேற்று, தமிழ்நாட்டின் வளர்ச்சிக்காகத் தன்னை அர்ப்பணித்துக் கொண்டுள்ளதாகப் பாராட்டினார்.

துர்கா தேவியின் அருளால் கோதாவரி - காவிரி நதிகள் இணைப்புத் திட்டம் விரைவில் நனவாகும் என்று நம்பிக்கை தெரிவித்த அவர், ஐந்து நதிகளை இணைப்பதன் மூலம் 2047-க்குள் இந்தியா உலகின் முதன்மை நாடாக மாறும் என்றும் தெரிவித்தார்.

அந்தரிக்கி நமஸ்காரம்"..! கையை உயர்த்தி வணக்கம் வைத்த முதல்வர்.. தெலுங்கில் பேச்சை தொடங்கிய CM விஜய். https://t.co/zjUgPkM4mA

— HMK® (@HMK_Offl) October 13, 2026

அந்தரிக்கி நமஸ்காரம்"..! கையை உயர்த்தி வணக்கம் வைத்த முதல்வர்.. தெலுங்கில் பேச்சை தொடங்கிய CM விஜய். https://t.co/zjUgPkM4mA

— HMK® (@HMK_Offl) October 13, 2026

பள்​ளிக் கல்வித்துறை அனைத்து மாவட்ட முதன்​மைக் கல்வி அதி​காரி​களுக்கு அனுப்​பி​யுள்ள சுற்​றறிக்​கையில்: அரசு பள்​ளி​களில் செயல்​பட்டு வரும் வினாடி- வினா மன்​றம் “சொல்! வெல்!’ என்ற புதிய அடை​யாளத்​துடன் வலுப்​படுத்​தப்​பட்டு புதிய உற்​சாகத்​துடன் செயல்​படுத்த திட்​ட​மிடப்​பட்​டுள்​ளது. மாண​வர்​களின் பொது அறிவை விரி​வுபடுத்​து​வது, கேள்வி கேட்​கும் திறனை வளர்ப்​பது, தகவல்​களை தொடர்​படுத்தி சிந்​திக்​கும் திறனை உரு​வாக்​கு​வது ஆகிய​வையே இம்​மன்​றத்​தின் நோக்​கங்​களாகும்.

எனவே, வினாடி-வினா போட்​டிகளில் பங்​கேற்​கும் சில மாண​வர்​களுக்​காக மட்​டுமின்றி 6 முதல் 9 வகுப்பு வரை பயிலும் ஒவ்​வொரு மாண​வ​ரும் கேள்வி கேட்​டு, கற்​று, சிந்​தித்து மேற்​குறிப்​பிட்ட நோக்​கங்​களை அடை​யும் வகை​யில் இந்த மன்​றத்​தின் செயல்​பாடு​கள் அமைய வேண்​டும். வினாடி- வினா மன்​றச் செயல்​பாடு​கள் மூல​மாக அனைத்து மாண​வர்​களுக்​கும் சமமான கற்​றல் மற்​றும் பயிற்சி வாய்ப்பை உறுதி செய்​யும் வகை​யில் தரப்​படுத்​தப்​பட்ட கற்​றல் வளங்​களை வடிவ​மைத்து ‘எமிஸ்’ தளத்​தில் பதிவேற்​றம் செய்ய திட்​ட​மிடப்​பட்​டுள்​ளது.

இந்த வளங்​களை ஒவ்​வொரு வகுப்​புக்​கான வினாடி-​வினா மன்​றத்​தின் பொறுப்​பாசிரியர் பதி​விறக்​கம் செய்து கொண்டு வினாடி- வினா மன்​றப் பாடவேளை​யின்​ போது செயல்​படுத்த வேண்​டும். வினாடி-​வி​னா​வின் பல்​வேறு கேள்வி வடிவங்​கள், விநாடி- வினா நடத்​தும் முறை​கள் மற்​றும் பல்​வேறு சுற்​றுகளுக்கு மாண​வர்​களைப் பள்ளி நிலை​யி​லிருந்தே அறி​முகப்​படுத்​தும் வகை​யில் வடிவ​மைக்​கப்​பட்​டுள்​ளது.

