‘முகமூடி அவிழ ஆரம்பிச்சிடுச்சு’ யாரை சொல்கிறார் கமல்? – பிக் பாஸ் புரோமோ!
பிக் பாஸ் நிகழ்ச்சியின் இன்றைய சீசனுக்கான புரோமோ தற்போது வெளியாகியுள்ளது.
பிக் பாஸ் சீசன் 4ல் மக்களால் அதிகமாக பேசப்படுபவர் சுரேஷ் சக்கரவர்த்தி. தனது தடாலடி பேச்சு திறமையால் போட்டியாளர்களை அதிர வைத்து விட்டார் என்றே சொல்லலாம்.
முதன் முதலில் ஆரம்பித்த அனிதா சம்பத் உடனான ‘எச்சில் தெறிக்கும்’ சண்டை, வேல் முருகன் உடனான வேட்டி சண்டை வரை சென்றது. எல்லாவற்றுக்கும் குற்றம் கண்டுபிடித்த சுரேஷ் சக்கரவர்த்தியை எல்லாரும் எதிரியாக பார்க்க தொடங்கினர்.
ஆனால், தனது உண்மையான முகம் அதுவல்ல என ஒரே டாஸ்க்கில் காண்பித்து விட்டார் சுரேஷ். கேப்டன் டாஸ்க்கில் கேப்ரியல்லா பக்கம் யாரும் நிற்காத சூழலிலும், தனது உடல்நிலையை கூட பொருட்படுத்தாமல் நான் இருக்கிறேன் உன்னோடு என உதவிக்கரம் நீட்டிய சுரேஷ் தாத்தா மக்கள் மனதில் இடம் பிடித்து விட்டார். அவருடன் ஒப்பிடும் போது, மற்ற போட்டியாளர்கள் எல்லாம் நடிக்கிறார்களோ என்றும் கூட நினைக்கத் தோன்றியது.
இந்த நிலையில் இன்றைய நிகழ்ச்சிக்கான அதிரடி புரோமோ வெளியாகியுள்ளது.
அதில் கமல்ஹாசன், ‘முகத்திரை அவிழ ஆரம்பிச்சுடுச்சு.. கெட்டவர்னு சொன்னவரு இப்போ நல்லவரா மாறிட்டாரு. அப்போ, நாம நல்லவங்கன்னு நினைத்தவர்களெல்லாம்..? பார்ப்போம்” என கூறுவது போல புரோமோ முடிகிறது. இன்று யாரையெல்லாம் கமல்ஹாசன் வெளுத்து வாங்குகிறார் என பொறுத்திருந்து பார்ப்போம்.