பீகார் மாநிலத்தில் நேற்றையதினம் மட்டும் மின்னல் தாக்கி 20க்கும் மேற்பட்டோர் உயிரிழந்துள்ளனர்.
அதிகபட்சமாக போஜ்பூர் மாவட்டத்தில் 9 பேர் உயிரிழந்துள்ளனர். ஸாரன் மாவட்டத்தில் 5 பேரும், கய்மூர் மாவட்டத்தில் 3 பேரும், பாட்னாவில் இரண்டு பேரும், பக்சரில் ஒருவர் என 20 பேர் மின்னல் தாக்கி உயிர் மாண்டுள்ளனர். இத்துயரச் சம்பவம் குறித்து ஆழ்ந்த இரங்கல் தெரிவித்த பீகார் முதலமைச்சர் நிதிஷ் குமார், உயிரிழந்தவர்களின் குடும்பத்திற்கு தலா 4 லட்சம் ரூபாய் நிவாரண உதவி வழங்கப்படும் என அறிவித்துள்ளார்.
அதேநேரம், பேரிடர் மேலாண்மைத் துறையின் அறிவுறுத்தல்களை பின்பற்றி எச்சரிக்கையுடன் இருக்குமாறு பொதுமக்களை முதலமைச்சர் கேட்டுக்கொண்டார். பீகாரில் மின்னல் தாக்கியதில் கடந்த 10 நாட்களில் 130க்கும் மேற்பட்டோர் உயிரிழந்திருப்பது குறிப்பிடத்தக்கது.