இதன்​மூலம் மாநில அளவி​லான வினாடி-​வினா போட்​டிகளில் மாண​வர்​கள் எதிர்​கொள்​ளும் கேள்வி வடிவங்​கள் மற்​றும் சுற்​றுகள், அவர்​களுக்கு முற்​றி​லும் புதிய அனுபவ​மாக இல்​லாமல், ஏற்​கெனவே பள்ளி அளவிலேயே அறி​முக​மாகி பயிற்சி பெற்ற ஒன்​றாக அமைய வாய்ப்​பாக இருக்​கும். பள்​ளி​களில் “சொல்! வெல்!’ வினாடி-​வினா மன்​றம், போட்​டிக்​கான பயிற்சி மைய​மாக மட்​டுமின்றி கேள்வி கேட்​கும், சிந்​திக்​கும் மாண​வர் சமூகத்தை உரு​வாக்​கும் கற்​றல் தளமாக செயல்பட வேண்​டும். இது தங்​களது பள்​ளி​யில் முனைப்​புடன் செயல்​படுத்​தப்​படு​வதை உறுதி செய்ய வேண்​டும் என தெரிவிக்கப்பட்டுள்ளது.

திமுக தலைவர் மு.க.ஸ்டாலின் வெளியிட்டுள்ள எக்ஸ் தள பதிவில், "ஆட்சியாளர்களுக்கு அத்தியாவசியப் பொருட்களின் விலையைக் கட்டுக்குள் வைக்கத் தெரியவில்லை என்றால் கூட பரவாயில்லை. விலைவாசி உயர்வே ஏற்படவில்லை என உணவுத்துறை அமைச்சர் சொல்லும் வடிகட்டிய பொய்யைக் கேட்டுத் தான் ஏழை மக்கள் இன்னும் எரிச்சலில் இருக்கிறார்கள்.

மின்வெட்டு குறித்தும் அனைத்து எதிர்க்கட்சிகளும் கடந்த பல மாதங்களாக எச்சரித்து வந்தோம். அப்போதே சுதாரித்து உரிய நடவடிக்கைகளை எடுத்திருக்க வேண்டும்.

மின்துறை அமைச்சர் பஞ்சாப் மாநிலத்தை காண்பிக்க, முதலமைச்சரோ லண்டன் பறந்துவிட்டார். இப்போது, கடைசி நிமிடத்தில் கதவைத் தட்டி, யூனிட்டுக்கு 35 ரூபாய் கொடுத்து வெளிச்சந்தையில் வாங்கப் போகிறார்களாம்.

திமுக ஆட்சியில் குறைந்த விலைக்கு வாங்கிய ஒப்பந்தங்களை ரத்து செய்து விட்டு, இந்தியாவிலேயே இதுவரை எந்த மாநிலமும் வாங்காத அதிக விலைக்கு வாங்குவது தான் இவர்கள் கொண்டு வந்துள்ள மாற்றமா?

இது யார் வீட்டுப் பணம்? அதிமுகவில் இருந்து மேலும் 15 பேரை கொள்முதல் செய்யப் போகிறோம் என்று ஒப்புதல் வாக்குமூலம் கொடுக்கிறீர்களே? அதற்குப் பணம் போதாமல் தான் மின்சாரம் வாங்குவதில் ஊழல் நடக்கிறதா? என மக்கள் மனதிலும் கேள்விகள் எழத் தொடங்கிவிட்டன.

குறுவை பொய்த்த நிலையில், டெல்டா விவசாயிகளின் பேச்சைக் கேட்காமல், ஜோசியரின் பேச்சைக் கேட்டு மேட்டூர் அணையையும் தவறான தேதியில் திறந்து வைத்தார்கள். 5 கோடி ரூபாய் செலவில் சாலையோரத் தடுப்புகள் அமைத்து முதல்வர் ரீல்ஸ் எடுத்ததைத் தவிர அதனால் விளைந்த பயன் என்ன? இப்போது சம்பா சாகுபடியும் சாத்தியமாகுமா? எனத் தெரியாமல் கடைமடை விவசாயிகள் நீரின்றிப் பரிதவிக்கிறார்கள்.

