வார விடுமுறையை தொடர்ந்து வருது…. வங்கி ஊழியர்களின் 2 நாள் ஸ்டிரைக்..

பொதுத்துறை வங்கிகளை தனியார்மயமாக்கலுக்கு எதிர்ப்பு தெரிவித்து, மார்ச் 15, 16ம் தேதிகளில் வங்கி பணியாளர்கள் 2 நாட்கள் வேலை நிறுத்தத்தில் ஈடுபடுகின்றனர்.

மத்திய அரசு சில பொதுத்துறை வங்கிகளை தனியார்மயமாக்கும் நடவடிக்கைகளை மேற்கொண்டுள்ளது. இதனை கண்டித்து 9 முக்கிய தொழிற்சங்கங்களை உள்ளடக்கிய வங்கி சங்கங்களின் ஐக்கிய மன்றம் 2 நாள் வேலை நிறுத்தத்துக்கு அழைப்பு விடுத்துள்ளது. எதிர்வரும் திங்கள் (15) மற்றும் செவ்வாய் (16) ஆகிய தினங்களில் வங்கி சங்கங்கள் வேலை நிறுத்தத்தில் ஈடுபட உள்ளன.

இரண்டாவது சனிக்கிழமை மற்றும் ஞாயிறு வார விடுமுறை என்பதால் மார்ச் 13 மற்றும் 14ம் தேதிகளில் வங்கிகள் மூடப்பட்டு இருக்கும். வரும் திங்கள் மற்றும் செவ்வாய் கிழமைகளில் தொடர்ச்சியாக வங்கி பணியாளர்கள் 2 நாள் வேலை நிறுத்தத்தில் ஈடுபடுவதால் வங்கி பணிகள் பாதிக்கப்பட வாய்ப்பு உள்ளது. ஆகையால் வங்கி வாடிக்கையாளர்கள் தங்களது வங்கி பணிகளை முன்கூட்டியே திட்டமிட்டு மேற்கொள்வது நல்லது. பொதுத்துறை வங்கிகள் அனைத்தும் வரும் சனிக்கிழமை முதல் செவ்வாய்க்கிழமை வரை 4 தினங்கள் செயல்படாது.

மார்ச் 13 இரண்டாவது சனிக்கிழமை
மார்ச் 14 ஞாயிறு
மார்ச் 15 வங்கிகள் ஸ்டிரைக்
மார்ச் 16 வங்கிகள் ஸ்டிரைக்