இந்தியா சீனா எல்லைப் பகுதியில் போர் பதற்றம் நிலவி வரும் பரபரப்பான சூழலில் திருச்சி ஆயுதபடை துறைத் தலைவருக்கு கடிதம் உதவிதளவாய் மூலம் வான் தந்தி செய்தியாக வந்துள்ளது.
இக்கடிதத்தில் ஜம்மு காஷ்மீர் லடாக் பகுதியில் ஒரு மாத காலம் பணிபுரிய 1 ஆய்வாளர், 1 சார்பு ஆய்வாளர், 5 அவில்தார்கள் நியமனம் செய்ய அறிவுறுத்தப்படுகிறது. எனவே தங்களது நிறும / குழுமங்களில் பணி புரியும் அவில்தார்கள் முதல் ஆய்வாளர்கள் வரை விருப்பம் உள்ளவர்களிடம் ஜம்மு காஷ்மீர் லடாக் பகுதியில் பணிபுரிய விருப்பம் தெரிவிப்பவர்களின் விவரத்தினை இன்று உடனடியாக அலுவலகத்திற்கு அனுப்ப அறிவுறுத்தப்பட்டுள்ளது.
மேலும் அவ்வாறு விருப்பம் தெரிவிக்கும் நபர்களை மேற்கண்ட பணிக்கு பணி நியமனம் செய்து அனுப்பப்படுவார்கள் என அறிவுறுத்தப்படுகிறது. “இது மிகவும் அவசரம் காலதாமதத்தை தவிர்க்கவும்” என அக்கடிதத்தில் குறிப்பிடப்பட்டுள்ளது. 5 பேர் செல்வார்கள் என்ற தகவல் வெளியாகியுள்ளது.