ஏ.ஐ.எம்.ஐ.எம். கட்சி பா.ஜ.க.வின் பி டீம்?.. நான் பொதுமக்களை தவிர வேறு யாருக்கும் சொந்தமில்லை…. அசாதுதீன் ஓவைசி

ஏ.ஐ.எம்.ஐ.எம். கட்சி பா.ஜ.க.வின் பி டீம் அல்ல. நான் மக்களை தவிர வேறு யாருக்கும் சொந்தமானவன் அல்ல என்று அசாதுதீன் ஓவைசி தெரிவித்தார்.

கர்நாடகாவில் கலாபுராவில் கடந்த சனிக்கிழமையன்று நடைபெற்ற பேரணியில் ஏ.ஐ.எம்.ஐ.எம். கட்சியின் தலைவரும், ஹைதராபாத் எம்.பி.யுமான அசாதுதீன் ஓவைசி கலந்து கொண்டார். அந்த பேரணியில் அசாதுதீன் ஓவைசி பேசுகையில் கூறியதாவது: ஏ.ஐ.எம்.ஐ.எம். கட்சி மீது பல்வேறு குற்றச்சாட்டுகள் கூறப்படுகின்றன. மேற்கு வங்க சட்டப்பேரவையில் போட்டியிட போவதாக அறிவித்த பிறகு, ஒரு காலத்தில் காங்கிரஸ் என்று அழைக்கப்பட்ட பேண்ட் இசைக்குழு கட்சி, நாங்கள் பி அணி (பா.ஜ.க.வின்) என்று கூறத் தொடங்கியது.

மம்தா பானர்ஜியும் இந்த விஷயத்தை சொல்ல தொடங்கினார். நான் மட்டும் அவர்களால் பேச முடியுமா? நான் பொதுமக்களை தவிர யாருக்கும் சொந்தமில்லை. கர்நாடகாவில் நீங்கள் என்ன செய்தீர்கள்?, காங்கிரஸ் எம்.எல்.ஏ.க்கள் பா.ஜ.க.வில் இணைந்தார்கள். இதனை செய்வதற்கு முன் அவர்கள் என்னிடம் கேட்டார்களா? அனைவரும் பா.ஜ.க.வில் இணைந்தனர். நீங்கள் யாரையும் பார்க்கவில்லை. அவர்கள் தற்போது அமைச்சர்களாகி விட்டார்கள், ஆனால் அவர்களை உங்களால் பார்க்க முடியாது.

மம்தா அல்லது காங்கிரசும் இதை பற்றி பேசவில்லை. அது ஏ.ஐ.எம்.ஐ.எம்.க்கு வரும் போது, அது பா.ஜ.க.வின் பி டீன் என்று கூறுகிறார்கள். 1948 ஜனவரி 30ம் தேதியன்று மகாத்மா காந்தி கொல்லப்பட்டார். சுதந்திர இந்தியாவின் முதல் தீவிரவாதி நாதுராம் கோட்சே. அவர்கள் (பா.ஜ.க.) கோட்சேயின் பின்தொடருபவர்கள். அவர்கள் ஒரு கையால் மகாத்மா காந்திக்கு அஞ்சலி செலுத்துகிறார்கள், மறுபுறம் அவர்கள் காந்தியின் படுகொலையின் சதிகாரரான சாவர்க்கரை வணங்குகிறார்கள். இவ்வாறு அவர் தெரிவித்தார்.