அனுஷம் நட்சத்திரம் சனிபகவானின் ஆதிக்கத்துக்கு உட்பட்ட நட்சத்திரம் ஆகும்.
அனுஷம் நட்சத்திரத்தில் பிறந்தவர்கள் கவர்ச்சியான தோற்றம் கொண்டவர்களாக இருப்பார்கள். மற்றவர்களிடமிருந்து வித்தியாசமான சிந்தனை கொண்டவர்களாக இருப்பார்கள். தங்கள் பெற்றோரிடம் அதிக அன்பு காட்டுவார்கள். பெற்றோரை அவர்களின் கடைசி காலம் வரை நன்றாக பார்த்துக் கொள்ள நினைப்பார்கள். அனுஷ நட்சத்திரக்காரர்கள் இரக்க சுபாவம் கொண்டவர்களாக இருப்பார்கள். அமைதியை எப்போதும் விரும்பினாலும் சண்டை என வந்துவிட்டால் இரண்டில் ஒன்று பார்க்கக் கூடியவர்கள். கொள்கைப் பிடிப்பு அதிகம் கொண்டவர்களாக இருப்பார்கள். தவறு யார் செய்தாலும் தட்டிக் கேட்கத் தயங்க மாட்டார்கள். மற்றவர்களுக்கு வேலை கொடுப்பவர்களாக திகழ்வார்கள். ஒருவரிடம் கைகட்டி வேலை பார்ப்பதை விரும்ப மாட்டார்கள்.
மற்றவர்களின் துன்ப நேரத்தில் உதவினாலும், தங்களுக்கு பிரச்னை ஏற்படும்போது அதை மற்றவர்களிடம் பகிர்ந்து கொள்ள மாட்டார்கள். அனுஷம் நட்சத்திரத்தில் பிறந்தவர்கள் பல விஷயங்களில் ஞானம் பெற்றவர்களாக இருப்பார்கள். அனுஷ நட்சத்திரக்காரர்கள் எந்த பாலினமாக இருந்தாலும் எதிர்ப் பாலினரால் விரும்பப்படுவார்கள். எடுத்த காரியத்தை எப்படியாவது முடிக்க வேண்டும் என்று உறுதியாக இருப்பார்கள். தங்கள் குடும்பத்தினரிடம் அதிக பாசம் வைத்திருப்பார்கள். தங்கள் துணைக்கு சம உரிமை கொடுப்பார்கள். எந்த சூழலிலும் வாழப் பழகிக் கொள்வார்கள். வாழ்க்கையில் ஏற்ற, இறக்கங்கள் இருந்தாலும் மனம் சோர்ந்து போக மாட்டார்கள். அனுஷ நட்சத்திரத்தில் பிறந்தவர்கள் எல்லோரிடமும் சகஜமாகப் பழகுவார்கள். சமூகத்துக்கு நன்மை செய்யக் கூடியவர்களாக இருப்பார்கள்.