இப்படி, முன்யோசனையும் இல்லாத கூட்டத்திடம் சிக்கி, நம் கண்முன்னே தமிழ்நாடு சீரழிந்து கொண்டிருக்கிறது. வாலில் தீப்பற்றிய குரங்குக் கூட்டம் வனமெல்லாம் தாவி, கொளுத்தி விடுவதைப் போலத் தான் தவெக அரசின் அமைச்சரவை அமைந்திருக்கிறது.

இவர்களை வழி நடத்த வேண்டிய முதலமைச்சரோ, உடுப்பி, லண்டன், விஜயவாடா என மாதம் ஒரு ஊருக்குச் சென்று விழாவைச் சிறப்பிப்பதிலேயே குறியாக இருக்கிறார்.

மொத்தத்தில், ஆட்சி நிர்வாகத்தின் அடிப்படை கூட அறியாத இவர்களின் அலட்சியத்தாலும் அழிச்சாட்டியத்தாலும் எதிர்வரும் மாதங்களைத் தமிழ்நாட்டு மக்கள் எப்படி எதிர்கொள்ளப் போகிறார்கள்? என்ற அச்சம் தான் மேலோங்குகிறது" என்று குறிப்பிட்டுள்ளார்.

மேஷம்:

இன்று கலைத்துறையினருக்கு முயற்சிகளின் பேரில் புதிய ஒப்பந்தங்கள் கையெழுத்தாகும். ஆனால் பொருளாதார  ரீதியாக சிறப்பாக இருக்கும். எதிர்பார்த்த புகழ், பாராட்டு கிடைக்கும். அரசியலில் உள்ளவர்கள் வாகனங்கள் பயன்படுத்தும் போது கவனம் தேவை. 

அதிர்ஷ்ட நிறம்: மஞ்சள், வெள்ளை

அதிர்ஷ்ட எண்: 9, 3

ரிஷபம்:

இன்று சிலருக்கு இடமாற்றம் உண்டாகலாம். நண்பர்கள் மூலம் எதிர்பார்த்த உதவி கிடைக்கும். வாழ்க்கை தரம் உயரும். மாணவர்களுக்கு எதிர்காலத்தை பற்றிய எண்ணம் உண்டாகும். மேல் படிப்பு பற்றிய சிந்தனையில் ஈடுபடுவீர்கள். சக மாணவர்களின் விவகாரங்களில் தலையிடாமல் ஒதுங்கி இருப்பது நல்லது.

அதிர்ஷ்ட நிறம்: சிவப்பு, அடர் நீலம்

அதிர்ஷ்ட எண்:  4, 6

மிதுனம்:

இன்று எதிர்பார்த்த காரிய வெற்றி உண்டாகும். கடன் பிரச்சனை தீரும். எந்த ஒரு காரியத்தையும் முன்னின்று செய்ய ஆசைப்படுவீர்கள். பொருள் சேர்க்கை உண்டாகும். சுப நிகழ்ச்சிகளுக்கு பஞ்சமிருக்காது. விருந்து நிகழ்ச்சிகளில் கலந்து கொள்வீர்கள். இட மாற்றம் ஏற்படும்.

அதிர்ஷ்ட நிறம்: சிவப்பு, வெளிர் நீலம்

அதிர்ஷ்ட எண்: 5, 6

கடகம்:

இன்று எடுத்த காரியம் தாமதப்படுகிறதே என்ற கவலை உண்டாகும். இரவில் நீண்ட நேரம் கண் விழிக்க வேண்டி வரலாம் கவனம் தேவை. குடும்பத்தில் இருப்பவர்களால் இருந்த மனவருத்தம் நீங்கும். வாழ்க்கை துணையின் உடல் நிலையில் கவனம் தேவை.

அதிர்ஷ்ட நிறம்: பச்சை, மஞ்சள், நீலம்

அதிர்ஷ்ட எண்கள்: 2, 5, 7

சிம்மம்:

இன்று வீட்டிற்கு தேவையான பொருட்களை வாங்குவதன் மூலம் செலவு கூடும். விருந்தினர் வருகை இருக்கும். புதிய முடிவுகள் எடுப்பதில் தயக்கம் உண்டாகும். பழைய பாக்கிகள் வசூலாவதில் தாமதம் உண்டாகலாம். பிள்ளைகள் வழியில் செலவு உண்டாகலாம். பண விஷயத்தில் கவனமாக இருப்பது நல்லது. 

