திமுகவின் முதல்வர் வேட்பாளர் உதயநிதியா..? கனிமொழியா..? – எல்.முருகன்

தமிழகம் முழுவதும் கிராம பஞ்சாயத்துகளில் பிரதமர் மோடியின் படத்தை வைக்க வேண்டும் என்று பாஜக தலைவர் எல்.முருகன் வேண்டுகோள் விடுத்துள்ளார்.

சென்னை அண்ணாநகரில் 234 சட்டமன்ற தொகுதிகளில் பாஜக பொறுப்பாளர்களுடன் தமிழக பாஜக தலைவர் எல்.முருகன் இன்று ஆலோசனை நடத்தினார். அப்போது பேசிய அவர், “அதிமுக கூட்டணியில் தான் பாஜக உள்ளது . தமிழகம் முழுவதும் கிராம பஞ்சாயத்துகளில் பிரதமர் மோடியின் படத்தை வைக்க வேண்டும். கூட்டணிக் கட்சியின் ஆட்சி என்ற முறையில் அதிமுக அரசுக்கு வேண்டுகோள் விடுக்கிறேன். திமுகவினர் நடத்தும் பள்ளிகளில் கூடுதல் மொழிகள் கற்பிக்கப்படுகிறது.

முரசொலி மூலப் பத்திரம் எங்கே என்று எல்லோரும் கேட்கிறோம். நான் எஸ்சி., எஸ்டி ஆணையத்தின் தலைவராக இருந்தபோது கேட்டேன். ஆனால் என் மீது வழக்கு தொடரப்பட்டு நஷ்டஈடு வழங்க வேண்டும் என்று கூறினார்கள்.

ஸ்டாலின் முரசொலி அலுவலகத்தில் மூல பத்திரத்தை வெளியிடவில்லை என்றால் தமிழக மக்கள் நல்ல பாடம் புகட்டுவார்கள். திமுகவின் முதல்வர் வேட்பாளர் உதயநிதியா..? கனிமொழியா..? என அக்கட்சியினரே குழம்பி உள்ளனர் ” என்றார் .