Home அரசியல் பாபர் மசூதி இடிப்பு வழக்கு : குற்றம் சாட்டப்பட்ட அனைவரும் விடுதலை!

பாபர் மசூதி இடிப்பு வழக்கு : குற்றம் சாட்டப்பட்ட அனைவரும் விடுதலை!

பாபர் மசூதி இடிப்பு வழக்கில் சிபிஐ சிறப்பு நீதிமன்றம் அனைவரையும் விடுவித்து தீர்ப்பளித்துள்ளது.

பாபர் மசூதி இடிப்பு:

கடந்த 28 ஆண்டுகளாக நடைபெற்று வந்த பாபர் மசூதி இடிப்பு வழக்கின் தீர்ப்பை நாடே எதிர்ப்பார்த்து காத்துக்கிடந்தது. கடந்த 1992 ஆம் ஆண்டு உத்தர பிரதேச மாநிலம், அயோத்தியில் இருந்த பாபர் மசூதி இடிக்கப்பட்டது. இந்த விவகாரத்தில் பாஜக மூத்த தலைவர்கள், அத்வானி, முரளி மனோகர் ஜோஷி, கல்யாண் சிங், உமா பாரதி, வினய் கத்தியார் உட்பட 32 பேர் மீது குற்றம் சாட்டப்பட்டது. இதில் பாஜக தலைவர்கள் மீது தனி வழக்கு , லட்சக்கணக்கான கரசேவகர்கள் மீது தனி வழக்கு என இரண்டு வழக்குகள் பதிவு செய்யப்பட்டன.

பாஜக தலைவர்களை விடுவித்த ரேபரேலி நீதிமன்றம் :

இந்த இரண்டு வழக்கில் தலைவர்கள் மீதான வழக்கு ரேபரேலி சிறப்பு நீதிமன்றத்திலும், கரசேவகர்கள் மீதான வழக்கு லக்னோ சிறப்பு நீதிமன்றத்திலும் தொடர்ந்து நடைபெற்று வந்தது. இதில் 2001 ஆம் ஆண்டு தீர்ப்பளித்த ரேபரேலி நீதிமன்றம் அத்வானி உள்ளிட்ட தலைவர்களை வழக்கில் இருந்து விடுவித்தது. மேலும் இந்த தீர்ப்பை அலகாபாத் உயர் நீதிமன்றம், 2010ல் உறுதி செய்த நிலையில் இந்த தீர்ப்பை எதிர்த்து உச்ச நீதிமன்றத்தில் சிபிஐ சார்பில் மேல்முறையீடு செய்தது.

சிபிஐ சிறப்பு நீதிமன்றம் தலையீடு:

இதை தொடர்ந்து ரேபரேலி சிறப்பு நீதிமன்ற தீர்ப்பை ரத்து செய்த உச்ச நீதிமன்றம் வழக்கை, லக்னோ சிபிஐ சிறப்பு நீதிமன்றத்திற்கு மாற்றியது. இதை தொடர்ந்து பாபர் மசூதி இடிப்பு வழக்கை சிறப்பு நீதிபதி எஸ்.கே.யாதவ் விசாரித்து வந்தார். பாபர் மசூதி இடிப்பு வழக்கில் இறுதிவாதம் அனைத்தும் முடிந்த நிலையில் இன்று (30 ஆம் தேதி ) சிறப்பு நீதிபதி எஸ்.கே.யாதவ் தீர்ப்பு வழங்கினார். இந்த வழக்கில் எல்.கே.அத்வானி, முரளி மனோகர் ஜோஷி, உமாபாரதி உள்ளிட்டோர் நேரில் ஆஜராகாத நிலையில் காணொலியில் ஆஜராகினர். இந்த 6 பேரை தவிர மற்ற அனைவரும் லக்னோ சிறப்பு சிபிஐ நீதிமன்றத்தில் நேரில் ஆஜராகினர்.

அனைவரும் விடுதலை

பாபர் மசூதி இடிப்பு வழக்கில் அத்வானி, உமாபாரதி உள்ளிட்ட அனைவரையும் விடுவித்து சிபிஐ சிறப்பு நீதிமன்றம் . குற்றத்தை உரிய ஆதாரங்களுடன் சிபிஐ நிரூபிக்கவிலை என் கூறி 32 பேரையும் விடுவித்து சிறப்பு நீதிமன்றம் தீர்ப்பளித்துள்ளது.28 ஆண்டுகள் நீடித்த வழக்கில் அனைவரையும் சிபிஐ சிறப்பு நீதிமன்றம் விடுவித்திருப்பது கவனத்தை பெற்றுள்ளது.

மாவட்ட செய்திகள்

Most Popular

சந்தேகத்தால் மனைவியை கொன்ற பெட்ரோல் பங்க் ஊழியர் கைது

சென்னை பூந்தமல்லி அருகே மனைவியை கொலை செய்த வழக்கில் தலைமறைவாக இருந்த பெட்ரேல் பங்க் ஊழியரை போலீசார் கைதுசெய்தனர். சென்னை பூந்தமல்லி ரைட்டர் தெருவை சேர்ந்தவர்...

சாலை விபத்தில் பொறியியல் கல்லூரி மாணவர் உயிரிழப்பு

தர்மபுரி தர்மபுரி மாவட்டம் அதியமான்கோட்டை அருகே கட்டுப்பாட்டை இழந்த கார் சாலையோர மரம் மீது மோதிய விபத்தில் பொறியியல் கல்லூரி மாணவர் உயிரிழந்தார். ஈரோடு மாவட்டம்...

கொடிமுடியில் விடிய விடிய பெய்த கனமழை; வீடுகளை சூழ்ந்த வெள்ளநீர்

ஈரோடு ஈரோடு மாவட்டம் கொடுமுடி சுற்றுவட்டார பகுதிகளில் விடிய விடிய பெய்த கனமழை காரணமாக வீடுகளை வெள்ள நீர் சூழ்ந்தது.

திருடர்களை சேஸிங் செய்து மடக்கிப் பிடித்த சப் இன்ஸ்பெக்டருடன் கமிஷ்னர் தேநீர் விருந்து!

சென்னையில் இருசக்கர வாகனத்தில் வரும் திருடர்கள், செல்போன் பறிப்பு, செயின் பறிப்பு உள்ளிட்ட சம்பவங்களில் ஈடுபட்டுவருவது தொடர்கதையாகியுள்ளது. இதுபோன்ற சம்பவங்களால் உடைமைகளையும், நகைகளையும் இழக்கும் மக்கள், சில நேரம் உயிர்களையும்...
Do NOT follow this link or you will be banned from the site!