அதிர்ஷ்ட நிறம்: வெள்ளை, மஞ்சள், பச்சை

அதிர்ஷ்ட எண்கள்: 1, 3, 5

கன்னி:

இன்று தொழில் வியாபாரம் எதிர்பார்த்ததை விட அதிகமான லாபம் தரும். ஆனால் தொழில் வியாபாரத்தில் ஈடுபட்டு இருப்பவர்கள் எப்போதும் பிசியாக காணப்படுவார்கள். செலவுகள் கூடும். உத்தியோகத்தில் இருப்பவர்கள் கூடுதலாக உழைக்க வேண்டி இருக்கும்.

அதிர்ஷ்ட நிறம்: இளஞ்சிவப்பு, நீலம்

அதிர்ஷ்ட எண்கள்: 3, 6, 9

துலாம்:

இன்று கடன் விவகாரங்களில் கொடுக்கல் வாங்கலிலும் எச்சரிக்கை தேவை. பொறுப்புகள் கூடும். பயணங்கள் செல்ல நேரிடலாம். எடுத்த வேலையை செய்து முடிக்க காலதாமதமாகலாம். வழக்கத்தை விட கூடுதலாக உழைக்க வேண்டி இருக்கும்.

அதிர்ஷ்ட நிறம்: ஆரஞ்சு, ஊதா, மஞ்சள்

அதிர்ஷ்ட எண்கள்: 1, 3, 5, 9

விருச்சிகம்:

இன்று கலைத்துறையில் இருப்பவர்கள் எட்டிய அனைத்து வாய்ப்புகளையும் பயன்படுத்தி முன்னேற்றப் பாதையில் செல்வீர்கள். அரசியல்வாதிகள், சமூக சேவகர்களுக்கு பலன்கள் நன்மை தீமை என கலந்து கிடைத்தாலும் சிறப்பாக இருக்கும். எந்த ஒரு வேலையை செய்யும் போதும் கூடுதல் கவனத்துடன் செய்வது நல்லது. செலவு அதிகரிக்கும்.

அதிர்ஷ்ட நிறம்: மஞ்சள், நீலம்

அதிர்ஷ்ட எண்கள்: 1, 3, 9

தனுசு:

இன்று மாணவர்கள் கல்வியில் வெற்றி பெற கூடுதல் நேரம் பாடங்களை படிப்பது நல்லது. பொறுப்புகள் அதிகரிக்கும். ஆபத்தில் உதவக்கூடிய நண்பர்களை பெறுவீர்கள். பணம் கைக்கு கிடைக்கும். எதிலும் தயக்கமோ, பயமோ இல்லாமல் ஈடுபட்டு  வெற்றி காண்பீர்கள். 

அதிர்ஷ்ட நிறம்: மஞ்சள், வெள்ளை

அதிர்ஷ்ட எண்கள்: 3, 6, 9

மகரம்:

இன்று அவசர முடிவுகளை எடுப்பதை தவிர்ப்பது நல்லது.  விரும்பதகாத ஆசைகள் உண்டாகலாம். கவனமாக இருப்பது நல்லது. வீடு, மனை, நிலம், வாகனம் போன்ற சொத்துக்களில் எடுக்கும் முயற்சிகள் வெற்றி பெறும். தொழில் மாற்றம், உத்தியோக மாற்றம் போன்றவை உண்டாகலாம்.

அதிர்ஷ்ட நிறம்: நீலம், வெளிர் பச்சை, ஆரஞ்சு

அதிர்ஷ்ட எண்கள்: 6, 9

கும்பம்:

இன்று எல்லாவற்றுக்கும் அடுத்தவர் தயவை எதிர்பார்க்க வேண்டி இருக்கலாம். உடல் ஆரோக்யத்தில் கவனம் தேவை. பூர்வீக சொத்துக்கள் மூலம் லாபம் கிடைக்கும். தர்ம காரியங்களில் நாட்டம் அதிகரிக்கும்.

அதிர்ஷ்ட நிறம்: நீலம், பச்சை

அதிர்ஷ்ட எண்கள்: 2, 7

மீனம்: