விளையாட சென்ற சிறுமி.. ஆடைகள் கிழிக்கப்பட்டு முட்புதரில் கிடந்த அதிர்ச்சி சம்பவம் !

    0
    9
    child abuse

    சிவகாசி அருகே ஒரு சிறுமி அரைநிர்வாணமாக கண்டெடுக்கப் பட்டுள்ளது பெரும் அதிர்ச்சியை ஏற்படுத்தியுள்ளது. 

    குழந்தைகள் மற்றும் பெண் குழந்தைகளின் மீதான வன்முறை தொடர்ந்து நடந்து வருகிறது. இதற்கு ஒரு முக்கிய காரணமாக இருக்கும் ஆபாசப் படங்களை முடக்க காவல்துறை அதிரடி நடவடிக்கைகளை மேற்கொண்டு வருகிறது. ஒவ்வொரு நாளும் ஏதோ ஒரு இடத்தில் ஒரு குழந்தை பாலியல் வன்கொடுமைக்கு ஆளாக்கப்படுகிறார். இது பெண் குழந்தைகளை வளர்க்கும் பெற்றோர்களை பீதி அடையச் செய்துள்ளது. இந்நிலையில், சிவகாசி அருகே ஒரு சிறுமி அரைநிர்வாணமாக கண்டெடுக்கப் பட்டுள்ளது பெரும் அதிர்ச்சியை ஏற்படுத்தியுள்ளது. 

    tthn

    சிவகாசி அருகே உள்ள கொங்களாபுரம் என்னும் பகுதியில் வசித்து வரும் சுந்தரம் என்பவருக்கு 8 வயதில் பெண் குழந்தை ஒன்று உள்ளது. அந்த சிறுமியின் பெயர் பிரித்திகா. இவர், அப்பகுதியில் உள்ள பள்ளியில் 3 ஆம் வகுப்பு படித்து வருகிறார். வழக்கமாகத் தனது நண்பர்களுடன் பிரித்திகா விளையாடச் செல்வாராம். அதே போல, நேற்று முன்தினமும் சென்றுள்ளார். ஆனால், வெகு நேரம் ஆகியும் பிரித்திகா வீடு திரும்பாததால் பதற்றமடைந்த பெற்றோர் காவல்நிலையத்தில் புகார் அளித்தனர். அந்த புகாரின் பேரில் காவல்துறையினர் பிரித்திகாவை தேடும் பணியில் ஈடுபட்டனர். 

    ttn

    நேற்று காலை முட்புதர்களின் அருகே பிரித்திகாவின் உடல் அரை நிர்வாணமாகக் கண்டெடுக்கப்பட்டது. இச்சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியது. இது குறித்து காவல்துறையினர் வழக்குப்பதிவு செய்து தீவிர விசாரணை மேற்கொண்டு வருகின்றனர்.