பீலா ராஜேஷின் தந்தை, முன்னாள் டிஜிபி எல்.என்.வெங்கடேசன் காலமானார்!

வணிக வரித்துறை செயலாளர் பீலா ராஜேஷின் தந்தையும், முன்னாள் எம்எல்ஏ ராணியின் கணவரும், முன்னாள் டிஜிபியுமான எல்.என்.வெங்கடேசன் கடந்த சில நாட்களாக உடல்நலக் குறைபாட்டால் சிகிச்சை பெற்று வந்துள்ளார். அவருக்கு மருத்துவமனையில் தீவிர சிகிச்சை அளிக்கப்பட்டு வந்தும், இன்று பிற்பகல் எல்.என்.வெங்கடேசன் சிகிச்சை பலனின்றி காலமானார். அவர் தூத்துக்குடி மாவட்டம் வாழையடி கிராமத்தை பூர்வீகமாகக் கொண்டதால், அங்கு இறுதிச் சடங்குகள் நடைபெறும் என தகவல்கள் தெரிவிக்கின்றன. அவரது மறைவுக்கு பலரும் இரங்கல் தெரிவித்து வருகின்றன.

அந்த வகையில், தமிழக காங்கிரஸ் தலைவர் கே.எஸ்.அழகிரியும் பீலா ராஜேஷ் குடும்பத்துக்கு இரங்கல் தெரிவித்துள்ளார். எல்.என்.வெங்கடேசன் காவல்துறையில் உயர் பொறுப்புகளை பெற்று சிறப்பாக செயல்பட்டவர் என்றும் காவல்துறையினருக்கு முன்மாதிரியாக திகழ்ந்தவர் என்றும் அவர் குறிப்பிட்டுள்ளார்.