65 ஆண்டு கால வரலாற்றில் பவானிசாகர் அணை 26 வது முறையாக 100 அடியை எட்டியது!
Aug 9, 2020, 21:39 IST1596989388000
1956ம் ஆண்டு கட்டிமுடிக்கப்பட்ட பவானிசாகர் அணை, கடந்த 65 ஆண்டு கால வரலாற்றில் 26 வது முறையாக 100 அடியை எட்டியுள்ளது. 2018, 2019 மற்றும் 2020 என தொடர்ந்து 3 ஆண்டுகள் 100 அடியை எட்டியுள்ளது.
நீலகிரி மலைப்பகுதியில் பெய்த கனமழை காரணமாக அணைக்கு நீர்வரத்து அதிகரித்து கடந்த 3ம் தேதி 86 அடியாக இருந்த அணையின் நீர்மட்டம், தினமும் 2 அடி உயர்ந்து இன்று 100 அடியை எட்டியுள்ளது. பவானிசாகர் அணை நீர்மட்டம் இரவு 9 மணி நிலவரப்படி 105 அடியாக அதிகரித்துள்ளது. அதேபோல் அணைக்கு நீர்வரத்து 7 ஆயிரத்து 453 கன அடியாகவும், நீர் திறப்பு 1000 கனஅடியாகவும் உயர்ந்துள்ளது. நீர் இருப்பு 28.69 டிஎம்சி ஆக உள்ளது.