darbar
  • January
    24
    Friday

Main Area

Main



நாங்கதான் இன்னும் 50 வருஷத்துக்கு ஆட்சியில் இருப்போம்: பா.ஜ.க. துணை முதல்வர் தகவல்

கேசவ் பிரசாத் மவுரியா
கேசவ் பிரசாத் மவுரியா

பிரயக்ராஜில் ராம்லீலா கமிட்டியின் மேகசின் வெளியிட்டு விழாவில் கலந்து கொண்ட உத்தர பிரதேசத்தின் துணை முதல்வர் கேசவ் பிரசாத் மவுரியா பேசுகையில் கூறியதாவது: உத்தர பிரதேசம் மற்றும் மத்தியில் உள்ள அரசாங்கங்கள் நாட்டு மக்களுக்காக பணியாற்றுகிறது. இந்த அரசாங்கம் அடுத்த 50 ஆண்டுகள் ஆட்சியில் இருக்கும். ஆகையால் அகிலேஷ் யாதவ் உத்தரப் பிரதேசத்தில் ஆட்சி அமைக்க விரும்பினால் இன்னும் 50 ஆண்டுகள் கழித்தே அதனை செய்ய முடியும். இவ்வாறு அவர் தெரிவித்தார்.

அகிலேஷ் யாதவ்

கடந்த சில தினங்களுக்கு முன் சமாஜ்வாடி கட்சி தலைவரும் முன்னாள் முதல்வருமான அகிலேஷ் நிகழ்ச்சி ஒன்றில் பேசுகையில், வரும் நாட்களில் நாம் ஒன்றாக இணைந்து தேர்தலில் போட்டியிட உள்ளோம். சமாஜ்வாடி குடும்பம் வளர்ச்சி அடைந்து கொண்டே செல்கிறது. 2022ல் நாம் உறுதியாக ஆட்சி அமைப்போம் என தெரிவித்தார்.

பா.ஜ.க.

அகிலேஷ் யாதவின் அந்த பேச்சை குறிப்பிட்டுதான் உத்தர பிரதேச துணை முதல்வர் கேசவ் பிரசாத் மவுரியா கிண்டல் செய்துள்ளார். பா.ஜ.க.வின் மிகப்பெரிய வாக்கு வங்கியாக உத்தர பிரதேசம் விளங்குகிறது. கடந்த 2 நாடாளுமன்ற தேர்தல்களிலும் இந்த மாநிலத்தில் பெரும்பான்மையான தொகுதிகளை கைப்பற்றியது குறிப்பிடத்தக்கது.

2018 TopTamilNews. All rights reserved.